JEMS 3:15 - NIEMNYAN Naga NT (BSI)

¹⁵ Arerãngrãng buthi mongthem pa rangkhethung wah kat dangmahra; erepa hahtokkhoh wah buthi mongthem ba, ngale erepa Joban Ju wah ledangma juchhih ngewah choh eka.

JEMS 3:15 Iomraidhean Croise

LUK MA RAANGWAH NGINKONGSEN 16:8

Erediko haachhih pumma nyahrãng buthithi lahma moatdi ate tângtewa pumma atenâng rôwah; eroh jôba Joban wenphiak nâng tôngte mihnyan heh noma are hahtokkhoh kowah tôngte mihnyan chhih hehma ajah chhihmo eka.”

JON MA RAANGWAH NGINKONGSEN 3:17

Chenrãngma ngako Joban ma ate Chhapa hahtokkhoh chhihsietrãng chienkat dangmah, hahtokkhoh pepângrãng chienkat era.

JON MA RAANGWAH NGINKONGSEN 8:44

Nea newa joakchha, ngale newa ma chenni huneka ere junko kep eken. Rangbâng hahbâng thuma atea mihritphete, ngale atea toangtang lemkhôko chenthumin mathat khoam eka, chenrãngma ngako atenâng toangtang aho. Atema mothô thôekapa, mothô thôtejat dâng phumma thôeka, chenrãngma ngako atea mothô ngale mothô khoanglep heh wa.

MOATLEM 13:10

ngatwah, “Nanga joakchha! Nanga rongrup asenli heh ran. Nangnâng rongrup buthi mongthem chhih heh tongho, ngale roangtang nangma Teso toangtang nginpa mothô khoanglep rãng litdângthuk hun eko!

ROMAN HEHNÂNG POLMA RAANGWAH SITI 1:22

Thinma thin a jet ajien ngama ngariieka, rohkomin thin a aba;

1 KORINT 1:27

Joban ma hahtokkhoh wah mihnyan hehma chenpa aba ngama huneka ereheh, hahtokkhoh wah jet ajien hehnâng rêsê thukrãng jetlahma ren eka, ngale hahtokkhoh wah mihnyan hehma boan anaa ngama huneka heh ahang lochaan heh rêsê thukrãng ren eka.

1 KORINT 2:14

Henhen nâng Ju ahoa, erehehma Joban Ju ngewah kaera hînhô pa leta chohmin. Ererãngrãng mihnyan hehma areheh leta jetmin, ngale thinrãngma sekhota ngin rãngrãng ethonghun a, chenrãngma ngako, ere Ju chohte hehma lolo jôba tâjetmin.

1 KORINT 3:19

Chenrãngma ngako, are hahtokkhoh pumma chenpa buthi mongthem ngama thonghun eka erepa Joban rãngma aba ata rãngrãng dangeka. Joban nyapraangma ngaeka, “Joban ma jet ajien heh thin buthi mongthem junko benâng mânritwah rãngrãng manrii thuk eka”;

1 KORINT 3:3

Chenrãng-ma ngako, nea athâng hehmin are hahtokkhoh wah mihnyan heh rãngrãng tong eken. Chenthu nekhu tungko phetwânmîn, mere enko, ngale wathema wathe tungko mênmîn mere enko, erejunko nea are hahtokkhoh wah hei angem mihnyan ngale hahtokkhoh hung arin junko songtong eken ngama khesok eka.

2 KORINT 1:12

Nima are nginpa rângthôeki, are hahtokkhoh ko nihung nirin pa sâpoangpoang tongeki, ngale ajahthem pejô Joban ma chohsok junko nekhu demnâng khuhah nâhah ngale hungsâ rinsâ danglihma tongeki, erepa mihnyan nyuchha buthi mongthem junko ledang Joban mînchenchaan junko tongeki.

2 KORINT 11:3

Nga chei rekang, chenroh pûma buthi chhih hôanlahma Eve diapchhahtah rãngrãng, nehungmin achhih nâng kesietrii letma Krista nâng atô senthemthem hung kohletma putedâlem tetpa machhihjâ let o ngama.

FILIPIEN 3:19

Thin a chenthumin lemutte pap wendô nâng ekhamrii kawak a, chenrãngma ngako, thinrãngma joban pejô thin hei angem ma hun ekapa kepeka. Thinrãngma chenre pa rêsêlia erepa rângthôeka, ngale are hahtokkhoh wah sêmmak heh rãnglolo thonghun lahma tongwak eka.

2 THISALONIKA 2:9

Mihnyan Chhihthôan Wathepa joak ajo chaan keplahma hûlahma chentô patritli moatlem mõang heh ngale bâritli moatlem heh emoa,

1 TIMOTHI 4:1

Asâthôanju ma sâpoangpoang hongjab eka, athôan sanpoatko khuka hehma Joban nâng putedâlem pa jek erea; thinma mothô khoanglepju ngin ekep a, ngale joak ajo ma chenni hethôeka nginpa ekepwak a.

JEMS 1:17

Chentô asenli ngale apunli hînhô heh rangkhethung wah kaera; erepa rangkhethung wah wenphiak Hôante Joban tâwah kaera, atea chenthumin litjâmah, ngale chenthumin rangnyek rãng litjâmah.

JEMS 1:5

Phumma nekhuwah hen komin buthi mongthem aho medang enko, nema Joban nâng rangsoam en, eko Joban ma nenâng ekohhèn; chenrãngma ngako, Joban ma anga nganâng mînchen lahma chhahme ma koheka.

JEMS 3:17

Rohkomin rangkhethung wah buthi mongthem pa khebeng thôanko hungsâ; erediko mêmo, numnene, ngale chentô demnâng lemru lemchha tuta; ngale mihnâng nyahrãng mînchen, moatlemsen tuta moeka; ereko thhensok le khoanglep aho.

JUD MA RAANGWAH SITI 1:19

Are mihnyan hehma nemin ephoang phansiet hèn, ngale thin a thin hei angem hung arinma huneka junko edanga, ngale thinnâng Jumin aho edanga.

LOATKHESOK 12:9

Pûchhih dôngmõang pa petphekat rewah-rangbeng hahbeng wah pû, ate mînpa Juchhih ba joak ngama dângwah, atema hahtokkhoh phangtang diapphhek chhahwah. Ate demko ate ngintatte heh aroamma hahtokkhoh nâng petphekat wah.

LOATKHESOK 2:24

“Rohkomin Thitira wah ahan hehma nenâng Jizibil ma are achhihli hethô ehèn heh kepmet; mihhan hehma ‘Joak hungkhen wah alinlin ngin’ ngama ngaeka pa nema jetmet. Ngama nenâng thôkoh eka, Ngama nekhu khohnâng lihân hênlih lêhènthuk tumah.

LOATKHESOK 9:11

Thin khohko pênte lowang min dângwah, erepa hahkenlu thôan bemte ngintatte pa dângwah. Hibru jabma ate mînpa Abaddon ngaeka; ngale Griik jabma ate mînpa Apollyon, are ngaeka pa (“Achhihsiette”).