JEMS 1:25 - NIEMNYAN Naga NT (BSI)

²⁵ Rohkomin nema mihnyan papwah pesiette Joban Niemarang Asenko namnam sûletma, atatlolo ledang, ere Niemarang pumma chenroh ngaeka ererãngrãng memo enko - nema chenjô memo enkomin ere kohko Joban ma rang ekohhèn.

JEMS 1:25 Iomraidhean Croise

LUK MA RAANGWAH NGINKONGSEN 11:28

Phumma Jisu ma dânthâng wah, “Ere nomemin khengraangsen pa, henhenma Joban ngin tatlahma senthemthem kep eka ereheh dângmin!”

JON MA RAANGWAH NGINKONGSEN 13:17

Athângheh nema are toangtang pa lâjettet, phumma nema ererãngrãng memo enko chentôsên dângmin a!

JON MA RAANGWAH NGINKONGSEN 8:36

Chha pumma ne melaang phehèn koba, nea linlinrãng laangphe ehèn.

MOATLEM 13:43

Mihnyan heh phanchhoan diko, Pol le Barnabas nii erediko Jews heh ngale Jews ledangte Judiejem rãng litdângwah heh jahmõang junkhoam wah. Moattat chhoante hehma Joban mînchenchaan pa roantang kepletma tongen ngama thôkoh wah.

MOATLEM 2:42

Ere mihnyan hehma thin sanpoat pa moattat chhoante hehma hethôeka heh helahma chhoanthuk wah, ngale thin demnâng roamtong, roamphhek chhah, erediko rangroamsoam relahma chhoanthuk wah.

MOATLEM 26:22

Rohkomin thejâ tôko Joban ma Nganâng chohsû ehang, ngale erohwah Ngama thejâ ako cheplekma, adong arin chentô nâng khoaktheko thôkoh eka. Ngama chenni ngaekãnga erepa Mõng hehma ngale Mosa ma jabtah pa dângwâng ngin pejôba jabekang:

ROMAN HEHNÂNG POLMA RAANGWAH SITI 11:22

Are junko nãngma Joban pa nyahrãng mînchênte ngale nyahrãng rinkhahchaan ngama khe eki. Atea achhih nâng jâritte heh demnâng nyahrãng rinkhah lahma kheki, rohkomin nenâng mînchen ehèn - roantangma ate mînchen demkojû metong enko. Rohkomin ate mînchen demko ledang medang enko, nemin echhihjâ en.

ROMAN HEHNÂNG POLMA RAANGWAH SITI 2:13

Chenrãngma ngako Niemarang pa atatlolo tatrãngma mihnyan pa Joban demnâng toangtang jiendangmah, Niemarang pumma chenroh ngaeka ererãngrãng moatte peba toangtang tâdângmin.

ROMAN HEHNÂNG POLMA RAANGWAH SITI 7:12

Rohkomin, Niemarang pa asâ, ngale hôkum pemin asâ, toangtang ngale asen.

ROMAN HEHNÂNG POLMA RAANGWAH SITI 8:15

Chenrãngma ngako Joban ma nenâng koh ehèn Juma ne haarãng kepmahhèn ngale cheisiet mahhèn; erenoma Ju pumma nea Joban Chharãng dangthuk ehèn, ngale Ju chaanko nãngma Joban nâng, “Wa! Ewa!” ngama taroo eki.

ROMAN HEHNÂNG POLMA RAANGWAH SITI 8:2

Chenrãngma ngako Jisu Krista demnâng roamlahma nãngnâng roandông kephok kohte Ju niemarang, pumma nga pap ngale rit niemarang kowah lâpesiet thang.

1 KORINT 15:58

Erohwah, ngalemruchha heh, rongtêngtêng dangen, ngale nehung pa chenni mejô nekchen phongsiet ehèn. Roantangma Teso moatlem nâng hungkoh letma mo en, chenrãngma ngako nemajet, nema Teso moatlem moeken pa chenthumin mahto nâng dangmah.

2 KORINT 13:5

Nedede thaksûrii tan en, ngale thatjetrii tan en, ngale nea putedâlem junko songtong eken le songtong met a ngamemin thatsûrii tan en. Nema linlinjô Krista pa nikhen nâng tonghi ngama jetrii ekenle? phumma linlinjô Krista nekhen nâng aho medang hènko nea mahto lâdangtet.

GALATIEN 2:4

rohkomin khaka hehma hôanmin jôba ngama ngaeka. Are mihnyan heh putedâlemte rãngrãng diapdang lahma, nikhu Jisu Krista demnâng roamlihma chenroh hungsiko dangekia, ereheh jêjetrãng huhlup hûera. Ngale thinma nia haarãng hôanhun wah,

GALATIEN 5:1

Nãnga mihhaa dângwah jek ekipa - Krista ma loatsiet ehi! Erohwah, mihhu mihaa ledangte rãngrãng dangen, ngale nededema mihhaa rãng nekhôanrii en.

GALATIEN 6:2

Wathema wathe chêmchei ko chohsûmîn en, ngale erohko jôba nema Krista niemarang pa kep eken.

KOLOSIEN 1:23

Erohwah, nekhuma rongtêngtêng senthemthem putedâlem en. Ngale chenthu nema Nginkongsen chohtat letma dâlemtet a erekowah nekphõngtu en. Are Nginkongsen rãngma Nga Pol min haa rãngrãng dangekang - are Nginkongsen pa hahtokkhoh ko chentô nâng phoangthô koheka.

1 TIMOTHI 2:15

Rohkomin dihiak hehma naachhat junma khope chohmin, ngale dihiak pumma melatrii moako putedâlem, hun achet, sâpoangpoang, ngale senthemthem mesong metong ako khope chohmin.

1 TIMOTHI 4:16

Nang-dede jetlohma tongo, ngale nangma hethôeko hehmin jetlohma hethôo. Are moatlem heh lejek thangma mo o, chenrãngma ngako, nangma aroh memo oko, nangdede khomin epeo, ngale nang ngin tatte hehmin kho epea.

HIBRU 12:15

Jetletma dangen, henjô Joban mînchenchaan lechoh nekchen dangeken. Ngale bãngkhah hongphoak lahma ate bii pumma bãnghan heh rângchêmsiet arãngrãng newah mihnyan chhih nekhong en.

JEMS 2:12

Chentô jab ajâ ngale moat akat nâng nãng pesiette niemarang pumma jôba achhih engahi ngama thonghun letma mo en.

1 PITER 2:16

Ne hungsiko songtongen, rohkomin ne hungsiko songtong letma kaamchhih nekmo en, Joban haa rãngrãng dangletma songtongen.

1 JON 2:24

Erohwah, nema nehung nâng khebengwah chenni chohtattet a ere nginkongpa senthemthem thien en. Nema ere nginkongpa senthemthem methien enko, nea roantangma Wa Achhanii demnâng aroamma edangen.

LOATKHESOK 14:13

Erediko Ngama rangkhethung wah jabkhab jabkat lahma tatwah, “Arepa raango: Henhen athâng hehma Teso moatlem molahma riieka ere mihnyan heh rangkepte dângmin!” “Arepa linlin!” ngama Juma dânthâng wah. “Thinma moatlem chaanmo lahma chêmtah kowah khuhah nâhah eboantong wak a, chenrãngma ngako, thinma moatlemsen motah heh thin demnâng rangkhethung nâng ejohwãnga.”

LOATKHESOK 22:14

Henhenma thinkhet pa sâset eka erehehma rang ekep a, ngale thinma roandông chohthin bãngkowah penri eta chohchhah a, ngale pankâsek pumma hahdaangko eta nyupwãng wak a.