HIBRU 5:1 - NIEMNYAN Naga NT (BSI)

¹ Chentô soam aroakte adongthôan pa mihnyan hehma thinlemru hehwah ren eka, ngale thin mînko Joban nâng soamtô, ngale joapsoap, erediko paprãngma joapsoap thuk eka.

HIBRU 5:1 Iomraidhean Croise

ROMAN HEHNÂNG POLMA RAANGWAH SITI 15:17

Erohwah, Jisu Krista demnâng roam lekma, Ngama Joban moatlem moekang pa rângthô ekang.

1 KORINT 15:3

Ngama nyahrãng alemli thôan ngin chohtat tekpa nenâng dienthôkoh eka: Joban nyapraang nâng raangeka rãngrãng, Krista nãngkhu paprãngma ritwah;

HIBRU 10:11

Chentô Jews soam aroakte hehma rangwo roakweih soam aroak eka, ngale thinma mãnthethin pa butbut joapsoap eka; rohkomin are joapsoap eka pumma chenthumin pap tasâsiet mah.

HIBRU 10:12

Phumma Krista ma paprãng ditthe lolo ate roandông kohtahpa roantang roangjêng rãng lâletah, ngale erediko atea Joban dekchahko tongwãng eka.

HIBRU 11:4

Putedâlem junma Joban nâng Abel ma Ken noma asen joapsoap wah. Ngale ate putedâlem junma Joban ma atenâng toangtang ngatwah, chenrãngma ngako, atema Joban nâng hînhô kohtah pa Joban ma asen ngatwah. Atea riichoan medang akomin, ate putedâlem junma Abel ma athâng hehmin jabeka.

HIBRU 2:17

Erohwah, Joban nâng soamtô lemkhôko thinma nyahrãng putedâlemli ngale thinnâng nyahrãng mînchênte Soam aroakte dongthôan dângrãngma rongrup ngenâng atea ate mihnyan heh rãngrãng dangeka, ngale ere junko mihnyan nyuchha heh pappa mapkoh eka.

HIBRU 7:27

Atea ahân soam aroakte adong heh rãngrãng dangmah; atema rangwo roakweih khebengko atedede paprãng bengjoap dikoba mihheh rãngma joapsoapkoh dangmah. Atema chenthu atedede roandông kohlahma rekthe joapsoaptah, ere rekthe joapsoap tahpa roantang roangjêng rãng joapsoap eka.

HIBRU 8:3

Chentô soam aroakte adong heh Joban nâng chhahkoh ngale ngem ngah ma joapsoap thukeka, ngale erohwah nãngrãngma soam aroakte adongthôan pummemin chenni akomin kohmin.

HIBRU 8:4

Atea are hahtokkhoh nâng dâng ngako soam aroakte ledang minwah, chenrãngma ngako Jews heh Niemarang junko Joban nâng hînhô kohlahma soam aroakte jat heh tonga.

HIBRU 9:9

Are pumma thenep thejâwah sanpoat hehnâng thakthô eka. Are ngaeka pa soam aroak ngale ngem angah ma Joban nâng joapsoap junma rangsoamte mihnyan hung arin heh sensietmah,