IFISIEN 3:3 - NIEMNYAN Naga NT (BSI)

³ Joban ma ate hungkhen wah huhtham awa ekapa nganâng khesok lahma jetthuk ehang. (Ere junkowah ngama amãnchha raang ekang,

IFISIEN 3:3 Iomraidhean Croise

GALATIEN 1:12

Ngama arepa mihnyan nyuchha wah chohthâ wah dangmah, erediko arepa nganâng henmemin hethôho. Arepa Jisu Krista ate dedema nganâng khesokwah.

ROMAN HEHNÂNG POLMA RAANGWAH SITI 16:25

Joban mîn dongthuk e! Ngama nenâng Jisu Krista junma Nginkongsen thôkotah junko, ngale ama thuma ajahthem rangpâ rãng toangtang ngin huhriem tahpa loatkhesok junko, atema ne putedâlem pa rongtêngtêng eta dangthuk hèn.

IFISIEN 3:9

ngale Joban ma patritli themawa ekapa chenroh dângmin a ngama chentô mihnyan nyuchha hehnâng khesokrãng mothuk ehang. Chentô têm atiakte Joban pumma atema patritli themawa ekapa amawah lienchhoantah roan hehnâng lekhesok thangma huhthienwah,

IFISIEN 3:4

ngale ngama chenni raang ekanga erepa nema meweih enko, ngama Krista junma chenni jet ekanga erepa nema ejet en.)

MOATLEM 22:17

“Nga Jeroselem nâng ngakkatwah, ngale Rangsoamhum nâng rangsoam thuko, ngama thânkhewah,

MOATLEM 22:21

Phumma Teso ma nganâng ngatwah, ‘chhoan o, ngama Jews ledangte heh tânâng ataangnâng chienchhoan e,’ ”

IFISIEN 1:17

ngale nãng Teso Jisu Krista Wa adongthôan Joban ma nenâng ate Ju chenkohhèn ngama rosep ekang, Juma nekhu jet ajien edangthuk hèn, ngale nenâng Joban ekhesok hèn, erohkoba nema ate ejet en.

ROMAN HEHNÂNG POLMA RAANGWAH SITI 11:25

Ngalemruchha heh, Ngama nenâng Joban ngewah toangtang ngin jetthuk hunka, erepumma nedede jet ajien ngama thonghunrii eken kowah ejeksiet hèn. Arepa Isrial mihnyan heh hung arincheh ekapa roantangrãng chehdangmah, rohkomin Jews ledangte heh Joban tânâng roak lânleroh mahû tungkoba elekcheh a.

MOATLEM 23:9

Phumma nyahrãng chaanrakmîn lahma, Farasi hehwah Niemarang hethôte hehma tatwah ngale thinma toanchep lahma ngatwah: “Nima are mihnyan ko chenjô achhih chohkhemih! Linlinjô Juma komin ba Joban ngintatte hehma akomin atenâng lâthô kotah!”

2 KORINT 12:1

Ngarãngma chenjô asenli lehong eka komin, ngama metkep erânthô ang. Rohkomin, ngama thânkhetek le Joban ma nganâng loatkhesok thang heh jôba erângthô ang.

IFISIEN 3:6

Apatritli nginpa dangeka, nginkongsen junma Jews ledangte hehmin Jews heh demnâng roamlahma Joban wah rang johkepmin; thinmin phoangthe kowah tuta jôba, ngale Jisu Krista junma Joban ma toamsem tahko thinmin johroam eka.

IFISIEN 6:19

Ngama nginthôrãng chepko Joban ma Nganâng chenchoh thôkat kohhang ma ngarãngmin rangsoam kohha, erohkoba Ngama lechei thangma nginkongsen kowah patritli nginpa eta jetthukwak ang.

KOLOSIEN 2:2

Ngama arepa thin hungdong rindong danglahma hun achetmîn chenrewak a ngama moekang, erohkoba thinma toangtangma jetlahma senthemthem eta putedâlem wak a. Eroh koba thinma Joban wah patritli nginpa eta jet a, ere patritli nginpa Krista ngin.

KOLOSIEN 4:3

Ngale nirãngmin rangsoam kohhi, erohkoba Joban ma ninâng ate nginkongsen ngale Krista patritli nginkongpa phoangthô kohrãng sanpoat senpa ekohhi. Ngale ere rãng jôba Ngama athângheh phâtek nâng tongekang.

HIBRU 13:22

Ngalemruchha heh, Ngama nehung dôngthukrãng rîn akhah ngin thôkoh ekako nehung môngsiet letma mamjettat en ngama rosep eka; chenrãngma ngako Ngama nenâng are sitiraang ekapa nyahrãng alo nyong dangmah.

1 PITER 5:12

Ngama nenâng are siti athoanchha raang ekapa Silas ma chohsû lahma raangkat eka, Ngama jet Silas pa Kristansen. Ngama nekhu hung dôngsiet huneka, ngale Ngama nenâng arepa Joban mînchenchaan linlin ngama thôkoh huneka. Ere mînchenchaan junko Joban nâng rongtêngtêng putedâlem letma tongen.

2 PITER 3:15

Arepa nehung nâng thien en, nãng Teso ma ate hung môngsiet lahma tongeka pa nãngkhu kho chenmam pe e ngama môngtong eka. Are nginpa nãngma nyahrãng ahun nãng lemruchha Pol nâng Joban ma buthi mongthemsen heh kohjunko atema nenâng siti nâng raangthen.