JEMS 1:4 - NIEMNYAN Naga NT (BSI)

⁴ Ngale rongrup nâng lethe thangma athôan kotuk rongtêngtêng mamtadô en, eroh koba nea chenni nângjô lechhih thangma rongrup nâng asen ngale apun tuta edangen.

JEMS 1:4 Iomraidhean Croise

MATHIU 10:22

Anga ngama ngajunma nenâng emitchek hèn. Rohkomin henhen pa athôan kotuk dâlemsen lektong eka ere hehba khope min.

MATHIU 19:20

Techhuwa ma dânthâng wah, “Are chentô hôkum heh ngama kepkangjû” “Are leko ngama lihân chenni moatthin tongtûa?”

MATHIU 5:48

Rangkhethung wah ne Wa Joban pa asen dangeka rãngrãng nemin asen dangen!

MAK MA RAANGWAH NGINKONGSEN 10:21

Jisu ma atenâng mînchen nungma thongthong sûlahma ngatwah, “Nang rãngma wanthe loloba lemeka. Wãnglohma nangnâng chhahkhem chentô tongho heh phangtang sengwãng lohma ngunpa tangchhih hehnâng koh o, ngale nanga rangkhethung nâng techhu thôan edango; erediko kalohma nga demnâng johchhoan hang.”

LUK MA RAANGWAH NGINKONGSEN 18:22

Chenthu Jisu ma are nginpa tatphumma atenâng ngatwah, “Nangma moatthin ademin wanthe tonga. Nang chhahkhem heh phangtang senglohma ngunpa tangchhih hehnâng koh o, ngale erohkoba nanga rangkhethung nâng techhu thôan edango; erediko kalohma ngadijun hang.”

LUK MA RAANGWAH NGINKONGSEN 21:19

Putedâlem nâng rõngtângtâng dangen, erohkoba nedede eta pesietrii en.

LUK MA RAANGWAH NGINKONGSEN 8:15

Hahsenko chatjâte chhah rãngrãng heh dangeka thinma Joban ngin tatlahma thinhung nâng senthemthem thien lahma kepeka, ngale ari mahong hongri thinma jabkhab pa kepwak eka.

JON MA RAANGWAH NGINKONGSEN 17:23

Nga thin hungkhen nâng, ngale nanga nga hungkhen nâng, erohkoba thin a linlin wantherãng eta danga, ngale erohkoba hahtokkhoh mihnyan hehma nga nangma chienkatwah ngama ejet a, ngale nganâng hun ehang rãngrãng thinnângmin huneko, ngama ejetwak a.

1 KORINT 2:6

Rohkomin Junâng hungchit phannang hehnâng ngama buthi mongthem ngin heh thôkoh ekang. Rohkomin erepa are hahtokkhoh buthi mongthem pa dangmah, ngale are hahtokkhoh pên eka chaan pemin dangmah - ere chaanpa mahjâli chaan.

GALATIEN 6:9

Erohwah kaamsen moatnâng nekboan eki; chenrãngma ngako nãngma lejek thangma memo eko, erethã roantang roanjêng khope choh sanpoat pa ehûra.

KOLOSIEN 4:12

Jisu Krista haa ngale nekhu lemrujô Ipafras memin nenâng salem matkat ehèn. Atema roantangma nekhurãng nyahrãng rangsoam kohjû, ngale Joban ma nekhu rongtengtengjû, erediko hungchit phannang Kristansen, ngale Joban hungsi junkojû chendangen ngama soamkoh ehèn.

1 THISALONIKA 5:23

Nãngnâng mêmo kohte Joban pumma nekhumin chentô nâng sâpoangpoang chendang thukhèn, ngale nãng Teso Jisu Krista ngakkat jâko nekhu - Ju amoang, hung arin, ngale phoang aroang heh phangtang - chennijô ngek atek ngale theabe aho chendang thukhèn.

2 TIMOTHI 3:17

erohwah, henma Joban nâng soamtô eka erehehma chentô asenli moatlem heh tâjien moat akatte dângmin.

JEMS 1:5

Phumma nekhuwah hen komin buthi mongthem aho medang enko, nema Joban nâng rangsoam en, eko Joban ma nenâng ekohhèn; chenrãngma ngako, Joban ma anga nganâng mînchen lahma chhahme ma koheka.

JEMS 3:2

Nãngkhu anga ngama roantang mejô rângmôang themoe. Rohkomin henma ate jab ajâ nâng chenthujô lethe dangeka, ere mihnyan pa asen, ngale atema ate phoang phangtang kitlo lahma thieneka.

1 PITER 5:10

Rohkomin nema poatthe chharãng chêmchoh diko, chentô mînchenchaan kohte Joban, ngale Jisu Krista demko roamletma ate mîndongko johroam thukrãng neroote Joban pumma ate dedema nekhu sâsiet lahma rongtêngtêng edangthuk hèn, ngale chaankoh lahma putedâlem senthemthem edangthuk hèn.

2 PITER 1:9

Rohkomin nenâng ereheh aho medang hènko nea mitdoak rãngrãng, nema ataang wah khemet, ngale nema amako moatwah pap heh sâsiet kohthen pa lekphe eken.