JEMS 5:11 - NIEMNYAN Naga NT (BSI)

¹¹ Thinma chêmchei heh tâdôdi nãngma thinnâng rangkepte ngama rooeki. Job ma chenroh tadôtah a erepa nema lâchohtattet, ngale nemajet athôanko Teso ma atenâng chentô chohkohtah a. Chenrãngma ngako Teso nâng mînchen ngale hun achet pa jahmõang tonga.

JEMS 5:11 Iomraidhean Croise

MATHIU 10:22

Anga ngama ngajunma nenâng emitchek hèn. Rohkomin henhen pa athôan kotuk dâlemsen lektong eka ere hehba khope min.

LUK MA RAANGWAH NGINKONGSEN 1:50

Rôanthe kowah rôantheko atenâng soam atôte hehnâng atema mînchen eka.

LUK MA RAANGWAH NGINKONGSEN 11:10

Chenrãngma ngako henhenma thaeka erehehma echoh a, ngale henhenma lemeka erehehma echohkhe a, ngale henma komin kâsekko merahkong ako atenâng kâsekpa elaangkoh a.

LUK MA RAANGWAH NGINKONGSEN 6:36

Ne Wa Joban mihnâng mînchente dangeka rãngrãng nemin mihnâng mînchente dangen.

ROMAN HEHNÂNG POLMA RAANGWAH SITI 2:4

Ba nema atewah adongthôan mînchen, atâdô, ngale hungmông heh lekep dangthem eken. Linlinko nema Joban mînchenchhan pa jetmin, chenrãngma ngako atema nehung litthuk hun ehèn.

IFISIEN 1:6

Erohwah Joban ma nãngnâng nyahrãng mînchendong kohdi Joban nâng rôe, chenrãngma ngako atema nyahrãng ahun ate Chha demko nãngnâng hînhô pa thãhoma kohehi!

IFISIEN 2:4

Rohkomin Joban mînchen pa ajah, ngale ate hun achet pa adong,

HIBRU 10:39

Nãnga Joban tâwah ngakchhoan lahma mahritte mihnyan heh dangmih. Erenoma, nãnga Joban nâng putedâlem lihma khopete mihnyan.

HIBRU 3:14

Chenrãngma ngako, nãngma khebengwah putedâlemtih rãngrãng athôan kotuk rongtêngtêng medang eko, nãngkhu anga nga Krista demnâng aroamma etadange.

HIBRU 3:6

Rohkomin Joban humko Krista ma Chha danglahma senthemthem putedâlem lahma moeka. Erohwah, nãngma chenni nâng khalihma putedâlem ekia ererãngma nãnghung dongdong, ngale senthemthem putedâlem lihma metong eko nãnga ate hum.

JEMS 1:12

Henpa chêmchei chohpoat komin putedâlem nâng asen danglahma tongeka ereheh a rangkepte mihnyan, chenrãngma ngako, chenthu thinma chêmchoh ekapa metadô tahko, Joban ma atenâng hun achette mihnyan hehnâng kohrãng toamsem tah roandôngpa thinma echoh a.

JEMS 1:2

Ngalemruchha heh, chenthu nekhoh nâng chentô chêmchei heh mehûrako nea khuhah nâhah dangen,

1 PITER 1:13

Erohwah, nehung nerin ma moatrãng chepen. Ngale jetletma tongen, erediko Jisu Krista hôngkat jâko nema Joban mînchenchaan chohminko senthemthem dâlem letma tongen.

1 PITER 3:14

Rohkomin nema kaamsen moattha chêm mere enko, nema rang ekepen! hen ranjô nekchei en, ngale nekpatrii en.

2 PITER 2:9

Ngale mihnyansen heh chêmchoh eka kowah chenroh pesietmin a ere pemin Joban ma ajet, ngale mihnyan chhih hehma thin Rên Rangwojâ bêmlâ poatko chenroh chêmthukmin a ere pemin ajet,