HIBRU 8:5 - NIEMNYAN Naga NT (BSI)

⁵ Thinma soam aroakte moatlem moeka pa rangkhethung nâng chenni moeka ere moatlem heh dâpha loloba moeka. Arepa Mosa demnâng chenroh dangtah a ererãngrãng jôba dangeka. Chenthu atema rangsoam thin The hôanrãng phûngko, Joban ma atenâng thôkoh wah, “Chentôpa nangnâng hahkongkho ko chenroh hôanrãng khesoktih a ererãngrãng hôan o.”

HIBRU 8:5 Iomraidhean Croise

MATHIU 2:12

Metmãngnâng Hirot tânâng nekngak wãngen ngama Joban ma ngatjunko, thin diaknâng lemhanma ngakwâng wakwah.

MOATLEM 7:44

“Nãngte nãngwa heh sehahkho nâng dângpoatko thinnâng Joban tôngthin Tembu hum Asâthôan pa dângwah. Erepa Joban ma Mosa nâng chenroh thôkotah a, ngale chenroh khesoktah a ererãngrãng hôanwah.

KOLOSIEN 2:17

Are chentôpa khediko chenni dângwâng min a ere dâpha peba khesok eka; Krista ba alinlin pa.

HIBRU 10:1

Jews heh Niemarang pa alinlin pa dangmah; erepa khedi kowah hokmin alinlin asen ere moangba. Phumma Niemarang junko mãnthethin pa roantang roanjêngma rangpâ roakweih joapsoap wakeka. Eroh medang ako, aroh joapsoap junko Niemarang pumma Joban tânâng hokte mihnyan heh chenroh jiensên sietmin a?

HIBRU 11:7

Putedâlem junma Noa ma atenâng Joban ma khedi wah dângwâng ngin thôkotah heh ate mitma lekhejô medang akomin Noa ma putedâlem wah. Atema Joban ngin keplahma Noa ma khôankho hôanwah, ere khôankhoko ate ngale ate humte tangkâ heh pewah. Phumma hahtokkhoh pa chhihsiet rewah, rohkomin, putedâlem junma Noa nâng Joban ma toangtang thôan ngatwah.

HIBRU 12:25

Erohwah jetletma dangen, ngale ere hôngjabte ngin letat nekdangen. Henhenma rangkhethung wah Joban ngin are hahtokkhoh ko thôkohte heh nginlekep dangeka ere mihnyan heh henmin leta pemin. Eroh medang ako, nãngma rangkhethung ma hahtokkhoh ko jabkatte ngin lekep medang eko chenroh jienpemin a!

HIBRU 13:10

Jews heh rangsoam thin kowah moatte soam aroakte hehma chaamkhoh kowah joapsoap eka heh chenjô leta phhekchhah min.

HIBRU 9:9

Are pumma thenep thejâwah sanpoat hehnâng thakthô eka. Are ngaeka pa soam aroak ngale ngem angah ma Joban nâng joapsoap junma rangsoamte mihnyan hung arin heh sensietmah,

LOATKHESOK 15:5

Erediko Ngama rangkhethung wah Rangsoamhum pa laang lahma khewênwah, ngale erekhenko Rangsoam the Asâthôan pemin dângwah.