JEMS 1:27 - NIEMNYAN Naga NT (BSI)

²⁷ Joban Wama Asâ ngale Alinlin Joban nâng soam atôte pa are hehnângba ngaeka: janthoichha hehnâng sok arête ngale janthoinyu heh chêmcheiko chohsokte, ngale are hahtokkhoh wah achhih hehnâng lechhihsietrii tôngte hehnângba ngaeka.

JEMS 1:27 Iomraidhean Croise

MATHIU 12:32

Henma komin Mihnyan Chharãng mechhihjab ako map tâkohmin; rohkomin henma Asâthôanju lelatnâng chhihjab eka erehehnâng map lekohmin, athângheh min, ngale roantang roanjêng komin lekohmin.

MATHIU 5:8

Hungsâ rinsâte mihnyan heh rangkepte dângmin; Thinma Joban echohkhea!

LUK MA RAANGWAH NGINKONGSEN 1:6

Atenii wanii niijô Joban mitsokko asen dângwah, ngale Joban Niemarang ngale Hôkum hehmin senthemthem kepwah.

ROMAN HEHNÂNG POLMA RAANGWAH SITI 12:2

Nededema are hahtokkhoh kowah mihnyan heh rãngrãng nekdangen, rohkomin Joban ma nehung nerin phangtang khenwah chenlitsiet hèn. Erediko ba Joban ma hun ekapa nema eta jetlo en - chenrepa asen a ngale chenre pumma Joban rinme thukeka ngale chenrepa apunlia erepa etajetlo en.

ROMAN HEHNÂNG POLMA RAANGWAH SITI 2:13

Chenrãngma ngako Niemarang pa atatlolo tatrãngma mihnyan pa Joban demnâng toangtang jiendangmah, Niemarang pumma chenroh ngaeka ererãngrãng moatte peba toangtang tâdângmin.

GALATIEN 1:4

Are nãng songeki hahtokkhoh chhih kowah nãngkhu pêpâng rãng, Krista ma nãng Joban ngale nãng Wa ngin keplahma atedede roandôngpa nãngkhu pap rãngma kohwah.

GALATIEN 3:11

Ade phumma senthemthem lajettih henmin Niemarang junma Joban demnâng toangtang tadangmah, chenrãngma ngako, Joban nyapraangma ngaeka, “Henhen pa putedâlem junma Joban demnâng toangtang dangeka ereheh ba hînmin.”

GALATIEN 5:6

Chenrãngma ngako chenthu nãnga Jisu Krista demnâng meroam tihko, khoankhen niem mehôan ekomin, ba lehôanjô medang ekomin erepa chenjô mâmâ dangmah; hun achet demko putedâlem peba lemeka.

GALATIEN 6:14

Rohkomin, Nga dangekang, Ngama Jisu Krista bãngphak pa lolo jôba erângthô ang; chenrãngma ngako, ate bãngphak junma are hahtokkhoh pa ngarãngma riichoan rãngrãng dangeka, ngale Ngamin hahtokkhoh rãngma riichoan rãngrãng dangekang.

IFISIEN 2:2

Ere sanpoatko nema are hahtokkhoh kowah achhih heh lemkhôko junkhoam letma dângwah; ngale nema hahtokkhoh pênte ju ngin kepletma dângwah, ereju pumma athângheh Joban ngin lekepte mihnyan heh pêneka.

1 TIMOTHI 1:5

Are chien ekangpa hungsâma hun achetmîn, hungpun rinpun, ngale linlin putedâlem pa thinnâng chenhonga ngama chien ekang.

1 TIMOTHI 5:4

Rohkomin janthoinyu pa chhu achhawin medang ako, khebengko thin chhuchha hehma thinnâng senthemthem chenbeng khoakhem a, chenrãngma ngako eroh thinma thinnyong pa mekhoakhem akoba thinma thinnyong awa nâng thin khoakhêm thã ngakkohwah rãngrãng edanga, ngale erohkoba Joban rinme eka.

TITAS 2:12

Ere mînchenchaan pumma Joban lejet thangma sôngtông ngale hei ngem hung arin heh pherãng hethôehi, ngale mâmâ dede hungmông sietrii, toangtang, ngale hahtokkhoh ko Joban jetlihma sôngtôngrãng hethôehi,

JEMS 3:17

Rohkomin rangkhethung wah buthi mongthem pa khebeng thôanko hungsâ; erediko mêmo, numnene, ngale chentô demnâng lemru lemchha tuta; ngale mihnâng nyahrãng mînchen, moatlemsen tuta moeka; ereko thhensok le khoanglep aho.

JEMS 3:9

Nãngma theli pumma nãng Teso ngale nãng Wa Joban nâng dangkoh a min ngaeki, ngale erepumma Joban rãngrãng hôanwah mihnyan hehnângmin tem athoak eki.

JEMS 4:4

Joban nâng lepute dâlemte mihnyan heh! Nema jetmetne, hahtokkhoh demnâng lemruchha dangkenpa Joban demnâng ran dangeki ngama? Nema hahtokkhoh demnâng lemruchha dâng mehun enko, nema nedede a Joban ranrãng hôanrii eken.

2 PITER 1:4

Eroh jôba atema toamsem tah junko nãngnâng nyahrãng adong ngale asen hînhô pa kohehi, erohwah are hînhô heh junma hahtokkhoh hung arinma achhihli thonghun lihma chhihjâ wahmin etape en, ngale Joban rãngrãng etadangen.

2 PITER 2:20

Nãng Teso ngale Pângte Jisu Krista jetlahma henkomin are hahtokkhoh chhih kowah pechhoan lahma, eredikomin achhih hehnâng amãnmãn methe ngekriiako, ererãngrãng mihnyan pa khebengwah nomemin athôanko achhihthôan edanga.

2 PITER 3:14

Ngale Ngalemruchha heh, nema ere Rangwo pa bemlâ poatko, Joban demnâng sâpoangpoang ngale chenni nângjô lechhih thangma tongen, ngale ate demnâng mêmo dangletma tongen.

1 JON 5:18

Nãngma ajet Joban chha hehma henmemin papkaam thammomah, chenrãngma ngako thin a Joban Chha ma pesiet lahma thieneka, ngale Juchhih ma thinnâng chenjô taremah.