JEMS 3:17 - NIEMNYAN Naga NT (BSI)

¹⁷ Rohkomin rangkhethung wah buthi mongthem pa khebeng thôanko hungsâ; erediko mêmo, numnene, ngale chentô demnâng lemru lemchha tuta; ngale mihnâng nyahrãng mînchen, moatlemsen tuta moeka; ereko thhensok le khoanglep aho.

JEMS 3:17 Iomraidhean Croise

MATHIU 23:28

Ererãngrãng nema tokkhohko anga nganâng asen khesok eken, phumma nehung khenpa ahuhkhoanglep ngale pap moatlem lolo.

MATHIU 5:8

Hungsâ rinsâte mihnyan heh rangkepte dângmin; Thinma Joban echohkhea!

MATHIU 5:9

Mêmo dângrãngma moatlem moatte heh rangkepte dângmin; Thinnâng Joban Chha ngatmin!

LUK MA RAANGWAH NGINKONGSEN 21:15

chenrãngma ngako neran hehma ne nginko lejien dakli ngale lejien dânthangtuli nema jiendânthâng rãng ngama nenâng jabkhab ngale buthi mongthem ekoh a.

LUK MA RAANGWAH NGINKONGSEN 6:36

Ne Wa Joban mihnâng mînchente dangeka rãngrãng nemin mihnâng mînchente dangen.

JON MA RAANGWAH NGINKONGSEN 1:14

Jabkhab pa mihnyan nyuchharãng litdang kaera, ngale atenâng mînchenchaan, ngale toangtang pa mênchong danglahma nãngdemnâng songkaera. Nãngma ate rânghôngpa kheki, ererânghông pa ate Wa Chha atelolo dângthã rânghông chohlahma khe eki.

JON MA RAANGWAH NGINKONGSEN 1:47

Chenthu Jisu ma Nathaniel ate tânâng wâng khelahma ngatwah, “Isrial jat linlinpa anã; atenâng chenmin achhih aho!”

MOATLEM 11:24

Barnabas pa nyahrãng mihnyansen dângwah, atenâng Asâthôanju min mênchong dângwah ngale nyahrãng putedâlem sen dângwah. Ephumma jahmõang mihnyan heh Teso tânâng siethokwah.

MOATLEM 9:36

Jopa nâng dihiaknyu wathe ate mînpa Tabitha ngama dângwah, ngale atemin putedâlemte dângwah. (Griik jabma ate mînpa Dorkas dângwah, are ngaeka pa “khehhe ngaeka.”) Atema roantangma moatlemsen moatwah ngale tangchhih hehnâng chîchohsok wah.

ROMAN HEHNÂNG POLMA RAANGWAH SITI 12:18

Nema anga nga demnâng mêmoma tuta sôngtông rãngma mo en.

ROMAN HEHNÂNG POLMA RAANGWAH SITI 12:9

Ahun pa linlin hungwah hunmînmin. Chenrepa chhih a ereko chinnya rêmin, ngale chenrepa asen a ereko senthemthem loatmin.

ROMAN HEHNÂNG POLMA RAANGWAH SITI 15:14

Ngalemruchha heh: Nga dedema nekhua asen tuta jôba edangthem en ngama thonghun ekang, chenrãngma ngako, nekhuma chentôpa ajet, ngale nekhu dedemin wathema wathe nâng tajien hethômin en.

1 KORINT 12:8

Juma wathe mihnyanko Joban nginpa buthi moangthêm kohlahma thôthuk eka, ngale ahan wathe mihnyanko ere mãnthe Ju pummajô Joban nginpa nyapjet nyapjien dangthuk lahma thôthuk eka

2 KORINT 10:1

Nga Pol, ngadede ngewah nenâng rosep eka-chenthu nga nedemnâng dângpoatko numnene, rohkomin chenthu nga netawah metaang chhoantekko lângmõang dangeka ngama ngaeha. Krista mînko numnene ngale amînchen demnâng danglekma

2 KORINT 6:6

Rohkomin, nia sâpoangpoang, Joban buthi mongthem, hungmông, ngale mihnâng mînchen junma, nia Joban haa ngama khesok eki - ngale Asâthôanju, erediko niwah linlin hun achet junmemin khesok eki,

2 KORINT 7:11

Sûtan en, Joban ma huneka junko nehung chhihdi Joban ma chenni moeka: ere junko ne nyahrãng sâthâng huneken, ngale papwah nyahrãng sârit huneken! rinmin khah eken, acheimin re eken, nyahrãng hungkoh letma moathun eken, ngale kaamchhih moatte hehnâng phheksiet nâsiet hôanmin huneken! nema are chento moeken pa achhihmoat dangmih ngama jetthuk ehèn.

2 KORINT 9:10

Ngale pitmoatte nâng chhahli chohkohte, erediko phhek achhahte nâng bankên chohkohte Joban ma nema chentô chhahli lemeken a ereheh echoh kohhèn, ngale nea chhahme dângdi Joban ma chhah heh dongphoak thuklahma chhahkosen dangthuk lahma ajah echohhèn en.

IFISIEN 5:9

chenrãngma ngako wenphiak pumma jatrup asenli heh kephûera, toangtangma sôngtông ngale apun alemli heh kephûera.

FILIPIEN 1:11

Ngale nekhu roandôngko Jisu Krista ngewah asenli moatlem heh echoh en, ngale nema eroh moletma Joban mînpa sensiet letma edongthuk en.

FILIPIEN 4:8

Ngalemruchha heh, athôanko, nehung nerin ko asenli ngale arôli heh thien en: ereheh dangeka, toangtang, asâli, apunli, ahunli, ngale kep aloatli heh.

KOLOSIEN 1:10

Erediko ba Teso ma chenroh huneka eroh eta songtongen, ngale ate rinmeli etamo en. Ngale ne roandôngko rongrup moatlemsen heh etamo en, ngale nema Joban jetletma ejien songtongen.

1 THISALONIKA 2:7

Jisu Krista moattat chhoante dângjunko, nima newah chenta thatah. Rohkomin, chenthu nia netânâng dângpoatko nedemnâng numnene danglihma tôngwah, nyong ma ate chha heh rângkhoakhem arãngrãng numnene danglihma tôngwah.

1 TIMOTHI 5:21

Joban ngale Jisu Krista erediko rangkhethung wah Joban ngintatte Asâthôan heh mathahko Ngama nangnâng thôkoh eki, are rîn akhah eki nginpa nangma keplohma nangma chenjô memo okomin hennângjô thhensok lehôan thangma mo o.

2 TIMOTHI 2:24

Teso haaheh lephoang mênmînmin. Atea chentô demnâng asen tuta dângmin, ngale hungmông rinmông danglahma hethôte asen dangmin,

TITAS 1:15

Hen mâmâ dede sâpoangpoang dangeka ereheh demnâng chentôpa asâ tuta; rohkomin henhen ngeksietrit reka, ngale lepute dâlemte a ereheh rãngma chenjô asâ aho, chenrãngma ngako, thinma thin kheri ngale hung arin heh ngeksiet eka.

TITAS 3:2

Ngale hen lelat nângjô nginchhih heh lephoang jab ajarãng thôkoh, rohkomin anga nga demnâng mêmoma lemruchha rãngrãng tuta chendangwak a, ngale roantangma anga nganâng numnene danglahma chenkhesokwak a.

HIBRU 12:11

Chenthu nãngnâng phheksiet nâsiet mehôan hiko, ere sanpoat pa nãngrãngma khuhahthin ledang hungkeli dangeka. Eroh komin khediko, henhennâng phheksiet nâsiet hôan lahma punsiet eka erehehma mêmo ngale toangtang roandôngpa choh eka.

HIBRU 12:14

Chentô demnâng mêmo dângrãng thonghun en, ngale roandôngko Asâma dângrãng thonghun en, chenrãngma ngako, eroh ledang kako henmemin Teso leta chohkhemin.

JEMS 1:17

Chentô asenli ngale apunli hînhô heh rangkhethung wah kaera; erepa rangkhethung wah wenphiak Hôante Joban tâwah kaera, atea chenthumin litjâmah, ngale chenthumin rangnyek rãng litjâmah.

JEMS 1:5

Phumma nekhuwah hen komin buthi mongthem aho medang enko, nema Joban nâng rangsoam en, eko Joban ma nenâng ekohhèn; chenrãngma ngako, Joban ma anga nganâng mînchen lahma chhahme ma koheka.

JEMS 2:13

Chenrãngma ngako, mihnâng lemînchente hehnâng Joban ma thinnâng achhih asen renjâko lemînchen min; rohkomin mînchen metong hiko achhih asen rênpa nãngma tajien e.

JEMS 2:4

Nema nedede tungko mihnyan nâng achhih asen ngama rênpên junko the eken, chenrãngma ngako erepa nema achhih ngema renpen eken.

JEMS 3:15

Arerãngrãng buthi mongthem pa rangkhethung wah kat dangmahra; erepa hahtokkhoh wah buthi mongthem ba, ngale erepa Joban Ju wah ledangma juchhih ngewah choh eka.

JEMS 4:8

Joban tânâng hûren, ngale erohkoba netânâng Joban enamra. Papi mihnyan heh nedek pa sâsoan en! ngale ahuh khoanglep heh, nehung pa sâsietre en!

1 PITER 1:22

Ade phumma nema toangtang nginkepkep dangletma nedede lâsâ sietriitet ngale putedâlemte mihnyan ahan hehnângmin nyahrãng hung arin kohletma lâhuntet, nekhu hung arin phangtang khenwah wathema wathe nâng hun achhâmîn en.

1 PITER 2:1

Erohwah, nededema chentô achhih hehwah taangen; mothô khoanglep, mihphetwân, erediko mihnâng dûmmek jabkhab heh nekjabtu en.

1 PITER 2:18

Haa hehma mâmâ dede tângtewa nginkepkep dângmin ngale thinran nyahrãng cheiletma khesok en, erepa nenâng hun achette ngale mînchênte hehnâng lolo ledang, nedemnâng achhih dângte heh demnâng min erohjô dangen.

1 JON 3:18

Ngachhu ngachha heh, nãng hun achetmîn pa thunkhab lolo ledangmin; nãng hun achetmîn pa hung arinma toangtangma hun achhâmîn lihma moatlem junma khesokmîn min.

1 JON 3:3

Henhenma Krista nâng aroh dâlem eka, erehehma thin dedemin Krista asâ dangeka rãngrãng asâ danglahma tongeka.