HIBRU 8:8 - NIEMNYAN Naga NT (BSI)

⁸ Rohkomin Joban ma ate mihnyan heh achhih khelahma thinnâng ngaeka, “Teso ma ngaeka, sanpoat pa lâhûera, Ngama Isrial mihnyan ngale Juda wah mihnyan heh demnâng toamnyan esem ang.

HIBRU 8:8 Iomraidhean Croise

MATHIU 26:28

“arepa ngahei, areko Joban wah toamsemwin, ngahei pa ajahthem mihnyan heh pap mapkoh rãng hongeka.

MAK MA RAANGWAH NGINKONGSEN 14:24

Jisu ma ngatwah, “Arepa ngahei, ajahthem mihnyan hehrãng hongeka, are ngahei demko Joban toamsem pa tonga.

LUK MA RAANGWAH NGINKONGSEN 17:22

Erediko atema dijunte hehnâng ngatwah, “Nema Mihnyan Chha sanpoat kowah rangwo hehwah wothe komin chohkhe lihmele ngama hun rangkuh ehûra, rohkomin nema ere rangwopa leta chohkhemin.

LUK MA RAANGWAH NGINKONGSEN 22:20

Ererãngrãngjô, rangjâ phhekchhah chhah diko atema aroh ngalahma thinnâng bâti kohwah, “Are bâti kowah ngahei demko Joban wah toamnyan semlahma tonga, are ngahei pa nekhurãng hongeka.

LUK MA RAANGWAH NGINKONGSEN 5:38

Erenoma, angurti anyan pa thònyan ko kienmin!

1 KORINT 11:25

Ererãngrãngjô, thinma rangjâ phhekchhah tâchhah diko, atema bâti toansem lahma ngatwah, “Are bâti kowah hei demko Joban ma toamnyan sem eka. Chenthu nema arepa jokko, nganâng thonghun letma jok en.”

2 KORINT 3:6

Atema jôba dekma raangwah ledang, Juma raangwah toamsem nyan haa tâdângrãng ninâng chaankoh ehi. Dekma raangwah niemarang pumma arit kephûera, rohkomin Juma roandông kohehi.

HIBRU 12:24

Nea Joban le mihnyan tungko toamsem anyan hôante Jisu tânâng hûeren, ngale Abel hei pumma hongjabtah noma atewah hongeka hei pumma bâmbâm asen hôngjabte tânâng hûeren.

HIBRU 7:22

Erohwah, Jisu junma Joban ma toamsêm pa linlin asen dangeki.

HIBRU 8:13

Toamnyan sêm junma jablahma, Joban ma khebengwah pa apã rãng hôaneka; ngale chenni akomin mepãjâ tahko ba mechienjâ tahko lemlienma emahjâa.

HIBRU 8:6

Rohkomin ade phumma, chenroh atema Joban le atenâng putedâlemte ate mihnyan heh tungko toamsêm pa asen hôaneka ererãngrãng, Jisu nâng thin noma adong soam aroakte moatlempa koheka, chenrãngma ngako, erepa asen dângrãng toamsem eka.

HIBRU 9:15

Ere junkowah Krista ma toamsêm nyan pa hongsiet eka, erohwah henhen Joban ma rooeka, erehehma Joban ma toamsem tah roantang roanjêng rangpa ekepwak a. Arepa aroh tadanga, chenrãngma ngako, amawah toamsem tah junko mihnyan hehma kaamchhih molahma pap dangtah kowah Krista riilahma pesiet eka.