JEMS 2:5 - NIEMNYAN Naga NT (BSI)

⁵ Ngalemruchha heh, tattan en! Joban ma are hahtokkhoh wah tangchhih heh putedâlem ngenâng techhu dângrãng reneka, ngale henhenma atenâng hun achhâeka ereheh nâng kohrãng toamsem tah thepa thinnâng kohrãng reneka.

JEMS 2:5 Iomraidhean Croise

MATHIU 11:5

Mitdoak ma jienkhe eka, dakò heh jienkhoam, angêm khoanchet ma chêmte heh sen rewak eka nâba hehma tat, ritte heh ngakhinsiet, ngale Joban nginkongsen pa tangchhih naadi hehma chohtat reka.

MATHIU 25:34

Erediko Lowang pumma ate dekchahwah mihnyan hehnâng enga a, ‘wãngrên, nenâng nga Wama rang lâkohthen! rangbâng hahbâng thuwah nerãng khoakhem kohthen Hahsông pa kepwãngrên.

MATHIU 5:3

“Ju rãngma numrii lahma sekmah patritte mihnyan heh rangkepte dângmin; Rangkhethung Hahsông pa thinthiak!

MAK MA RAANGWAH NGINKONGSEN 7:14

Erediko Jisu ma mihnyan heh ate tâko theroo lahma thinnâng ngatwah, “Nekhu anga ngama nga nginpa jetat letma hungnâng thien en.

LUK MA RAANGWAH NGINKONGSEN 12:21

Ngale Jisu ma athôanko thôkoh wah, “Joban ngenâng techhu ledang thangma are hahtokkhoh ko lolo techhu dangeka heh eroh dângmin.”

LUK MA RAANGWAH NGINKONGSEN 12:32

“Loangnejô medang enkomin nekchei en, chenrãngma ngako ne Wa Joban ma nenâng ate Hahsông pa kohhun ehèn.

LUK MA RAANGWAH NGINKONGSEN 16:22

Tangchhihwa pa ritdiko rangkhethung wah Joban ngintatte hehma sietwên lahma rangkhethung wah kuhhôan thinnâng Abraham tâko tôngwâng thukwah. Techhuwa pemin riilahma ate mangpa bînkatwah.

LUK MA RAANGWAH NGINKONGSEN 16:25

Rohkomin Abraham ma dânthâng wah, ‘Thatthong hun tan, echha, hahtokkhoh wah nang roandông poatko nangnâng chentô sensenlipa phangtang kohtih, phumma Lazaras ma chentô achhih chhihlipa chohtah a. Rohkomin atea anâng khuhah nâhah tongeka, nanga chêmchoh lohma tongeko.

LUK MA RAANGWAH NGINKONGSEN 22:29

ngale rangkhethung wah nga Wama nganâng chenroh pênthuk ehanga, ererãngrãng ngamemin nenâng pênthuk eka.

LUK MA RAANGWAH NGINKONGSEN 6:20

Jisu ma ate dijunte hehnâng sûlahma ngatwah, “Rangkepte pa tangchhih heh dângmin; Joban Hahsông pa nethiak!

JON MA RAANGWAH NGINKONGSEN 7:48

“Jews thôte jabtema komin ba Farasi ma komin wathemejô atenâng putedâlem lahma nema thatjettet a?

MOATLEM 7:2

Stifen ma dânthâng wah, “Pho awa heh, ngangin jetat tanha! Nãngte nãngwa Abraham Haran hahnâng sôngwâng mako, ate tânâng Misopotomia hahko Joban adongthôanpa hôngkatwah

ROMAN HEHNÂNG POLMA RAANGWAH SITI 8:17

Nãnga ate Chha dâng phumma, Joban ma ate Chha hehrãng thienkotah rangpa nãngma kepmin, ngale Joban ma aterãng chenni thienkotah a ereheh nãngma Krista demnâng ejohchoh e; chenrãngma ngako nãng Krista demnâng mejohchêm eko, ate mîndông komin ejohroam e.

1 KORINT 2:9

Rohkomin, Joban nyapraangma ngaeka, “Chenpa henmemin mathat chohkhe ngale chohtat a, ngale chenpa henmemin mathat thonghunli pa edanga, erepa Joban ma atenâng hunte hehrãngma khoakhem eka.”

2 KORINT 4:15

Are chentôpa nekhurãng sênrãngma dangeka; ngale Joban mînchenchaan pa mihnyan jahmõang nâng koheka, erohwah thinma Joban nâng ate mîndôngrãng dangkoh a ngat rangsoam pa ajah esoamwak a.

2 KORINT 6:10

Ngale nia chentô hung mechhih ekomin, roantangma khuhah nâhah tongeki; ngale nia tangchhih medang ekomin, nima jahmõang mihnyan techhurãng hôan eki; ninâng chenjô aho rãngrãng medang ekomin, nima linlin rongruppa cheiki.

2 KORINT 8:9

Nema nãng Teso Jisu Krista mînchenchaan pa jet en; atea nyahrãng techhu dângwah, rohkomin ate dedema tangchhih rãng hôanritwah, erepa ate tangchhih dângjunko nea techhu dângthuk rãng ngama atea tangchhih rãng litdângwah.

IFISIEN 1:18

Nema Joban wenphiak pa jienchoh kherãng nekhu hungrin chenlaang kohhèn ngama Joban nâng rosep ekang, erohkoba nema chenni nâng dâlemrãng atema rooehèn a erepa nema etajet en. Joban ma atenâng putedâlemte mihnyan hehnâng rangkohmin ngama toamsem tahpa chentô chhu a ngale chentôsên a,

IFISIEN 3:8

Chentô Joban mihnyan khuchhang wah rinthôan nomemin nga jôba rinthôan; rohkomin Jews ledangte hehnâng leta thôanli Krista Nginkongsen pa thôchhoan kohrãng nganâng koh ehang,

1 THISALONIKA 2:12

Nima nehung dongsiet eka, ngale senthuk eka, ngale neroandôngko Joban rinmeli dangletma songtongen ngama rosep eka, chenrãngma ngako, Joban ma ate Hahsông theko ate mîndôngko johroamrãng nekhu nâng rooehèn.

2 THISALONIKA 1:5

Are chentô heh junko Joban ma toangtangko ren eka ngama jetloeki, ngale ereheh junko nema Joban Hahsông pa tâchohmin. Ere Joban Hahsông pa tâchoh rãng jôba nekhu chêmrii eken.

1 TIMOTHI 6:18

Moatlem sen moatrãngma thôkoh, moatlemsen ngenâng techhu rãngrãng chendangwak a, erediko chhahme ngale mihhan heh demnâng phenphen sensen chenkep wak a.

2 TIMOTHI 4:18

Ngale Teso ma Nga chentô achhih hehwah pesiet lahma ate Hahsông rangkhethung wah nâng senthemthem esietwên hang. Atemîn roantang roangjêng rãng chendonga! Amen.

2 TIMOTHI 4:8

Ngale ade phumma Ngarãngma ajienthã khaphok pa thienko lahma tonga, erepa Nga a Joban demnâng toangtang dângdi echoh ang, ngale erepa Teso ma mihnyan heh toangtangma rênjâ rangwo ko Nganâng ekohhang - ngale Nganâng lolo ledang, ate ngakkat pa nyahrãng hunlahma bemlâte chentô nângmin ekoh a.

HIBRU 11:26

Atema Igip wah chentô chhahkhem le ngun akem heh noma Misaia rãng chêmchoh peba asen ngama hunwah, chenrãngma ngako, atema khedi wah rangkep pa adong thônghun wah.

JEMS 1:12

Henpa chêmchei chohpoat komin putedâlem nâng asen danglahma tongeka ereheh a rangkepte mihnyan, chenrãngma ngako, chenthu thinma chêmchoh ekapa metadô tahko, Joban ma atenâng hun achette mihnyan hehnâng kohrãng toamsem tah roandôngpa thinma echoh a.

JEMS 1:16

Ngapho nganya heh, nekdiap chhahrii en!

JEMS 1:19

Ngama nyahrãng ahun lemruchha heh! arepa thonghun en, Atat pa anga ngama senthemthem tat en, rohkomin jab pa ane jab en, ngale rin lemlienma nekkhah en.

JEMS 1:9

Tangchhih Kristan mihnyan heh chenthu Joban ma metoansiet tahko khuhah nâhah edanga,

1 PITER 1:4

ngale erohwah Joban ma ate mihnyan hehnâng kohrãng rangkhethung nâng thientah heh nãngma chohrãng thonghun eki, ereheh rangkhethung nâng asânmin lesãnjâmin, ngale chhihmin lechhihmin, erediko chenthujô lejien rãjâli thenâng thienkoh ehèn.

2 PITER 1:11

Eroh koba nenâng nãng Teso ngale Pângte jisu Krista roantang roanjêng Hahsông thenâng tâwâng rãng chaan ekohhèn.

LOATKHESOK 2:9

Ngama nekhu chêmpa ajet; Ngama ajet nekhua tangchhih - rohkomin linlinko nekhua techhu! Ngama ajet nia Jews mihnyan ngama ngatte mihnyan hehma ne lelatnâng nginchhih jabeka, rohkomin thin a Jews mihnyan dangmah; thin a Joak ajo demnâng aroam dângte mihnyan!

LOATKHESOK 21:7

Henhenma tajien eka erehehma arepa Nga ngewah chohmin: Nga a thin Joban edangang, ngale thinmin Ngachhu Ngachha edangwak a.

LOATKHESOK 3:18

Erohwah, Ngama nenâng rîn eka, nea techhu dângrãng Ngawah kem, alinlin kem pa riha. Ngale ne bôangloang tongletma rêsê choh eken kowah jekrãng Ngawah khetpo ripohha. Ngale nemitko hutrãng Ngawah phem riha, eroh koba nemitma ejienkhe en.