JEMS 3:14 - NIEMNYAN Naga NT (BSI)

¹⁴ Rohkomin nehung nâng mihphetwân, hungngek, ngale chhahnyoak, medang enko, nema ne buthi mongthem pa rângthô letma toangtang lelatnâng dangletma pap nekmo en.

JEMS 3:14 Iomraidhean Croise

MATHIU 27:18

Pilat ma senthemthem jetlahma dângwah, Jews heh khhepho phannang hehma Jisu nâng phetwan mitchek junko nganâng lohûkoh ehang ngama.

JON MA RAANGWAH NGINKONGSEN 16:2

Nea Sanagog wahmin ejunlo hèn, ngale mihnyan hehma ne ritphe lahma thinma Joban nâng soamtô eki ngama thônghûn sanpoat pa ehûra.

MOATLEM 13:45

Chenthu Jews hehma mihnyan heh khe phumma thinma mitchekwah; ngale Pol ma thôeka ngin heh junma ate demnâng chhiakmîn lahma Pol nâng dûmmek wah.

MOATLEM 26:9

“Ngadede memin Nazarat wah Jisu lelatnâng chentô tatamo angpa moatrãng thônghun wah.

MOATLEM 5:17

Ephumma Soam aroakte adongthôan le ate lemru heh, erediko Saduki hehma moattat chhoante hehnâng nyahrãng mitchekwah; ngale thinma moattat chhoante hehnâng sekhamrãng thômîn wah.

MOATLEM 7:9

“Jakob chha hehma thinnaa Josep nâng chhihchoh lahma Igip nâng huahaa rãng sengkatwah. Rohkomin Joban pa ate demnâng dângwah

ROMAN HEHNÂNG POLMA RAANGWAH SITI 1:29

Thin hungnâng chentô chhihli heh mênchong tongeka, mihhen, chhah nyoak, mangdâ; mihnâng phetwan, mihritphe, men ahiet, mih diapchhah, ngale pong apa. Thinma mih chhihthô rewak eka

ROMAN HEHNÂNG POLMA RAANGWAH SITI 13:13

Rangwo sanphiak nâng sôngte mihnyan heh rãngrãng senthemthem dange - kuhhôan lihma bôang aloam, khemjok lihma mok alek, dihiak dela kaamchhih mo, achhihli heh, mên ahiet, ngale chhahnyoak, ngale phetwanmîn heh jekre e.

ROMAN HEHNÂNG POLMA RAANGWAH SITI 2:17

Nea chenroh dângmin a? Nedede Jews ngarii eken; Nema Niemarang ko tok anaa letma Joban nâng soamte ngama ngamrii eken;

ROMAN HEHNÂNG POLMA RAANGWAH SITI 2:8

Khaka mihnyan hehma moatlem chhih dijunrãng chhahnyoak dangeka ngale toangtangpa kepmah; ereheh khohnâng Joban ma ate nyahrãng rinkhah chaanpa elên a.

1 KORINT 13:4

Hun achet pa hungmông rinmông ngale mînchênwin; mihnâng phetwânmah, ngale atedede rângthôrii mah, erediko ngamrii mah;

1 KORINT 3:3

Chenrãng-ma ngako, nea athâng hehmin are hahtokkhoh wah mihnyan heh rãngrãng tong eken. Chenthu nekhu tungko phetwânmîn, mere enko, ngale wathema wathe tungko mênmîn mere enko, erejunko nea are hahtokkhoh wah hei angem mihnyan ngale hahtokkhoh hung arin junko songtong eken ngama khesok eka.

1 KORINT 5:2

Eroh medang enko chenroh jienngamrii eken a? Erenoma hungchhih ngale rêsê thinba metongen a, ngale arerãngrãng moatte mihwa pa nekhu demwah junloat rêmin.

1 KORINT 5:6

Nekhu ngamrit nekre en! Nema are nginthakthô pa jet en, “Wichhi phathe pumma pheban phangtang rângbietjâ thuk a.”

2 KORINT 12:20

Nga chei rekang, chenthu nga netânâng hokko ngama chenroh thonghun eka ererãngrãng lekhehû marelah o, erediko nekhu memin nganâng chenroh thonghun eha ererãngrãng lekhe mareho ngama. Ngale, mên ahietmîn, phatwânmîn, rinkhahchaan, chhahnyoak, mihnâng dûmmek, mihchhihthô, ngam apoa, ngale pong apa dangletma machoh khehûlah o ngama cheiba rekang.

GALATIEN 5:15

Phumma nea wunwah ngem rãngrãng dangletma, wathema wathe nâng mitchek chhihchohmîn, erediko buh awatmin reletma medang enko, thatsûtan en, wanwanthe ma phangtang etathôan ritphemîn en.

GALATIEN 5:20

Ngale moangachaang nâng soam, erediko mõngama chhihrãng phoangdang lahma ekhe e. Mihnyan heh ranrãng danglahma loatmîn; phetwânmîn, rinkhah, ngale mâmâ dede rãnglolo hun edanga. Thin dedema mâmâ khukhu phoang phakjâ rewak eka;

GALATIEN 5:21

chhahnyoak, khemmok chempa, kuhhoan lahma jokphhek chhah, ngale arerãngrãng lihân hehmin ephoang mowak a. Amawah rãngrãng ngama nenâng athâng hehmin thôkoh eka: henhenma arerãngrãng moatlem heh moeka erehehma Joban Hahsông pa leta chohmin.

GALATIEN 5:26

Nãnga ngam poapoa ledangmin, ngale wathema wathe rin lekhahsiet mînmin, erediko wathema wathe nâng lephatwân mînmin.

GALATIEN 6:13

Ere khoankhen niem hôante mihnyan hehmemin Niemarang pa kepmah; thinma nenâng khetlo ehènpa nememin phoangnâng khoankhen niem pa hôan eken jôba ngama thinma jienrângthô rãngba chien ehèn.

FILIPIEN 1:15

Khaka hehma thin a mihphet mihwan danglahma Krista nginkongpa phoangthô tadangthem a, rohkomin khaka hehma linlin hungsen rinsen ma phoangthô eka.

FILIPIEN 2:3

Chenni min mâmâ dede mînsênrãng ngama thonghun letma nekmo en, wathema wathe demnâng numnene dangen, ngale roantangma nedede noma mihhan ba asen ngama thonghun en.

1 TIMOTHI 2:4

Atema anga nga kho chenpea ngama huneka, ngale anga nganâng toangtang pa jetthuk huneka.

1 TIMOTHI 6:4

erehehma chenmin lejet thangma ngam apoarit loloba rewak eka. Ngale atea Joban jabkhab junma chhiakmîn lahma mênmîn loloba thonghun lahma tongwak eka, ngale erejunko mihnâng mitchek, chhiakmîn, mihnâng dûmmek, ngale achhih ngenâng phoangkhâ,

TITAS 3:3

Chenrãngma ngako nãngkhumin poattheko aba, nginlekep, ngale athe dângwah. Ngale nãng hungma rongrup achhih ngale hei angem nâng rinmehun pumma haarãng kepwah. Nãngkhu roandôngpa mihnâng mitchek phetwân lihma dângwah; mihma nãngnâng chhihchoh ngale nãngma thinnâng chhihchoh relihma dângwah.

JEMS 1:18

Ate hung junma ngale ate toangtang jabkhab junma nãngkhu nâng roandông kohehi, erohwah atema chentô tem atiektah hehwah nãngma khebeng thôan thepa choheki.

JEMS 3:16

Chenko mihphetwân ngale chhahnyoak tongeka, eretheko hahjâm tijâm ngale rongrup achhih hehmin tongeka.

JEMS 5:19

Ngalemruchha heh, nekhuwah hen komin toangtang kowah kechhoan letma mihhan wathema methe ngaksiet hû hènko,