JEMS 1:17 - NIEMNYAN Naga NT (BSI)

¹⁷ Chentô asenli ngale apunli hînhô heh rangkhethung wah kaera; erepa rangkhethung wah wenphiak Hôante Joban tâwah kaera, atea chenthumin litjâmah, ngale chenthumin rangnyek rãng litjâmah.

JEMS 1:17 Iomraidhean Croise

MATHIU 7:11

Mihnyan chhih nema tumin mâmâ chhako asenli kohpa jet eken. Rangkhethung wah tôngte ne Wa Joban mejã tanga atewah thâte hehnâng asenlipa kohrãng chentô bâmjet eka!

LUK MA RAANGWAH NGINKONGSEN 11:13

Nea atô chhihjô medang enkomin, nema mâmâ chhanâng asenli kohpa jet eken. Eroh medang ako, rangkhethung wah tôngte Joban Wa mejã tanga atewah Asâthôanju thâte hehnâng kohpa chentô bâmjet eka!”

JON MA RAANGWAH NGINKONGSEN 1:9

Arepa linlin wenphiak pa dângwah - are wenphiak pa hahtokkhoh ko kalahma chentô mihnyan hehnâng phiakka era.

JON MA RAANGWAH NGINKONGSEN 3:27

Jon ma dânthâng wah, “Joban ma lekoh kako, mihnyan ma chenmin leta chohmin.

JON MA RAANGWAH NGINKONGSEN 3:3

Jisu ma atenâng dânthâng wah, “Ngama nangnâng toangtang thôkoh eki: henmin atea depnii lengakchha kako Joban Hahsông lechohkhe min.”

JON MA RAANGWAH NGINKONGSEN 8:12

Jisu ma Farasi hehnâng wîenthe ngatwah. “Nga a hahtokkhoh rãngma wenphiak,” “Henhenma ngadiko junkhoam ehanga erehehma roandông wenphiak pa echoh a ngale thin chenthumin rangnyek nâng lekhoammin.”

MOATLEM 11:18

Chenthu thinma are nginpa tatphumma, chhiakmîn pa jeklahma Joban nâng rôwakwah, “Eroh medang ako Jews ledangte hehnângmin Joban ma hunglitthuk lahma roandông koheka!”

MOATLEM 5:31

Joban ma ritwah ngakhinsiet lahma, Isrial mihnyan hehnâng hunglit sanpoat kohlahma thinpap heh map kohrãng ngama ate dekchahko lemsênte ngale Pângte rãng dangthuk lahma tongthuk eka.

ROMAN HEHNÂNG POLMA RAANGWAH SITI 6:23

Chenrãngma ngako, pap dekbi thãpa - rit; rohkomin Joban ma thãhoma hînhô kohehi pa nãng Teso Jisu Krista demnâng roamlihma roantang roanjêng ahîn roandông choheki.

1 KORINT 4:7

Henma mihhân noma adong dangthuk ehèn a? Nema chentô cheiken heh Joban ma kohwah ledangne? Sen a, eroh medang ako, nema cheiken heh, hînhô ledang rãngrãng chenroh jienrângthô eken a?

2 KORINT 4:6

Joban ma, “Rangnyek khenwah wenphiak ehong phiakkatra!” ngama ngatwah, phumma ere Joban kowah phiak pa jôba Krista thhenphãng ko phiak eka ngama nãngnâng jetthukrãng ate wenphiak pa nãnghung khenko phiakkat thuk era.

IFISIEN 1:18

Nema Joban wenphiak pa jienchoh kherãng nekhu hungrin chenlaang kohhèn ngama Joban nâng rosep ekang, erohkoba nema chenni nâng dâlemrãng atema rooehèn a erepa nema etajet en. Joban ma atenâng putedâlemte mihnyan hehnâng rangkohmin ngama toamsem tahpa chentô chhu a ngale chentôsên a,

IFISIEN 2:8

Chenrãngma ngako, Joban mînchenchaan ngale nema putedâlem junma ne khope eken. Erepa nedede chaanma moatjunma dangmah, Joban ma hînhô koh ehèn, erohwah ererãngma henmin tarângthôrii met.

FILIPIEN 1:29

Chenrãngma ngako, nekhu nâng Krista nâng soamtô thuk ehènpa, Krista nâng putedâlem lolo dangmah, ate rãngma chêmchei min chohmin.

1 TIMOTHI 6:16

Ate lolo jôba chenthumin leriite; atea henmin letahû thin wenphiak tâko songeka. Henmemin ate mathat kheka; henmemin ate khemah. Ate lolo nâng jôba roantang roanjêngma toak asânmin ngale atenâng lolo jôba roantang roanjêng lechhihjâ chaantong eka! Amen.

HIBRU 13:8

Jisu Krista pa mejâ, thejâ, ngale roantang roangjêng rãng mãnthe.

JEMS 1:5

Phumma nekhuwah hen komin buthi mongthem aho medang enko, nema Joban nâng rangsoam en, eko Joban ma nenâng ekohhèn; chenrãngma ngako, Joban ma anga nganâng mînchen lahma chhahme ma koheka.

JEMS 3:15

Arerãngrãng buthi mongthem pa rangkhethung wah kat dangmahra; erepa hahtokkhoh wah buthi mongthem ba, ngale erepa Joban Ju wah ledangma juchhih ngewah choh eka.

JEMS 3:17

Rohkomin rangkhethung wah buthi mongthem pa khebeng thôanko hungsâ; erediko mêmo, numnene, ngale chentô demnâng lemru lemchha tuta; ngale mihnâng nyahrãng mînchen, moatlemsen tuta moeka; ereko thhensok le khoanglep aho.

1 JON 1:5

Nima are nginpa ate Chha ngewah chohtat lihma nenâng thôkoh eka: Joban pa wenphiak, ngale atenâng rangnyek amãnchhajô aho.

1 JON 4:10

Ahun pa arerãngrãng: nãngma Joban nâng hun dangmih, rohkomin Joban ma nãngnâng hunlahma nãngpap heh mapkohrãng ate Chha chienkat era.

LOATKHESOK 21:23

Ere hahdaangko phiakrãng san ngale dâmin lemmah, chenrãngma ngako, Joban phiak pumma ere hahdaangko phiak eka, ngale Saakchhapa wentit rãngrãng dangeka.

LOATKHESOK 22:5

Ere hahdaangko rangnyekmin ahotu dângmin, ngale thinma wentit ba sanphiakmin lelemtumin, chenrãngma ngako, Teso Joban pa thin wenphiak edanga, ngale thinma lowang heh rãngrãng roantang roangjêng rãng epên a.