JEMS 1:19 - NIEMNYAN Naga NT (BSI)

¹⁹ Ngama nyahrãng ahun lemruchha heh! arepa thonghun en, Atat pa anga ngama senthemthem tat en, rohkomin jab pa ane jab en, ngale rin lemlienma nekkhah en.

JEMS 1:19 Iomraidhean Croise

MATHIU 5:22

Phumma athângheh ngama nenâng thôkoh eka: Henma komin ate pho anaa demnâng rin mekhah ako ate nângmin athe loatmin, ngale henhenma ate pho anaa nâng, ‘nanga chenrãngjô senmoh!’ ngaeka atemin ngoang awang heh tânâng metloatrãng siethokmin, ngale henhenma ate pho anaa nâng nanga aba mahto ngaeka, atemin papwen nâng khâmrit katmin.

MAK MA RAANGWAH NGINKONGSEN 12:37

Devit dedema atenâng ‘Teso’ ngama roowah; eroh medang ako Misaia pa Devit Chhu achha chenroh jiendângmin a?” Jahmõang mihnyan ma Jisu nang khuhah nâhah jetatwah.

MAK MA RAANGWAH NGINKONGSEN 2:2

Ephumma mihnyan heh jahmõang khôanhû lahma humko thechaakjô ahotu dângwah, rangsâ wah kâsek lemthong komin thechaak ahotu dângwah. Eko Jisu ma thinnâng Joban ngin thôkoh wah

LUK MA RAANGWAH NGINKONGSEN 15:1

Jâthenâng thãkho thâte ngale papi mihnyan heh Jisu ngin jêtatrãng jahmõang hokwah,

LUK MA RAANGWAH NGINKONGSEN 19:48

Rohkomin thinma jienritpheho, chenrãngma ngako mihnyan heh phangtang Jisu jabkhab khabthemin lienphe lehun thangma jetat hunwah.

MOATLEM 1:15

Jâthe jânii diko putedâlemte heh ngoangthun rãng khôanwah, eko chentô tungko châthe roaknii dângwah, ngale Piter nginthôrãng tôanchepwah.

MOATLEM 10:33

Phumma lemlienma nangroo rãng chienkatwah, ngale nang anâng wângpa nyahrãng lâsentah. Teso ma nangnâng chenni thôkoh rãng chien eho erepa chohtatrãng nikhu areko Joban mathahko bemeki.”

MOATLEM 13:48

Chenthu Jews ledangte hehma are nginpa tatphumma thinma Joban nginko rôwakwah; ngale henhenma roantang roanjêng roandông chohrãng rentah a ereheh putedâlemte rãng dângwah.

MOATLEM 17:11

Biria wah mihnyan heh Thesalonika wah mihnyan heh nomemin hungsen rinsen jat dângwah. Thinma Joban nginkongsen ko nyahrãng hung arin kohlahma jetatwah, ngale Pol ma chenni thôkkoh eka ereheh linlin dang ale dangmah a ngama jetrãng rangwo roakweih thinma Joban nyapraang heh weih lahma dângwah.

MOATLEM 2:42

Ere mihnyan hehma thin sanpoat pa moattat chhoante hehma hethôeka heh helahma chhoanthuk wah, ngale thin demnâng roamtong, roamphhek chhah, erediko rangroamsoam relahma chhoanthuk wah.

IFISIEN 4:26

Nerin mekhah enkomin, rinkhah pumma pap nekchen dangthuk hèn, ngale ngihjang rinkhah letma nektongen.

IFISIEN 4:31

Jatrup chhih akhah hehwah, hei angem junma chhihmoat hehwah, ngale rinkhah hehwah ajekre en. Ngale phoangrak akak, phoang dûmmek, mihnâng phoang mitchek, ngale jatrup achhih hehwah ajekre en.

KOLOSIEN 3:15

Nehung nerin khenwah thonghun eken pemin Krista ma koheka mêmo junko chendanga; chenrãngma ngako, are mêmo junko Joban ma nekhu phoangthe ko dângrãngma rooehèn. Ngale roantangma Joban nâng dangkoh a nga en.

KOLOSIEN 3:8

Rohkomin ade phumma nekhumin arerãngrãng hehwah ajekre en: rinkhah, ngale hungkhen nâng achhih thônghun, ngale mihnâng chhihchoh hehwah ajekre en. Ne thunkhab wah mihnâng dûmmek, ngale jabkhab chhih heh nekhongjab en.

1 THISALONIKA 2:13

Ngale lihân junmemin nima Joban nâng roantangma dangkoh a ngaeki. Erepa chenthu nima nenâng Joban nginpa kephok kohko, nema erepa tatletma mihnyan nyuchha ngin ngama ledang alinlin Joban nginkong ngama kep eken. Chenrãngma ngako Joban nâng putedâlemte hehnâng Joban Juma moeka.

JEMS 1:16

Ngapho nganya heh, nekdiap chhahrii en!

JEMS 1:2

Ngalemruchha heh, chenthu nekhoh nâng chentô chêmchei heh mehûrako nea khuhah nâhah dangen,

JEMS 1:26

Nekhuwah henma komin rangsoam niem kepte ngama thonghun eken a? Rangsoam niem kepte ngama ngaletma nedede thelipa lekit lorii medang enko, ne rangsoam niem pa sek ho, ngale ne dedeba diapchhahrii eken.

JEMS 2:1

Ngalemruchha heh, Nãng Teso Jisu Krista mîndongthôan chohte nâng putedâlemte dangletma, nema chenthumin mihnâng rangkhoh thhenphãng sûletma achhih asen pa lengamin.

JEMS 2:5

Ngalemruchha heh, tattan en! Joban ma are hahtokkhoh wah tangchhih heh putedâlem ngenâng techhu dângrãng reneka, ngale henhenma atenâng hun achhâeka ereheh nâng kohrãng toamsem tah thepa thinnâng kohrãng reneka.

JEMS 3:10

Dangkoh a ngat jabkhab le mihnâng têm athoak jabkhab pa mãnthethin thunkowah loatkaera. Ngalemruchha heh, phumma aroh pa nekchen dangeka!

JEMS 4:11

Ngalemruchha heh, wathema wathe nâng nekchhih thômîn en. Nema nelemru Kristan ahan heh chhihthô, ngale thinnâng athe melo enko, nema Joban Niemarang ko achhih ngale athe ngaeken. Ngale nema Joban Niemarang nâng athe menga enko, nea Joban Niemarang kepte dangmet, rohkomin ere Niemarang ko athe loatteba.

JEMS 5:12

Ngalemruchha heh, chentô noma alemthôan pa, chenthu nema toamsêm poatko, rang ahah mîn kepletma min neksem en, erediko chennimîn keplet mejô neksem en. Nema meta enko, “Tamo ang” ngaen, ba letamoli medang ako, “Tamomek” ngaen, eroh medang enkoba nekhoh nâng Joban ma achhih lenga edanghèn.

JEMS 5:19

Ngalemruchha heh, nekhuwah hen komin toangtang kowah kechhoan letma mihhan wathema methe ngaksiet hû hènko,

1 JON 2:21

Phumma Ngama nenâng raang ekepa nema toangtang pa jetmet ngama thonghun lekma raang dangmek; rohkomin, nema toangtang pa ajet, ngale nema toangtang pumma chenthujô mothô thômah ngamemin ajet.