JEMS 3:13 - NIEMNYAN Naga NT (BSI)

¹³ Nekhu chhangnâng hen akomin jet ajien ngale hungchit rinchhem tongen a? Eroh metong enko nema ne roandôngko moatlemsen moletma, numnene dangletma, erediko buthi mongthemsen dangletma khesok en.

JEMS 3:13 Iomraidhean Croise

MATHIU 11:29

Nga ngewah kengpa kepletma ne chhoakhoko pe en, ngale nga ngewah heha; chenrãngma ngako, nga Jupa numnene ngale noapnene.

MATHIU 21:5

“Zion chha hehnâng thôkoh en, sû en, ne Lowang pa netânâng hûera! atea numnene ngale Gado khohko chhang eka Ngale Gado chha khohko chhang eka.”

MATHIU 5:5

Numnene dângte mihnyan heh rangkepte dângmin; Joban ma toamsem tahpa thinma echoh a!

MATHIU 7:24

“Erohwah henhenma nga nginpa tatlahma kepeka, ere mihnyan pa chhin achhiak, ate humpa longrã khohnâng hôante rãngrãng.

1 KORINT 6:5

Rêsê metne! Linlin nekhu chhangko Kristan dede tungwah ngin ariet heh tâphensiette jet ajien mihnyan wathe komin etonga.

2 KORINT 10:1

Nga Pol, ngadede ngewah nenâng rosep eka-chenthu nga nedemnâng dângpoatko numnene, rohkomin chenthu nga netawah metaang chhoantekko lângmõang dangeka ngama ngaeha. Krista mînko numnene ngale amînchen demnâng danglekma

2 KORINT 8:24

Nema thinnâng hun letma khesok en, erohkoba thinnâng nima nekhu rângthô tahpa linlin ngama ejetwak a.

GALATIEN 5:23

numnene, mâmâ dede hung tâmôngsiet peba koheka. Arerãngrãng heh lelatnâng chenni Niemrangjô aho.

GALATIEN 6:1

Ngalemruchha heh, hen akomin nema kaamchhih molahma mechohkhe enko, nekhuwah henhenma Joban senthemthem jette tongen a erehehma kaamchhih moatte pa punsiet en; rohkomin erepa nema hungnoap rinnoap dangletma mo en. Ngale nedede min jetletma dangen, erohkoba nemin achhih ma hung letoan edanghèn.

GALATIEN 6:4

Anga ngama mâmâ dede moatlem pa bengsokrit mêngmin. Asen medang ako, nema chenni motet a erepa tarângthô en, rohkomin erepa mihhan hehma chenroh moeka ereheh nâng lethakmîn min.

IFISIEN 4:2

Roantangma num nene, noapnene, ngale hungmông rinmôngma tadôen. Wathema wathe nâng lietmîn letma nekhu hun achet mînpa khesokmîn en.

FILIPIEN 1:27

Ngale ade dangeka, chentô noma alemli thôan pa, nekhu roandôngpa Krista nginkongsen ma chenroh huneka ererãngrãng dangen, erohkoba Nga nekhu tânâng lehûrâng komin, ba mehûrâng komin, ngama nekhu hung jutletma mãntheko rongtêngtêng putedâlem eken, erediko aroamma nginkongsen rãngma roamlatrii eken ngama etat ang.

KOLOSIEN 3:12

Nea Joban mihnyan; atema nenâng hun ehèn ngale ate dedema ate mihnyan dângrãng ren ehèn. Erohwah, khetkep rãngrãng, mînchenmîn, hun achetmîn, numnene, noapnene, ngale hungmông rinmông dangletma tongen.

1 TIMOTHI 4:12

Henmejô nangnâng leputedâlem nekchen dangeho, chenrãngma ngako nanga paangmihthu, rohkomin putedâlemte mihnyan hehnâng nangma, jab ajâ, jat apat, hun achet, putedâlem, ngale sâpoangpoang danglohma khesok o.

1 TIMOTHI 6:11

Rohkomin nanga Joban mihnyan, arerãngrãng chentô hehwah ataangnâng tongo. Toangtang, Joban rinmeli, putedâlem sen, hun achet, chentôpa mamtadô, ngale numnene dângrãngba latriio.

2 TIMOTHI 2:25

ngale ate lelatnâng dângte heh numnene danglahma pûnsiette dângmin, chenrãngma ngako, thinmin Joban ma hunglitthuk lahma toangtangko engakhu wak ra.

TITAS 3:2

Ngale hen lelat nângjô nginchhih heh lephoang jab ajarãng thôkoh, rohkomin anga nga demnâng mêmoma lemruchha rãngrãng tuta chendangwak a, ngale roantangma anga nganâng numnene danglahma chenkhesokwak a.

HIBRU 13:5

Ne roandôngko ngun akem nâng hangbalin nek hun en, ngale nenâng chenni tonghèn a ere demko rinme letma tongen. Chenrãngma ngako Joban ma ngaeka, “Ngama chenthumin thinphemah; ngale Ngama chenthumin lekphemah.”

JEMS 1:21

Eroh-wah chentô jatchhih patkhah ngale chentô kaamchhih hehwah ajekre en. Ngale numnene dangletma nehung nâng Joban ma ate jabkhab khietkoh ehènpa kepen, ere jabkhab pumma nekho eta pesiet hèn.

JEMS 2:18

Phumma wanwanthe ma enga a, “Wathenâng putedâlem, ngale ahan wathe nâng moatlem tonga.” Phumma Ngama atenâng edanthang ang, “Nganâng khesok tanhang, moat akat aho thangma putedâlem pa hennâng tongeka. Ngama nenâng Nga putedâlem ngale Nga moatlem pa khesok a.”

JEMS 3:1

Ngalemruchha heh, nekhuwah ahethôte ajah nekdangen. Nema ajet, ni ahethôte dangeki hehnâng achhih asenpa mihhan heh noma abâm erenhi.

JEMS 3:17

Rohkomin rangkhethung wah buthi mongthem pa khebeng thôanko hungsâ; erediko mêmo, numnene, ngale chentô demnâng lemru lemchha tuta; ngale mihnâng nyahrãng mînchen, moatlemsen tuta moeka; ereko thhensok le khoanglep aho.

1 PITER 1:15

Erenoma, neroote Joban pa Sâpoangpoang dangeka rãngrãng, nememin chenjô memo enkomin Sâpoangpoang dangletma mo en.

1 PITER 2:12

Joban lejette heh mathahko ne jat apat heh sênmõang dangen, erohkoba chenthu thinma nenâng kaamchhih moeken ngama mesekham hènko, nema kaamsen moeken heh thinma chenkhe hèn, ngale erohkoba thinma Joban ngakkatjâ Rangwo ko atenâng erôa.

1 PITER 2:9

Rohkomin nekhua arênwah mihnyan nyuchha, ngale Lowang rãngrãng soam aroakte, Asâthôan mihnyan nyuchha, Joban mihnyan linlin, ngale Joban ma patritli moeka heh phoangthô kohrãng ren ehèn, ngale atema rangnyek khenwah atedede patritli wenphiak ko loatsietkat ehèn.

1 PITER 3:4

Erenoma, nehung khennâng phangsen chendangen, ngale hung khennâng sôala wah rãngrãng numnene erediko kihrinrin dangeken peba chenthumin leta chhihjâ min, ngale ere peba Joban ngenâng nyahrãng alemli thôan.