JEMS 2:8 - NIEMNYAN Naga NT (BSI)

⁸ Joban nyapraang wah choheki Joban Hahsông Niemarang pa mekep enko nema kaampunli moeken, ereko aroh raangeka, “Ne humtok humkhung wah mihnyan hehnâng nedede hunrii eken rãngrãng hun en.”

JEMS 2:8 Iomraidhean Croise

MATHIU 22:39

Are dikowah wanthe nyahrãng alemli thôan hôkum pa arepa: ‘Nangdede nâng hunriieko rãngrãng mihhan nângmin eroh hun o.’

MATHIU 25:21

Tângtewa pumma haako ngatwah, ‘lâsenmotoh, nanga asen ngale dâlemli!’ ‘nangma are amãnchha ngun pumma senthemthem jienmo eko, erohwah ngama nangnâng ngun jahmõang ethienthuk e. Wãngro nga demnâng khu johhah wãnghang!’

MATHIU 25:23

Tângte pumma haako ngatwah, ‘lâsenmotoh, nanga asen ngale toangtang, nangma amãnchha ngun pumma senthemthem jienmo eko, ngama nangnâng jahmõang ngun ethienthuk e. Wãngro nga demnâng khu johhah wãnghang!’

MATHIU 7:12

“Mihnâng nerãng chenroh moatthuk hun eken a, ererãngrãng nememin mihrãng eroh mokoh en: Arepa Mosa Niemarang ngale Mõng hehma hethô wah ngin.

ROMAN HEHNÂNG POLMA RAANGWAH SITI 13:10

Nema mihhan nâng hun mere enko, chenthumin thinrãng achhih mokomet; erohwah, nema hun mere tetko, Niemarang pa phangtang lâkeptet.

GALATIEN 5:14

Chenrãngma ngako Niemarang pa phangtang wanthe hôkum khenko tongeka: “Nang kêanâ wah mihnyan hehnâng nangdede hunriieko rãngrãng hun o.”

GALATIEN 6:2

Wathema wathe chêmchei ko chohsûmîn en, ngale erohko jôba nema Krista niemarang pa kep eken.

FILIPIEN 4:14

Rohkomin Ngama chêmchoh poatko nema Nganâng chohsû thepa asen dangeka.

1 THISALONIKA 4:9

Wathema wathe nâng hun achhâmîn en ngama nenâng chêmraang thin dangmah. Nekhuma wathema wathe nâng chenroh hun achetmîn min a erepa Joban ma hethôthen.

JEMS 1:25

Rohkomin nema mihnyan papwah pesiette Joban Niemarang Asenko namnam sûletma, atatlolo ledang, ere Niemarang pumma chenroh ngaeka ererãngrãng memo enko - nema chenjô memo enkomin ere kohko Joban ma rang ekohhèn.

JEMS 2:12

Chentô jab ajâ ngale moat akat nâng nãng pesiette niemarang pumma jôba achhih engahi ngama thonghun letma mo en.

JEMS 2:19

Nema Joban pa wathelolo ngama putedâlem ekenle? Sen a! eroh pete joak ajo memin putedâlem eka - ngale nyahrãng tiilahma cheieka.

JEMS 4:11

Ngalemruchha heh, wathema wathe nâng nekchhih thômîn en. Nema nelemru Kristan ahan heh chhihthô, ngale thinnâng athe melo enko, nema Joban Niemarang ko achhih ngale athe ngaeken. Ngale nema Joban Niemarang nâng athe menga enko, nea Joban Niemarang kepte dangmet, rohkomin ere Niemarang ko athe loatteba.

1 PITER 2:9

Rohkomin nekhua arênwah mihnyan nyuchha, ngale Lowang rãngrãng soam aroakte, Asâthôan mihnyan nyuchha, Joban mihnyan linlin, ngale Joban ma patritli moeka heh phoangthô kohrãng ren ehèn, ngale atema rangnyek khenwah atedede patritli wenphiak ko loatsietkat ehèn.