IFISIEN 2:3 - NIEMNYAN Naga NT (BSI)

³ Linlinko nãngkhumin phangtang thin rãngrãngjô nãng mihnyan nyuchha hei angem hung arinma chenni huneka erejunko songtong lihma dângwah, nãngphoang ngale hung arinma chenni huneka erejunko molihma dângwah. Nãngmin, hei angem junko aphoak mejô mihhan heh rãngrãng Joban rinkhah khenko chêmchohte dângwah.

IFISIEN 2:3 Iomraidhean Croise

MAK MA RAANGWAH NGINKONGSEN 4:19

Phumma mâmâ roandông rãng sekmah patrit, techhu dânghun, ngale lihân jatrup hungwah phôangthônghun pumma Joban nginpa tanghep eka, phumma thinma chhahri hongri mah.

JON MA RAANGWAH NGINKONGSEN 1:13

Thin a mihnyan nyuchha nyong awa hei angem junma chha lahma Joban Chha dâng dangmah; Joban dede thin Wa dâng phumma thin a Joban Chha dangeka.

JON MA RAANGWAH NGINKONGSEN 8:44

Nea newa joakchha, ngale newa ma chenni huneka ere junko kep eken. Rangbâng hahbâng thuma atea mihritphete, ngale atea toangtang lemkhôko chenthumin mathat khoam eka, chenrãngma ngako atenâng toangtang aho. Atema mothô thôekapa, mothô thôtejat dâng phumma thôeka, chenrãngma ngako atea mothô ngale mothô khoanglep heh wa.

MOATLEM 14:16

Khemako atema chentô mihnyan hehnâng mâmâ hungsiko dângthukwah.

ROMAN HEHNÂNG POLMA RAANGWAH SITI 1:24

Ngale erohwah Joban ma ere mihnyan heh thinhung nâng achhih heh thonghun thuk lahma kaamchhih moatrãng thinphe eka, ngale thindede tungko rêsêli kaamchhih heh moeka.

ROMAN HEHNÂNG POLMA RAANGWAH SITI 11:30

Ne Jews ledangte hehma khemako Joban ngin lekepwah; rohkomin athângheh nema Joban wah mînchen lâchohtet, chenrãngma ngako Jews hehma Joban ngin kepmah.

ROMAN HEHNÂNG POLMA RAANGWAH SITI 13:14

Rohkomin Teso Jisu Krista ranlông chhahkhem heh kep e, ngale ne hei angem rinme thukrãng nehung pumma kaamchhih moat huneka hehwah jekre en.

ROMAN HEHNÂNG POLMA RAANGWAH SITI 2:14

Jews ledangte hehnâng Niemarang pa aho; phumma Niemarang ahojô medang akomin, thin hungsima Niemarang ma chieneka ere moatlem heh moeka pejôba thin niemarang rãng dangeka.

ROMAN HEHNÂNG POLMA RAANGWAH SITI 5:10

Nãnga Joban demko ran dângwah, rohkomin ate Chha ritjunma ate lemruchha rãng dangthuk ehi. Ade phumma nãnga Joban lemruchha lâdangtih, erohwah Krista ma ate roandông kohjunko nãngkhu khope eki!

ROMAN HEHNÂNG POLMA RAANGWAH SITI 5:9

Ate hei pumma ade phumma nãnga Joban demnâng toangtang dangthuk ehi; erediko nãnga Joban rinkhah thunwah min Krista junma pe eki!

ROMAN HEHNÂNG POLMA RAANGWAH SITI 6:12

Ne hei angem phoangpa papnâng nekpênthuk en, eroh medang ako nema ne hei angem hungma huneka nginpa kep eken.

ROMAN HEHNÂNG POLMA RAANGWAH SITI 7:18

Ngama jet ngasekkhen ko asenpa aho - erepa nga mihnyan hei angem phoang khenko aho. Chenrãngma ngako asenlipa moatrãng mehun angkomin, ngama erepa tamomek.

ROMAN HEHNÂNG POLMA RAANGWAH SITI 9:22

Ngale ererãngrãng jôba Joban memin moeka. Atema ate rinkhah pa khesokmin huneka, ngale ate chaan pemin jetthuk huneka. Rohkomin ate rinkhah hongeka mihnyan, ngale amahritte mihnyan heh demnâng ate hung nyahrãng mônglorii lahma tongeka.

1 KORINT 4:7

Henma mihhân noma adong dangthuk ehèn a? Nema chentô cheiken heh Joban ma kohwah ledangne? Sen a, eroh medang ako, nema cheiken heh, hînhô ledang rãngrãng chenroh jienrângthô eken a?

2 KORINT 7:1

Ngalemruchha heh, are chentô toamsem ekapa nãngkhu demnâng sem ehi. Erohwah, nãngphoang ngale nãng Ju ngeksietthin chentô hehwah sâpoangpoang danglihma tonge, ngale Joban ran chei lihma sâpoangpoang danglihma songe.

GALATIEN 3:22

Rohkomin Joban nyapraangma ngaeka, hahtokkhoh phangtang pap khennâng thieneka; ngale erohwah, Jisu Krista nâng putedâlem junma kohrãng Joban ma toamsem tahpa, henhenma Jisu Krista nâng putedâlem eka ereheh nâng koheka.

IFISIEN 2:2

Ere sanpoatko nema are hahtokkhoh kowah achhih heh lemkhôko junkhoam letma dângwah; ngale nema hahtokkhoh pênte ju ngin kepletma dângwah, ereju pumma athângheh Joban ngin lekepte mihnyan heh pêneka.

IFISIEN 4:22

Erohwah ne amako chenroh dangtet a ererãngrãng nekdangtu en, amako nang chenroh sôngtông hun eko eroh songtong lohma dângwah - amakowah apãpa hungngek rinngek pumma lâchhihsiet tah.

KOLOSIEN 1:21

Nema achhihli heh thonghun letma kaamchhih moatjunko sanpoat poatthe Joban demwah ataangnâng dângwah, ngale ate ran dangletma dângwah.

1 THISALONIKA 4:13

Lemruchha heh, riichoante mihnyan heh junma toangtang nginpa nenâng jetthuk huneka, erohkoba Joban nâng putedâlem ahote mihnyan heh sekmah patrii eka rãngrãng nea lesekmah patrii edangen.

1 THISALONIKA 5:6

Erohwah, nãnga mihnyan ahan heh rãngrãng lejuplek min; nãngkhua lejuplek thangma met hin dângmin.

1 TIMOTHI 6:9

Rohkomin henhen techhu dânghun eka, ereheh achhih ngenâng jâriieka, ngale benâng mânritwah rãngrãng hung arin nâng rongrup achhihli heh thonghun eka pumma jâsiet lahma chhihsiet eka.

TITAS 3:3

Chenrãngma ngako nãngkhumin poattheko aba, nginlekep, ngale athe dângwah. Ngale nãng hungma rongrup achhih ngale hei angem nâng rinmehun pumma haarãng kepwah. Nãngkhu roandôngpa mihnâng mitchek phetwân lihma dângwah; mihma nãngnâng chhihchoh ngale nãngma thinnâng chhihchoh relihma dângwah.

1 PITER 1:14

Joban nginkepkep dangen, ngale nea aba dângpoatko ne hungma chenroh huntet a ereko ne roandông pa nekdang thuktu en.

2 PITER 2:14

Thinma dihiak dela kaamchhih moatrãng loloba phoanglem eka; thinma papkaam moatpa chenthumin jekmah. Ngale thinma diapphhek chhahla mihnyan heh diapphhek chhah lahma lemke nâng senphe eka. Ngale thin chhahnyoak lolo hethôeka. Erohwah thinma Joban wah chêm echohwak a!

2 PITER 2:18

Thinma sekhota ngin heh jablahma ngam apoarii wakeka, ngale kaamchhih molahma sôngtôngte mihnyan heh chhangwah pechhoanrãng phungte mihnyan heh thin hei angem phoang pumma kaamchhih moeka hehnâng mãnriithuk eka.

1 JON 2:16

Hahtokkhoh thiakpa dangeka are heh - papi mihnyan nyuchha hung arinma huneka heh, mihnyan hehma chenni pa khelahma huneka ereheh, ngale chenni junma are hahtokkhoh wah mihnyan heh ngam apoarii eka ere chhahkhem heh - are heh wanthemin Joban Wa ngewah dangmah; are chentôpa phangtang hahtokkhoh ngewah hongeka.

1 JON 2:8

Rohkomin, athâng hehwah Ngama nenâng raang ekapa hôkum nyan, chenrãngma ngako, ere hôkum kowah toangtang pa Krista nângmin kheki ngale nekhu dede nângmin kheka. Chenrãngma ngako rangnyek pa lienchhoantah, ngale wenphiak linlin pa lâhongphiaktah.