HIBRU 3:6 - NIEMNYAN Naga NT (BSI)

⁶ Rohkomin Joban humko Krista ma Chha danglahma senthemthem putedâlem lahma moeka. Erohwah, nãngma chenni nâng khalihma putedâlem ekia ererãngma nãnghung dongdong, ngale senthemthem putedâlem lihma metong eko nãnga ate hum.

HIBRU 3:6 Iomraidhean Croise

MATHIU 10:22

Anga ngama ngajunma nenâng emitchek hèn. Rohkomin henhen pa athôan kotuk dâlemsen lektong eka ere hehba khope min.

MATHIU 16:18

Ngale piter, ngama nangnâng thôkoh eki: “nanga longrã, are longrã khohko ngama nga Asâthem pa ehoan ang, ngale arepa ritchaan memin leta jienmin.

MATHIU 24:13

Phumma henhen athôankotuk rongtêngtêng putedâlem eka ereheh meba khope chohmin.

ROMAN HEHNÂNG POLMA RAANGWAH SITI 11:22

Are junko nãngma Joban pa nyahrãng mînchênte ngale nyahrãng rinkhahchaan ngama khe eki. Atea achhih nâng jâritte heh demnâng nyahrãng rinkhah lahma kheki, rohkomin nenâng mînchen ehèn - roantangma ate mînchen demkojû metong enko. Rohkomin ate mînchen demko ledang medang enko, nemin echhihjâ en.

ROMAN HEHNÂNG POLMA RAANGWAH SITI 12:12

Nema dâlem eken pumma khuhah nâhah chendangthuk hèn, chêmpoat komin hungmôngsiet letma tongen, ngale sanpoat roakweih rangsoam letma tongen.

ROMAN HEHNÂNG POLMA RAANGWAH SITI 15:13

Dâlem kohte Joban pumma khuhah nâhah chendangthuk hen ngale nema atenâng putedâlem junko mêmo chendangthuk hèn, erohkoba nema thonghun letma dâlem ekenpa Asâthôanju chaanma jêngdong dongwãng erea.

ROMAN HEHNÂNG POLMA RAANGWAH SITI 5:2

Atema putedâlem junko nãngnâng are Joban mînchenchaan pa kephukoh ehi, ngale athângheh nãnga ere khohko hin eki. Ngale erohwah nima rângthôeki nãngmin Joban mîndôngko ejohroam e ngama dâlem eki!

1 KORINT 3:16

Linlin nemajet, nea Joban rangsoamhum ngale Joban Jupa nekhen nâng tongeka!

1 KORINT 6:19

Nema ne phoangpa Asâthôanju rangsoamhum ngama jetmetne, ere Asâthôanju pa nesekkhen ko tongeka, ngale erepa Joban ma nenâng kohwah? Ne phoangpa nedede rãng dangmah, erepa Joban rãng;

2 KORINT 6:16

Joban Rangsoamhum pa moangachaang heh demnâng chenroh jienroammin a? Chenrãngma ngako nãnga ahîn Joban Rangsoamhum! Joban ma ate dedema ngatwah, “Nga a nganâng putedâlemte mihnyan heh demnâng eroamsong ang ngale thindemko khoam achi lekma etongang; Nga a thin Joban rãng edangang, ngale thinmin nganâng putedâlemte mihnyan rãng edanga.”

GALATIEN 6:10

Erohwah, nãngma sanpoat chohroakweih, anga ngarãng asenli moatlem moatmin, ajahthem pa nãngkhu demwah putedâlemte hehrãng asenlipa moatmin.

GALATIEN 6:9

Erohwah kaamsen moatnâng nekboan eki; chenrãngma ngako nãngma lejek thangma memo eko, erethã roantang roanjêng khope choh sanpoat pa ehûra.

IFISIEN 3:12

Krista demnâng roamlihma, ngale nãngma atenâng putedâlem junko Joban tânâng lechei thangma ngale hungdongdong danglihma eta wãnge.

KOLOSIEN 1:23

Erohwah, nekhuma rongtêngtêng senthemthem putedâlem en. Ngale chenthu nema Nginkongsen chohtat letma dâlemtet a erekowah nekphõngtu en. Are Nginkongsen rãngma Nga Pol min haa rãngrãng dangekang - are Nginkongsen pa hahtokkhoh ko chentô nâng phoangthô koheka.

1 THISALONIKA 5:16

Roantang khuhah nâhah dangen,

2 THISALONIKA 2:16

Nãng Teso Jisu Krista ate dedema, ngale nãngnâng hun achete, ngale mînchenchaan kohte, erediko nãnghung dongsiet lahma chenthumin leta chhihjâ thin putedâlem kohte nãng Wa Joban ma,

1 TIMOTHI 3:15

Phumma Nga melektong angkomin, are siti pumma nãng Joban humkâ nâng chenroh molihma tôngmin a ereheh ejetthukho, ereheh dangeka ahîn Joban nâng putedâlemte Asâthem heh, ere Asâthem heh dangeka toangtang pa rôngsiet rãngma thõng rãngrãng.

HIBRU 1:2

rohkomin athôan sanpoatko atema nãngkhu nâng ate Chha junma chohjab ehi. Ate junma Joban ma rangkhen pa hôanwah, ngale atema athôanko chentôpa chohrãng Joban ma ren eka.

HIBRU 10:19

Ngalemruchha heh, erohwah, Jisu ritjunma nãngmin Nyahrang Asâthôan Theko lesoang thangma tawãnge.

HIBRU 10:21

Erohwah nãngrãngma Soam Aroakte adongthôan pumma Joban humpa pêneka.

HIBRU 10:23

Ngale nãngma thôeki dâlem ko rongtêngtêng putedâlem e, chenrãngma ngako, Joban toamsêm pa Joban ma emoa ngama putedâlem eki.

HIBRU 10:35

Erohwah nehung nekchha en, chenrãngma ngako, erepumma nenâng nyahrãng thãchaan khope pa ekephukoh hèn.

HIBRU 11:1

Putedâlem pa nãngma metkep chohmin ngama dâlem ekiko ngaeki, ngale ere putedâlem pa nãng mitma lekheko metkep echoh e ngama dâlem ekiko ngaeka.

HIBRU 3:14

Chenrãngma ngako, nãngma khebengwah putedâlemtih rãngrãng athôan kotuk rongtêngtêng medang eko, nãngkhu anga nga Krista demnâng aroamma etadange.

HIBRU 4:11

Erohwah, nãngkhumin ere boanjek pa chohtôngrãng latriie, erohkoba nãngte nãngwa hehma leputedâlem junko boanjek lechoh dangtah rãngrãng nãngkhu wathejô nekchen dangeki.

HIBRU 4:14

Erohwah, nãngkhuma thôeki putedâlem ko rongtêngtêng lolihma putedâlem e. Chenrãngma ngako, Joban tâko tongwãng lahma nãngkhurãng Soam aroakte adongthânpa tonga erepa Joban Chha Jisu.

HIBRU 4:16

Erohwah, nãnghung arin dongsiet lihma mînchenchaan chohthin Joban tôngthin tâko tonghûe. Enâng nãngma map echoh e, ngale nãngma lêmpoatko nãngnâng chohsokrãng ate mînchenchaan pa echoh e.

HIBRU 6:11

Nima ajahthem huneki pa nekhuma athôan kotuk Joban moatlempa rokhun rahhun dangletma chenmo en ngama huneka, erohkoba nekhuma dâlem letma bemla ekenpa linlin echoh en.

HIBRU 6:18

Erohwah leta litjâthin jatnii tonga, ngale ere wannii rãngma Joban memin mothô thômah. Erohwah nãngkhu henhen ate demnâng khope choh ekia, erehehma hung dongdong danglihma nãng makowah thien kohehi dâlem ko rongtêngtêng lolihma tôngmin.

HIBRU 7:19

Chenrãngma ngako Mosa Niemarang pumma chenjô senmomah. Ngale ade phumma dâlemthin asen kohehi, erejunko nãng Joban tânâng namhueki.

1 PITER 1:8

Nema ate lekhejô medang enkomin atenâng hun achhâ eken, ngale nema athângheh ate lekhejô medang enkomin atenâng putedâlem eken. Erohwah, nea thunma tâthôli ledang khuhah nâhah dangeken,

1 PITER 2:5

Ahîn long heh rãngrãng dangletma hunren, ngale nea Joban rangsoamhum hôanthin longrãng chenkep hèn, ngale ere humko soam aroakte Asâthôan dangletma nema Jisu Krista junma Joban nâng atema nyoakkepli joapsoap en.

1 PITER 4:17

Achhih le asen rên sanpoat pa lâhûtha, ngale Joban mihnyan hehnâng khebeng thôanko bengrênmin. Phumma nãngnâng mebengren hiko, Joban ngewah Nginkongsen ko lepute dâlemte mihnyan hehja chenroh dângmin a?

LOATKHESOK 2:18

“Thitira wah Asâthem heh ngintatte hehnâng raangeka: “Are nginpa Joban Chha ngewah raangeka, ate mitpa wendô rãngrãng, ngale ate dapa janlin chhumhut wah rãngrãng chhum phiakeka.

LOATKHESOK 2:25

Rohkomin nga makaka erângko, nema chenni chohtattet a ereko rongtêngtêng loletma tongen.

LOATKHESOK 2:26

Henhenma tajien eka, ngale Ngama hun ekang rãngrãng athôankotuk moeka, ere hehnâng Ngama Ewa ngewah chohtek rãngrãng mãnthe chaanpa ekoh ang: Ngama thinnâng chentô diak akan heh khohko pênrãng chaan ekoh ang, ngale jankangma hahtit soapwat lahma chhupjâwah rãngrãng soapwatrãng thinnâng epênthuk ang. Ngale Ngama thinnâng rangkhah meritmin ekoh ang.

LOATKHESOK 3:11

Nga a sitsiak lâkaerâng. Nenâng chenni tonghèn a ereheh senthemthem thien en, erohkoba nema tâjienthã choh ekenpa henmemin ne ngewah leta nyenmin.