HIBRU 4:2 - NIEMNYAN Naga NT (BSI)

² Chenrãngma ngako, thinma chohtattah rãngrãng jôba nãngmemin Nginkongsen pa chohtat eki. Rohkomin thinma nginkongsen pa mechohtat akomin, erepa thinrãng sekhota dângwah, chenrãngma ngako, chenthu thinma erengin pa chohtatko, erepa thinma putedâlem nungma kepmah.

HIBRU 4:2 Iomraidhean Croise

MOATLEM 13:46

Rohkomin Pol le Barnabas niima lechei thangma jêngjah jâhthô thôkoh wah: “Khebeng thôanko Joban jabkhab pa nenâng bengthôkoh pa alemthôan dângwah. Rohkomin nema erepa lekep dâng phumma, ngale roantang roanjêng roandông lehun dâng phumma, nima nenâng lethôkoh thangma Jews ledangte hehnâng thôhûkoh eki.

MOATLEM 3:26

Phumma Joban ma ate Haa pa renlahma khebengko netânâng chienkatwah, erepa nekhu anga nga kaamchhih moatwah ngaksietrãng chienkatwah.”

ROMAN HEHNÂNG POLMA RAANGWAH SITI 2:25

Nema Niemarang pa mekep enko, khoankhen niem hôan ekenpa mahto ledangmin; rohkomin nema Niemarang pa lekep medang enko, nea chenthujô khoankhen niem mathat hôanwah rãngrãng jôba edangen.

ROMAN HEHNÂNG POLMA RAANGWAH SITI 3:3

Rohkomin khakama toangtangma leputedâlem rãngma chenni dângmin a? Erejunko Joban ma toamhoan tahpa toangtang ledangmin ne?

1 KORINT 13:3

Ngama nga ngewah chhahkhem heh phangtang mihnâng metakoh angkomin, ngale ngaphoangmin wennâng meta rokthhekthuk angkomin - nganâng hun achet aho medang hangko, erepemin ngarãngma sekhota.

GALATIEN 3:2

Nganâng are khapthe nginpa thôkoh tanha: Nema Joban Jupa Niemarang junko moletma chohtet ale, Nginkongsen pa chohtat letma ereko putedâlem phumma chohtet a?

GALATIEN 3:8

Joban ma Jews ledangte heh ate demnâng putedâlem junko toangtang dângthukmin ngama Joban nyapraangma amathuma thôwah. Ngale Joban nyapraang pumma Abraham nâng Nginkongsen pa thôkoh wah: “Nang junma Joban ma chentô mihnyan nyuchha hehnâng rangkohmin ngama ngatwah.”

GALATIEN 4:13

Ngama nekhu nâng nginkongsen pa chenrãngma khebengrãng thôhûkoh eka erepa thonghuntan en; arepa nga khun dângwah dângjunko.

1 THISALONIKA 1:5

Chenrãngma ngako nima nenâng Nginkongsen pa jabkhab melolo ledang, ere toangtang nginpa senthemthem lepjet lihma Joban chaan ngale Asâthôanju demnâng kephû koheka. Ni nedemnâng dângpoatko chenroh dangtih a erepa nemajet; erepa nekhurãng sênrãngma moatwah.

1 THISALONIKA 2:13

Ngale lihân junmemin nima Joban nâng roantangma dangkoh a ngaeki. Erepa chenthu nima nenâng Joban nginpa kephok kohko, nema erepa tatletma mihnyan nyuchha ngin ngama ledang alinlin Joban nginkong ngama kep eken. Chenrãngma ngako Joban nâng putedâlemte hehnâng Joban Juma moeka.

1 TIMOTHI 4:8

Phoang nâng trening keppa phoang rãngma asen, phumma Junâng trening mekep eko erepa chentô rãngma asen, chenrãngma ngako, Junâng trening keppa athângwah roandông komin ngale khediwah roandông komin nãngma rangkepmin.

HIBRU 11:6

Henmemin putedâlem aho thangma Joban rin leta methukmin, chenrãngma ngako, henhen Joban tânâng hûeka erehehma Joban pa tonga, ngale ate lêmte hehnâng Joban ma thã kohmin ngama putedâlem min.

HIBRU 3:12

Ngalemruchha heh, jetletma dangen, ahîn Joban tâwah lânngak chhoanroh hen hungmin nekchhih en ngale eretô leputedâlem nekdangen.

HIBRU 4:6

Henhenma Nginkongsen pa khebeng thôan chohtattah a ere mihnyan hehma boanjek pa chohmah, chenrãngma ngako, thinma putedâlem mah. Rohkomin, ere boanjek pa ahan hehnâng chohthuk eka.

JEMS 1:21

Eroh-wah chentô jatchhih patkhah ngale chentô kaamchhih hehwah ajekre en. Ngale numnene dangletma nehung nâng Joban ma ate jabkhab khietkoh ehènpa kepen, ere jabkhab pumma nekho eta pesiet hèn.

1 PITER 1:12

Joban ma ere mõng hehnâng thin moatlem pa thindede wokphoatrãng dangmah ngama loatjetthuk eka, rohkomin thinma nekhurãng moatwah, ngale rangkhethung wah chienkat era Asâthôanju chaan junma Nginkongsen phoangthôte mihnyan hehwah nema athângheh chohtat eken ngin heh thinma nekhurãng jabeka. Are heh rangkhethung wah Joban ngintatte hehmemin jet huneka.