HIBRU 3:5 - NIEMNYAN Naga NT (BSI)

⁵ Joban humnâng Mosa haa rãngrãng danglahma putedâlem nâng asen danglahma moatwah, ngale Joban ma khediko jabthin ngin heh atema thôwah.

HIBRU 3:5 Iomraidhean Croise

MATHIU 24:45

“Henpa dâlemli ngale jet ajien haa a? Atenâng ate tângte ma haa ahan hehnâng phhekchhah pa achhah sanpoatko chhahthukrãng ethien a.

MATHIU 25:21

Tângtewa pumma haako ngatwah, ‘lâsenmotoh, nanga asen ngale dâlemli!’ ‘nangma are amãnchha ngun pumma senthemthem jienmo eko, erohwah ngama nangnâng ngun jahmõang ethienthuk e. Wãngro nga demnâng khu johhah wãnghang!’

LUK MA RAANGWAH NGINKONGSEN 12:42

Teso ma dânthâng wah, “Eroh medang ako henpa dâlemli ngale buthi mongthêmwin haa a? Atenâng ate tângtewa pumma ate chhahkhem heh sûare thuk, erediko hum apum hehmin sûare thuk, ngale haa ahan hehnâng phhekchhah chhah sanpoat thâng roakweih chhahthuk rãng echien a.

LUK MA RAANGWAH NGINKONGSEN 24:27

Ngale Jisu ma Joban nyapraang nâng ate junma chentô raangtah heh thôkoh wah, Mosa ma raangwah titab pumma danglahma chentô mõng hehma raangtah hehmin thôkoh wah.

LUK MA RAANGWAH NGINKONGSEN 24:44

Erediko atema thinnâng ngatwah, “Ngama are ngin heh nga nedemnâng dângthuko thôkotah: Mosa Niemarang nâng, ngale chentô mõngama, erediko Rangsoam titab nâng ngajunma raangtah heh phangtang linlin dângwângmin ngama.”

JON MA RAANGWAH NGINKONGSEN 5:39

Nema Joban nyapraangpa weih eken, chenrãngma ngako nema erekowah roantang roanjêng roandông chohmin ngama putedâlem eken. Phumma are Joban nyapraang pumma ngajunma jabeka!

MOATLEM 28:23

Ephumma thinma Pol demnâng rangwo kahtok hôanwah, ngale ere rangwo jâko Pol tongeka theko jahmõang mihnyan hokwah. Rangkhah khowah rangnyek kotuk Pol ma thinnâng Joban Hahsông nginkongpa thôkoh wah, ngale atema Mosa Niemarang ngale Mõng hehma raangwah Joban ngin hehwah thakthô lahma mihnyan hehnâng Jisu junma thôkoh wah.

MOATLEM 7:37

Mosa ma Isrial mihnyan hehnâng ngatwah, ‘Joban ma nga chienchhoan ehang rãngrãng atema netânâng mõng echien katra, ngale atea ne mihnyan wahjô dângmin.’

ROMAN HEHNÂNG POLMA RAANGWAH SITI 3:21

Rohkomin ade phumma Joban ma mihnyan heh atedede demnâng toangtang dângthuk lemkhô pa lâhõngtah. Are lemkhô pa Mosa Niemarang ngale Mõng heh mejô thôkoh wah medang hikomin, Niemarang pa kep junma dangmah.

1 KORINT 4:2

Ererãngrãng haa hehma wanthe lem ekapa dangeka, atea, ate tângte pumma putedâlemli dângmin.

1 TIMOTHI 1:12

Ngama nãng Teso Jisu krista nâng dangkoh a ngaekang, chenrãngma ngako atema nganâng are moatlem heh moatrãng chaankoh ehang. Atema Nganâng asen ngama renlahma atenâng soam atôte dângthukdi dangkoh ngaekang,

HIBRU 1:1

Amako Joban ma nãngte nãngwa hehnâng mõng heh junma melengdep ngale meleng lemkhô ngema chohjabwah,

HIBRU 3:2

Chenroh Mosa ma Joban humnâng senthemthem putedâlem lahma motah a, ererãngrãng atemin atenâng are moatlempa moatrãng rênte Joban nâng senthemthem putedâlem wah.

HIBRU 3:4

Chentô humpa henma komin hôan eka - rohkomin chentô hôante pa Joban.

HIBRU 8:5

Thinma soam aroakte moatlem moeka pa rangkhethung nâng chenni moeka ere moatlem heh dâpha loloba moeka. Arepa Mosa demnâng chenroh dangtah a ererãngrãng jôba dangeka. Chenthu atema rangsoam thin The hôanrãng phûngko, Joban ma atenâng thôkoh wah, “Chentôpa nangnâng hahkongkho ko chenroh hôanrãng khesoktih a ererãngrãng hôan o.”

HIBRU 9:24

Chenrãngma ngako Krista a mihnyan nyuchha dekma hôanwah Asâthôan The nâng wâng dangmah, ere Asâthôan The pa rangkhethung wah alinlin The peba hehôan eka. Atea rangkhethung linlin nâng wãngeka, ngale enâng athângheh atea nãngrãngma Joban tâko tongeka.

LOATKHESOK 15:3

ngale thinma Mosa sêpase, Joban haa sêpase ngale Saakchha sêpase rewakwah: “Teso Joban Adongthôan, nangma motoh moatlem heh chentô dônga ngale chentôsên a! diak akan wah Lowang hehma, nang lemkhô pa chentô apun ngale toangtang lemkhôa ngama ngawak eka!