HIBRU 4:12 - NIEMNYAN Naga NT (BSI)

¹² Joban jabkhab pa ahîn ngale achaan, ronghû rongka anah dãng nomemin anah. Ere pumma chentôpa thahdoak eka, Jule moang niimin taphandoak eka, ngale rokchî rãchîmin taphandoak eka. Ngale erepumma mihnyan hung khenwah thonghun eka hehmin lienjet eka.

HIBRU 4:12 Iomraidhean Croise

LUK MA RAANGWAH NGINKONGSEN 8:11

“Nginthakthô pumma aroh ngaeka: chhahli pa Joban ngin:

JON MA RAANGWAH NGINKONGSEN 12:48

Henhenma nganâng lepute dâlemte ngale nga nginlekep dangeka ereheh nâng achhih ngate tonga. Ngama jabekang jabkhab pumma athôan jâko thinnâng achhih engawak a!

JON MA RAANGWAH NGINKONGSEN 6:51

Nga rangkhethung wah katte ahin roandông phhekchhah. Henma komin are phhekchhah kowah chhah eka erepa roantang roangjêng rãng hînmin. Ngama atenâng kohmin phhekchhah pa nga phoangpa, ngama erekoh ekangpa hahtokkhoh wah mihnyan heh ahînma tongrãngkoh ekang.”

MOATLEM 2:37

Chenthu mihnyan hehma arepa tatphumma, thinhung nâng nyahrãng keklahma Piter le moattat chhoante hehnâng ngatwah, “Pho anaa heh nima chenni rêmin a?”

MOATLEM 4:31

Chenthu thin rangsoam diko, thin tongtah thepa aphông rewah. Thin phangtangma Asâthôanju chohlahma chenranjô lechei thangma Joban ngin phoangthôwah.

MOATLEM 5:33

Chenthu ngoang awang hehma erengin heh tatphumma, thin nyahrãng rinkhah wah, ngale moattat chhoante hehmin ritphe rãng hunwah.

MOATLEM 7:38

Ate sehahkho nâng Isrial mihnyan heh khôan komin johkhôanwah; atea nãngte nãngwa heh demnâng min johdângwah, ngale Sinai Hahkong khonâng rangwah Joban ngintatte ma atenâng thôkoh poatkomin dângwah; ngale atema nãngnâng dienthôkoh rãng Joban wah ahîn nginkongpa chohthâwah.

ROMAN HEHNÂNG POLMA RAANGWAH SITI 1:16

Ngama Nginkongsen ko nyahrãng dâlem ekang; arepa chentô putedâlemte heh pepâng thin Joban chaan, khebengko Jews heh ngale Jews ledangte hehmin.

1 KORINT 1:24

rohkomin henhen Joban ma rooeka, Jews dangkolah ngale Jews ledangte heh dangkolah, arepa Krista nginkong, ngale atea Joban chaan ngale Joban buthi mongthem.

2 KORINT 2:17

Nia mihhan heh rãngrãng Joban nginpa ni tongsek rãngma thãnien nâng phoangseng chhahte dangmih; rohkomin nia Joban ma chienchhoan ehi, erohwah nia Krista haarãng danglihma Joban mathahko toangtangma thôeki.

2 KORINT 4:2

Nima chentô moatlem chhih ngale rêsê thângli moatlem heh achhih ngama lâphetih; nima mothô khoanglep danglihma momih, ngale nima Joban jabkhab pemin mothôrãng litsiet lihma thômih. Joban demnâng ate wenphiakko toangtangma songtong lihma anga nga hung arin junko asen tuta chenta dange ngama thonghun lihma moeki.

IFISIEN 5:13

Ngale chenthu areheh phangtang wenphiak nâng meloat sietkat thakoba, thin linlin jat apat pa senthemthem ekhe e;

IFISIEN 5:26

Krista ma Asâthem heh ate jabkhab pumma sâsiet ngale erediko joma sâsoan lahma Joban nâng koh eka,

IFISIEN 6:17

Ngale Khope pa jankhophok rãngrãng phok en, ngale Juma koh ehèn Joban Jabkhab pa deng rãngrãng kepen.

1 THISALONIKA 2:13

Ngale lihân junmemin nima Joban nâng roantangma dangkoh a ngaeki. Erepa chenthu nima nenâng Joban nginpa kephok kohko, nema erepa tatletma mihnyan nyuchha ngin ngama ledang alinlin Joban nginkong ngama kep eken. Chenrãngma ngako Joban nâng putedâlemte hehnâng Joban Juma moeka.

1 THISALONIKA 5:23

Nãngnâng mêmo kohte Joban pumma nekhumin chentô nâng sâpoangpoang chendang thukhèn, ngale nãng Teso Jisu Krista ngakkat jâko nekhu - Ju amoang, hung arin, ngale phoang aroang heh phangtang - chennijô ngek atek ngale theabe aho chendang thukhèn.

HIBRU 13:7

Amawah nenâng Joban nginkong thôkohte khhepho phannang heh thonghuntan en. Thin chenroh songtong lahma riitah a ereheh ngakthonghun tan en, ngale thin putedâlem rãngrãng dangen.

HIBRU 6:5

Thinma Joban jabkhab pa asen ngamemin lâjettah, ngale thinma ahokmin sanpoat kowah Joban chaan pemin jet eka.

JEMS 1:18

Ate hung junma ngale ate toangtang jabkhab junma nãngkhu nâng roandông kohehi, erohwah atema chentô tem atiektah hehwah nãngma khebeng thôan thepa choheki.

1 PITER 1:23

Chenrãng-ma ngako, roantang roanjêng ahîn Joban Jabkhab junma ne chenthujô leriite nyong awa chha rãngrãng lâthe ngakchhathen, aritte nyong awa rãngrãng heh chha rãngrãng dangtumet.

LOATKHESOK 1:16

Ate dekchahko merit wanengit dângwah, ngale ate thunka wah ronghu rongka dãngnah loatkatwah. Ngale ate thhenphãng pa rangngih mongwah san chaanphiak rãngrãng dângwah.

LOATKHESOK 19:15

Ate thunkâ kowah deng nahmõang hôngkatwah, ere deng pumma atema chentô diak akan heh jieneka. Atema thin khohko janke semlahma epên a, ngale khemkoakthin koannâng angur khihlitwah rãngrãng Adongthôan Joban nyahrãng rinkhah thunko ekhihsiet a.

LOATKHESOK 19:21

Thin sipâhi heh Mokkhoh kowah chhangte thunka kowah loatka era deng pumma ritdoakwah; ngale chentô wo hehma chentô taphhek eka eretô thinmang heh phhekwah.

LOATKHESOK 2:16

Athângheh ne papwah hungngaklit en! Nehung lengaklit kenko, Nga netânâng sitsiak ekarâng, ngale Nga thunka wah hongkaera dengpa keplekma ere mihnyan heh demnâng eloatmîn karâng.

LOATKHESOK 2:23

Ngama ate dijunte hehmin eritphe ang, ngale eredikoba chentô Asâthem hehma Nga a anga nga hung arin khenwah thonghun eka heh lepjette ngama ejet hang. Ngama nekhu anga nganâng henma chenroh motet a erejunko thã engakkoh a.

LOATKHESOK 20:4

Erediko Ngama tôngthin heh khewah, ngale tôngthinko tôngte mihnyan hehnâng arên rãng chaan kohwah. Eredikomin Jisu ma loatsiettah toangtang ngin phoangthôte mihnyan ngale Joban jabkhab phoangthôte mihnyan ritphetah Ju hehmin khetek. Thinma ngemchhih ngale ate moang hehnâng soamtô mah, ngale thinma thin kheng nâng ngale dek hehnâng ngemchhih nemboat hehmin tungmah. Thin ngakhin lahma Krista demnâng Lowang rãngrãng danglahma hahjatthe rangpâ pên eka.