JEMS 1:2 - NIEMNYAN Naga NT (BSI)

² Ngalemruchha heh, chenthu nekhoh nâng chentô chêmchei heh mehûrako nea khuhah nâhah dangen,

JEMS 1:2 Iomraidhean Croise

MOATLEM 5:41

Moattat chhoante heh ngoang awang heh tâwah khuhah nâhah chhoan wah, chenrãngma ngako, Joban ma thin a Jisu rãngma rêsê tathangte rãng rêndi khuhah wah.

ROMAN HEHNÂNG POLMA RAANGWAH SITI 5:3

Nãngkhuma nãng chêmchei hehmin rângthôe chengrãngma ngako nãngma ajet chêmchei junko atâdo re eki,

FILIPIEN 1:29

Chenrãngma ngako, nekhu nâng Krista nâng soamtô thuk ehènpa, Krista nâng putedâlem lolo dangmah, ate rãngma chêmchei min chohmin.

FILIPIEN 2:17

Ne putedâlem junko ne roandôngpa Joban nâng koh eken demko, Nga roandông hei pemin joapsoap rãng rangtêmmin kohwah rãngrãng nedemnâng ejoh danga. Eroh medang ako, Nga rin eroan ang ngale erepa nekhu anga nga demnâng ejohroan a.

FILIPIEN 2:18

Ererãngrãngjô, nekhumin rinroan en, ngale Nga demnâng johroanha.

KOLOSIEN 1:24

Ngale Nga nekhurãng chêmrit ko khuhah ekang, chenrãngma ngako Nga phoang nâng chêmrit junko Krista ma ate phoang Asâthem hehrãngma lelaang chêmrii bâthientah heh Ngama laangchêm ekang.

HIBRU 10:34

Nema phâtek nâng khhekritte mihnyan hehnângmin mînchen letma chohsûtet, ngale chenthu ne chhahkhem heh nyenthenko, hung leke dangtet, chenrãngma ngako, nema roantang roangjêng rãng lechhihli, ngale newah nyenthen chhahkhem noma abâmbâm asenli chenni komin choheki ngama jet eken.

JEMS 1:12

Henpa chêmchei chohpoat komin putedâlem nâng asen danglahma tongeka ereheh a rangkepte mihnyan, chenrãngma ngako, chenthu thinma chêmchoh ekapa metadô tahko, Joban ma atenâng hun achette mihnyan hehnâng kohrãng toamsem tah roandôngpa thinma echoh a.

JEMS 1:16

Ngapho nganya heh, nekdiap chhahrii en!

JEMS 1:19

Ngama nyahrãng ahun lemruchha heh! arepa thonghun en, Atat pa anga ngama senthemthem tat en, rohkomin jab pa ane jab en, ngale rin lemlienma nekkhah en.

JEMS 5:11

Thinma chêmchei heh tâdôdi nãngma thinnâng rangkepte ngama rooeki. Job ma chenroh tadôtah a erepa nema lâchohtattet, ngale nemajet athôanko Teso ma atenâng chentô chohkohtah a. Chenrãngma ngako Teso nâng mînchen ngale hun achet pa jahmõang tonga.

2 PITER 2:9

Ngale mihnyansen heh chêmchoh eka kowah chenroh pesietmin a ere pemin Joban ma ajet, ngale mihnyan chhih hehma thin Rên Rangwojâ bêmlâ poatko chenroh chêmthukmin a ere pemin ajet,

LOATKHESOK 2:10

Nema chenni chêmcheijô mechoh enkomin nekchei en. Tattan en! Juchhih ma nekhuwah wawathe pa phâtek nâng khhek lahma hung ethaktoan hèn, ngale phumma ne chêm pa jâechhi rãngba eta lekchêm en. Nea lânrii rohjô mechêm enkomin, Nganâng senthemthem putedâlemha, ngale erohkoba Ngama nenâng ajien thãpa roandông ekoh a.