Biblia Todo Logo
Bìoball air-loidhne

- Sanasan -




IFISIEN 1:3 - NIEMNYAN Naga NT (BSI)

3 Joban ngale nãng Teso Jisu Krista Wa nâng dangkoh a ngae! Chenrãngma ngako Krista junma rangkhethung nâng atema nãngnâng rang kohehi.

Faic an caibideil Dèan lethbhreac




IFISIEN 1:3
39 Iomraidhean Croise  

Simon ma naachha pa ate dekko pelahma Joban nâng dangkoh a ngatwah:


Chenthu ere rangwo pa mehû theko, nema nga a Ewa demnâng ngale nea nga demnâng, erediko Ngamin nedemnâng dangekang pa ejet en.


Thinkhu phangtang wantherãng chendanga ngama soam ekang. Wa! thinmin nãngdemnâng chendanghi, chenroh nga nangnâng ngale nang nganâng dangeki rãngrãng thinmin wanthe chendanga. Eroh koba hahtokkhoh mihnyan nyuchha ma nga a nangma chienkatwah ngama eputedâlem hang.


Jisu ma atenâng ngatwah, “Nganâng neksahlo hang,” “Chenrãngma ngako, Nga a Ewa tânâng mangak wãngekang. Rohkomin wãnglohma nganaa hehnâng thôkoh, nga a Ewa, ngale thin Wa min danga, erediko nga Joban, ngale thin Joban min danga, ate tânâng ngakwãng ekang.”


Ererãngrãng, nãngmin ajahjô medang ekomin, Krista junko nãnga phoangthe, ngale phoang wantheko mâmâ jatjat sek asa roam eka rãngrãng nãngmin wathema watheko roam eki.


erohkoba nekhu phangtang aroamma thunthe dangletma nãngkhu Teso Jisu Krista Wa Joban nâng etarô en.


Rohkomin Joban ma Jisu Krista demnâng lâroamsiet huthen, ngale Joban ma Krista pa nãng buthi mongthem rãng hôaneka. Krista junma jôba nãnga Joban demnâng toangtang dangeki; ngale nãnga Joban nâng putedâlemte mihnyan Asâ lâdangtih ngale lâpepângthi.


Krista pa phoang wanthe ko mâmâ jatjat mit adek, phhek anâ tongeka rãngrãng; phoang wanthe ko mâmâ jatjat mit adek, phhek anâjô, medang akomin phoangpa wathe jôba.


Nãng Teso Jisu Krista Wa Joban nâng dangkoh a ngae, nãngnâng nyahrãng mînchênte Wa, ngale nãngnâng chentô nâng chohsokte Joban nâng dangkoh a ngae!


Joban ngale nãng Teso Jisu Wa - ate mînpa roantang roanjêng rãngma rângthôe! - Joban ma ajet ngama mothôthô dangmek.


Hen akomin Krista demnâng dangeka atea anyan lâdangtah; apã pa chhoantah, anyan pa lâhûtha.


Krista nâng pap aho dângwah, rohkomin Joban ma atea nãng pap demko johroam thukeka, erepa nãngmin ate demnâng johroam lihma Joban toangtang pa tachoh eki.


Abraham ma Joban nâng putedâlemdi Joban ma atenâng rangkoh wah; erohwah, putedâlemte chentôma Abraham ma rangkeptah rãngrãng kepmin.


Ere themawa ekapa Joban ma sanpoat methang tahko emoa, erepa rangkhethung ngale hahtokkhoh wah atema tem atiak tahheh Krista khhepho khenko phangtang aroamma eroapsiet hûa.


ngale nãng Teso Jisu Krista Wa adongthôan Joban ma nenâng ate Ju chenkohhèn ngama rosep ekang, Juma nekhu jet ajien edangthuk hèn, ngale nenâng Joban ekhesok hèn, erohkoba nema ate ejet en.


ere chaanpa Joban ma Krista ritwah ngaksatsiet lahma rangkhethung nâng ate dekchah ngeko tôngwâng thukrãng keptah chaanpa jôba.


Nãnga Jisu Krista demnâng aroamma dângjunko Joban ma Krista demnâng rangkhethung nâng aroamma pênrãng johngak hinsiet ehi.


Joban ma thonghun ekapa rangkhethung wah chentô pênte ngale chaan ahang kepte hehma athâng hehwah Asâthem heh junma ate ngewah jatrup buthi mongthem pa chenhea ngama thonghun eka.


Chenrãngma ngako nãnga mihnyan nyuchha demnâng loatmîn dangmih, rohkomin, are rangnyek hahtokkhoh kowah pênte, thôte jabte, hang achaan heh, erediko rangkhethung wah juchhih heh demnâng loatmîn eki.


ngale chentôma Jisu Krista pa Teso ngama eloatjab a, eko Joban Wa mînpa dongsiet erewak a.


Thinma soam aroakte moatlem moeka pa rangkhethung nâng chenni moeka ere moatlem heh dâpha loloba moeka. Arepa Mosa demnâng chenroh dangtah a ererãngrãng jôba dangeka. Chenthu atema rangsoam thin The hôanrãng phûngko, Joban ma atenâng thôkoh wah, “Chentôpa nangnâng hahkongkho ko chenroh hôanrãng khesoktih a ererãngrãng hôan o.”


Ere chentôpa rangkhethung wah alinlin heh rãngrãng jôba, ngale eroh jôba sâsietmin. Rohkomin rangkhethung wah heh erenoma abâmbâm asen ma sâsiet eka.


Nãng Wa Joban ngale nãng Teso Jisu Krista nâng dangkoh a ngae! Chenrãngma ngako, atema nãngkhu nâng nyahrãng mînchen junko atema Jisu Krista ritwah ngakhinsiet lahma nãngkhu nâng roandông nyan kohehi. Ere pumma nãngkhu hungnâng ahîn dâlem kohehi,


Lean sinn:

Sanasan


Sanasan