JEMS 2:14 - NIEMNYAN Naga NT (BSI)

¹⁴ Ngalemruchha heh, nema putedâlem eki ngaletma nemoatlem pa putedâlem junko ledang medang enko ereko chenni asen etonga? Ererãngrãng putedâlem pumma nekho tapesiet hèn a?

JEMS 2:14 Iomraidhean Croise

MATHIU 5:20

Erohwah, ngama thôkoh eka, Niemarang hethôte le Farasi heh noma toangtang dangletma Joban ma huneka moatlem pa memo enkoba nemin rangkhethung nâng tâwâng min.

LUK MA RAANGWAH NGINKONGSEN 3:11

Atema dânthâng wah, “Henhen nâng chhemchong khanii tonghèn a khathe pa ahoteko koh en, ngale henhen nâng phhekchhah tong ehèn a erepa phenphhek chhah re en.”

LUK MA RAANGWAH NGINKONGSEN 6:49

Phumma henma akomin nga jabkhab tatlahma lekep dangeka erepa thongken senthemthem leluthu thangma humhôante mihnyan rãngrãng; Chenthu jodông lumhû lahma ere humko thînko ere humpa lemlienma runjâeka - phumma ere runjâpa chentô cheili dângmin a!”

MOATLEM 15:9

Atema thin ngale nãngkhu tungko chenjô mâmâ hôanmahhi; atema thinpap heh map koheka chenrãngma ngako thinmemin putedâlem eka.

MOATLEM 8:13

Simon memin ere nginko putedâlem wah; ngale baptijem kepdiko, Filip kêkêko namhokwah, ngale chenthu Filip ma nyahrãng patritli le bâritli heh moat khelahma atemin bâritwah.

MOATLEM 8:21

Nangma are ni moatlemko tajoh momahhi, chenrãngma ngako nang hungpa Joban mathahko achhih.

ROMAN HEHNÂNG POLMA RAANGWAH SITI 2:25

Nema Niemarang pa mekep enko, khoankhen niem hôan ekenpa mahto ledangmin; rohkomin nema Niemarang pa lekep medang enko, nea chenthujô khoankhen niem mathat hôanwah rãngrãng jôba edangen.

1 KORINT 15:2

Ere ngama nenâng thôkotah nginpa Joban Nginkongsen pa thôkoh wah. Nema Joban Nginkongsen ko rongtêngtêng loletma metong enko erejunma nekho epe en - eroh ledang kenko nema putedâlem eken pemin mahto nâng dângmin.

1 KORINT 16:22

Henhenma Teso nâng hunmah a - ereheh khohnâng achhih ehûa! Maranatha -Teso karoo!

GALATIEN 5:13

Ngalemruchha heh, nekhu rãngma dangeka, nekhua Joban ma hungsiko tongrãng rooehèn. Rohkomin, nehungsiko dangeken junma, ne hei angem phoangma chenni huneka erejunko nekdangen. Erenoma, hun achhâmin letma wathema wathe nâng chohsûmîn en.

GALATIEN 5:6

Chenrãngma ngako chenthu nãnga Jisu Krista demnâng meroam tihko, khoankhen niem mehôan ekomin, ba lehôanjô medang ekomin erepa chenjô mâmâ dangmah; hun achet demko putedâlem peba lemeka.

1 THISALONIKA 1:3

Chenrãngma ngako nima nãng Wa Joban nâng rangsoamko, nekhuma putedâlem junko moeken heh, ngale nema hun achetmîn junko chaanrii letma moeken heh, ngale nema nãng Teso Jisu Krista nâng putedâlem letma tok anaa eken heh rângchhemhun e.

1 TIMOTHI 1:5

Are chien ekangpa hungsâma hun achetmîn, hungpun rinpun, ngale linlin putedâlem pa thinnâng chenhonga ngama chien ekang.

1 TIMOTHI 4:8

Phoang nâng trening keppa phoang rãngma asen, phumma Junâng trening mekep eko erepa chentô rãngma asen, chenrãngma ngako, Junâng trening keppa athângwah roandông komin ngale khediwah roandông komin nãngma rangkepmin.

TITAS 1:16

Ere hehma thin a Joban jette mihnyan ngama ngarii wakeka, rohkomin thin moatlem junko thinma Joban ngin kepmah. Thin a nyahrãng chinnyali ngale ngin lekepte, chenni moatlemsen moat akat rãngjô senmah.

TITAS 3:8

Arepa toangtang ngin. Nekhuma are nginpa senthemthem chenjet en ngama hun ekang, erohkoba henhenma Joban nâng putedâlem eken a erehehma ne roandôngko moatlemsen moletma etongen, ngale erepa anga ngarãngma asenli ngale alemli.

HIBRU 11:17

Chenthu Joban ma Abraham putedâlem pa jetrãng Abraham nâng nangchha Isak pa ritphe lohma Nganâng soam aroak hang ngatahko, Abraham ma putedâlem junko ate chha Isak pa ritpherãng phungwah. Abraham demnâng Joban ma toamsêm wah, rohkomin, Abraham ma ate chha wathelolo pemin ritphe lahma Joban nâng soam aroak rãng chepwah.

HIBRU 13:9

Jatrup ledangli ngin ariet heh tatletma toangtang lemkhô kowah nekke khoam en. Jokphhek chhah niemarang heh keplihma tôngnoma Joban ngewah mînchenchaan chohlihma tôngpeba asen; henhenma phhekchhah niemarang heh keplahma tongeka ereheh nângmin ere niemarang pumma chenjô chohsûmah.

JEMS 1:16

Ngapho nganya heh, nekdiap chhahrii en!

JEMS 2:16

Phumma nema thinnâng, “Joban ma rang ekohhèn! ngale lembubu tongen erediko senthemthem jokphhek chhah en!” ngama lolo ngaletma thin roandông kowah chenni lemeka ereheh lekoh medang enko - thinrãng chenni ehongsen a?

JEMS 2:18

Phumma wanwanthe ma enga a, “Wathenâng putedâlem, ngale ahan wathe nâng moatlem tonga.” Phumma Ngama atenâng edanthang ang, “Nganâng khesok tanhang, moat akat aho thangma putedâlem pa hennâng tongeka. Ngama nenâng Nga putedâlem ngale Nga moatlem pa khesok a.”

JEMS 2:26

Erohwah, phoangko Ju aho medang ako phoangpa aritre eka rãngrãng, moatlem aho thangma putedâlem lolo pemin riichoanthã jôba.

2 PITER 1:5

Erohwah, ne putedâlem leko nea asen dângrãngma latrii en; ngale ne asen dangkenpa Joban ma chenni huneka erepa jetletma asen dangen;