IFISIEN 1:1 - NIEMNYAN Naga NT (BSI)

¹ Joban hungsi junko Jisu Krista moattat chhoante Pol ngewah- Ifisus wah Joban nâng putedâlemte, ngale Jisu Krista demnâng aroamma danglahma thin roandôngko toangtangma dângte hehnâng raangeka:

IFISIEN 1:1 Iomraidhean Croise

LUK MA RAANGWAH NGINKONGSEN 16:10

Henhen-ma amãnchha pa senthemthem toangtangma jiensem eka erepumma ajah pemin toangtangma ejiensem a; Henhenma amãnchha pa toangtangma lejiensem dangeka erehehma ajah pemin toangtangma lejien semmin.

MOATLEM 16:15

Atema ngale ate hum wah mihnyan hehma baptijem kepdiko, Lidia ma ate humnâng ni roowah, “Nema nganâng linlin Teso nâng putedâlemte ngama methonghun theko nga humnâng tongwãngren.” Ngale thinhumnâng wângrãng atema ninâng roatsep wah.

MOATLEM 18:19

Thin Ifisus nâng hokdiko, Pol ma Prisila le Akuila nii Ifisus nâng phethien lahma chhoanwah. Phumma ate Sanagog nâng kalahma Jews heh demnâng thômîn katwah.

MOATLEM 18:21

Atema chhoan nemma thinnâng thôthien kohwah, “Joban hungsi medang ako, nga nekhu tânâng engak hûrâng.” Ngale erediko ate Ifisus wah jogari ma chhoanwah.

MOATLEM 9:13

Ananias ma dânthâng wah, “Teso, ajahthem mihnyan ma are mihnyan junma nganâng thôkoh thang, ngale atema Jeroselem wah nang mihnyan hehnâng chenroh cheili chêmsiet eka erehehmin thôkohthang.

ROMAN HEHNÂNG POLMA RAANGWAH SITI 1:1

Jisu Krista haa ngale Joban ma ate nginkongsen phoangthô rãng rênwah moattat chhoante, Pol ma raangeka.

ROMAN HEHNÂNG POLMA RAANGWAH SITI 1:7

Ngale erohwah Ngama Rom wah sôngte nekhu chentô nâng raangeka, nekhu nâng Joban ma hun ehèn ngale atedede mihnyan dângrãng rooehèn: Nãng Wa Joban ngale nãng Teso Jisu Krista ma nenâng mînchenchaan ngale mêmo chenkohhèn.

ROMAN HEHNÂNG POLMA RAANGWAH SITI 8:1

Erohwah, ade phumma hen Jisu Krista demnâng dangeka ereheh nâng achhih lenga tumin.

1 KORINT 4:12

Ngale Nidede dekma latrii lihma moatchhahwah. Chenthu ninâng têm athoakko, nima thinnâng rangkoh eki; Chenthu ninâng chêmsietko, nima chêmpa tathaeki;

1 KORINT 4:17

Erohwah, ngama nekhu tânâng Kristan roandôngko ngachha linlin rãngrãng hôan lekma nyahrãng putedâlem ekang Timothi chienkat erang. Ngama Jisu Krista demnâng roam lekma nga roandông anyan dang lekma chenroh moekanga, ngale chentô thewah Asâthem hehnâng phoang hethô ekang niemarang heh atema nenâng ethôkohhèn.

2 KORINT 1:1

Joban hungsi junko Jisu Krista moattat chhoante Pol, ngale nãngnaa Timothi ma ngewah- Joban nâng putedâlemte Korint wah Asâthem, ngale Akaia diakwah chentô Joban nâng putedâlemte mihnyan hehnâng raangeka:

GALATIEN 1:1

Arepa moattat chhoante Pol ngewah raangeka, Nga moattat chhoante rãng mihnyan nyuchha ma roowah dangmah, ngale mihnyan nyuchha hung junmemin dangmah, erepa Jisu Krista ngale Joban Wa, Jisu Krista ritwah ngakhînsiette pumma roowah.

GALATIEN 3:26

Putedâlem junma Krista demnâng roamletma nekhu phangtang Joban Chharãng dangeken.

GALATIEN 3:28

Erohwah Jews le Jews ledangte hehnâng mâmâ jatjat ahotu, haa le haa ledangte heh tungnângmin mâmâ jatjat ahotu, dihiak dela tungnângmin ahotu; nekhu phangtang Jisu Krista demnâng roamletma wathe lâdangtet.

GALATIEN 3:9

Abraham ma Joban nâng putedâlemdi Joban ma atenâng rangkoh wah; erohwah, putedâlemte chentôma Abraham ma rangkeptah rãngrãng kepmin.

IFISIEN 1:15

Are junko, chenthuma nema Teso Jisu nâng putedâlem letma, ngale chentô Joban nâng putedâlemte mihnyan hehnâng hun achhâ letma chohtat tekwah,

IFISIEN 2:10

Nãng chenroh dangekia erepa Joban ma hôanehi, ngale atema nãngmin Jisu Krista demko moatlemsen heh moatrãng hôanehi, ere moatlem heh nãngma moatrãng atema lâkhoakhem kohthi.

IFISIEN 2:13

Rohkomin, ade phumma, Jisu Krista demnâng aroamma dangletma amako Joban demwah ataangnâng dangtet pa, ade phumma Krista hei junma Joban tâko lânamsiet hûthen.

IFISIEN 2:6

Nãnga Jisu Krista demnâng aroamma dângjunko Joban ma Krista demnâng rangkhethung nâng aroamma pênrãng johngak hinsiet ehi.

IFISIEN 6:21

Nãngma nyahrãng huneki nãngnaa ngale Teso moatlem nâng nyahrãng hungkoh lahma haa rãngrãng danglahma moatte Tikikas ma ngangin heh phangtang nenâng ethôkoh hèn, erohkoba ngama chenni moaka ekanga ereheh nema ejet en.

KOLOSIEN 1:2

Kolosien hahwah Joban nâng putedâlemte mihnyan, ngale Krista mînko toangtang lemruchha hehnâng raangeka: Nãng Wa Joban ma nekhu nâng ate mînchenchaan ngale mêmo chenkohhèn.

LOATKHESOK 17:14

Thin Saakchha demnâng eloatmîn a; rohkomin Saakchha pumma atema aren reka mihnyan, ngale senthemthem putedâlem lahma ate dijunte mihnyan heh demnâng roamlahma thinma ejien a, chenrãngma ngako, atea teso hehwahmin Teso dongthôan, ngale lowang hehwah min Lowang dongthôan.”

LOATKHESOK 2:10

Nema chenni chêmcheijô mechoh enkomin nekchei en. Tattan en! Juchhih ma nekhuwah wawathe pa phâtek nâng khhek lahma hung ethaktoan hèn, ngale phumma ne chêm pa jâechhi rãngba eta lekchêm en. Nea lânrii rohjô mechêm enkomin, Nganâng senthemthem putedâlemha, ngale erohkoba Ngama nenâng ajien thãpa roandông ekoh a.

LOATKHESOK 2:13

Ngama nekhu chenko songtong eken a ereheh ajet, phumma eretheko joak tôngthinmin tonga. Nekhua Nga demnâng toangtang dangeken, ngale Joak tongeka theko Nganâng senthemthem putedâlem lahma Ngangin phoangthôte Antipas ritphe komin nema Nganâng putedâlem pa jekmahtha.