JEMS 1:22 - NIEMNYAN Naga NT (BSI)

²² Joban nginpa atatlolo nekjetat en; erenoma Joban jabkhab pumma chenroh ngaeka eroh mo en.

JEMS 1:22 Iomraidhean Croise

MATHIU 12:50

Hen-henma rangkhethung wah nga Wa Joban ma huneka ere moatlem heh moeka ere hehba nga pho, nga nya, ngale nga nyong.”

MATHIU 28:20

Ngale ngama nenâng chentô thôkotah ngin heh keprãng hethô en. Ngale nga nedemnâng roantang roanjêngma athôan kotuk ejoh tonga.”

LUK MA RAANGWAH NGINKONGSEN 11:28

Phumma Jisu ma dânthâng wah, “Ere nomemin khengraangsen pa, henhenma Joban ngin tatlahma senthemthem kep eka ereheh dângmin!”

JON MA RAANGWAH NGINKONGSEN 13:17

Athângheh nema are toangtang pa lâjettet, phumma nema ererãngrãng memo enko chentôsên dângmin a!

ROMAN HEHNÂNG POLMA RAANGWAH SITI 2:13

Chenrãngma ngako Niemarang pa atatlolo tatrãngma mihnyan pa Joban demnâng toangtang jiendangmah, Niemarang pumma chenroh ngaeka ererãngrãng moatte peba toangtang tâdângmin.

1 KORINT 15:33

Nekba en. “Lemruchha chhih pumma nãng jat apatsen heh chhihsiet eka.”

1 KORINT 3:18

Nema nedede nekbasietrii en. Nekhuwah henma komin atea are hahtokkhoh junko jet ajien ngama methong hunrii ako, atea are hahtokkhoh ko aba rãngrãng dângmêngmin, erohkoba linlin jet ajien eta danga.

1 KORINT 6:9

Linlin nemajet, Mihnyan chhih hehma chenthumin Joban Hahsông pa leta chohmin. Nedede nekbasietrii en; lapien, moangachaang nâng soam, mihdihiak dela kaamchhih moatte, ngale dela dede kaamchhih moatte

GALATIEN 6:3

Henma komin atea sekhota mihnyan danglahma, ngamin wathe alemli mihnyan jôba ngama thonghunrii eka, erepumma ate dedeba diapchhahrii eka.

GALATIEN 6:7

Nedede nekdiap chhahrii en; henmemin Joban tadiap chhahmah. Nema chenni bãng khiet eken a ere bãngri pejôba echohpun en.

FILIPIEN 4:8

Ngalemruchha heh, athôanko, nehung nerin ko asenli ngale arôli heh thien en: ereheh dangeka, toangtang, asâli, apunli, ahunli, ngale kep aloatli heh.

KOLOSIEN 3:17

Erohwah, nema chentô moeken a ngale jab aja eken a ereheh Joban nâng Jisu Krista mînko dangkoh a ngat nungma mo en.

2 TIMOTHI 3:13

ngale mihnyan chhih le mihphoang diapchhahte mihnyan heh jêngjah jahchhih echhihjâa, thinma mihheh phoang diapchhah demko thin dedemin ediap chhahriia.

TITAS 3:3

Chenrãngma ngako nãngkhumin poattheko aba, nginlekep, ngale athe dângwah. Ngale nãng hungma rongrup achhih ngale hei angem nâng rinmehun pumma haarãng kepwah. Nãngkhu roandôngpa mihnâng mitchek phetwân lihma dângwah; mihma nãngnâng chhihchoh ngale nãngma thinnâng chhihchoh relihma dângwah.

JEMS 1:26

Nekhuwah henma komin rangsoam niem kepte ngama thonghun eken a? Rangsoam niem kepte ngama ngaletma nedede thelipa lekit lorii medang enko, ne rangsoam niem pa sek ho, ngale ne dedeba diapchhahrii eken.

JEMS 4:11

Ngalemruchha heh, wathema wathe nâng nekchhih thômîn en. Nema nelemru Kristan ahan heh chhihthô, ngale thinnâng athe melo enko, nema Joban Niemarang ko achhih ngale athe ngaeken. Ngale nema Joban Niemarang nâng athe menga enko, nea Joban Niemarang kepte dangmet, rohkomin ere Niemarang ko athe loatteba.

JEMS 4:17

Erohwah, nãngma moatlemsen ngama jetlihma ere moatlempa lemo medang eko, erepa nãngrãngma pap.

2 PITER 2:13

ngale thinma ajahthem mihnyan hehnâng chêmthuk tah thãpa thin memin chêm echoh a. Thinma rangwo mongtangko thin hei angem wokphoatli moatlem moeka ko hungsen wakeka; thinma moatlem chhih heh khuhah nâhah moatdiko, nekhu demnâng phhekchhah roamchhah ehènpa nerãngma rêsêli dangeka!

1 JON 1:8

Nãngma nãngnâng pap aho menga eko, nãngma nãng dedeba diapchhah riieki, ngale nãngnâng toangtang pa aho.

1 JON 2:3

Nãngma Joban ngin mekep eko, linlinjô nãngma ate lâjettih.

1 JON 3:7

Ngachhu Ngachha heh, nekhu hennângjô nekdiap chhahrii en! Henhenma kaamsen moeka ereheh Krista rãngrãng thinmin toangtang mihnyan.

3 JON 1:11

Ngama nyahrãng ahun lemruchha heh, achhih ngin nek he en, chenpa asen a erengin he en. Henhenma kaamsen moeka ereheh a Joban chha; ngale henhen kaamchhih moeka erehehma Joban khemah.

LOATKHESOK 12:9

Pûchhih dôngmõang pa petphekat rewah-rangbeng hahbeng wah pû, ate mînpa Juchhih ba joak ngama dângwah, atema hahtokkhoh phangtang diapphhek chhahwah. Ate demko ate ngintatte heh aroamma hahtokkhoh nâng petphekat wah.

LOATKHESOK 22:7

“Tattan en!” Jisu ma ngaeka, “Nga sitsiak lâkaerâng! Henhenma are titab kowah mõngheh ngin kepeka mihnyan heh rangkepte mihnyan dângmin!”