HIBRU 3:1 - NIEMNYAN Naga NT (BSI)

¹ Ngalemruchha Kristan mihnyan heh, Joban ma rooehèn heh! Nãngma thôeki putedâlem khohko Soam aroakte adongthôan dângrãng Joban ma chienkat era Jisu nâng thatthong hun tan en.

HIBRU 3:1 Iomraidhean Croise

JON MA RAANGWAH NGINKONGSEN 17:3

Ngale roangtang roanjêng lethôan roandông ngaeka pa nanglolo jôba toangtang Joban ngama jetpa, ngale nangma chienkattho Jisu Krista jet ekipa.

JON MA RAANGWAH NGINKONGSEN 20:21

Jisu ma thinnâng eredikomin ngatwah “Nekhu mêmo dangen. Ewa ma nga chienkatthang rãngrãng ngamemin nekhu chienchhoan eka.”

JON MA RAANGWAH NGINKONGSEN 20:27

Erediko atema Thomas nâng ngatwah, “Nang deksuma ako thatkeh tanhang, ngale ngadek hehnâng thatsû tanhang; erediko nang dekma ngachhamko thatlo tanhang. Nang hungnâng tungmaang pa jek reo, ngale nganâng putedâlem hang!”

MOATLEM 1:15

Jâthe jânii diko putedâlemte heh ngoangthun rãng khôanwah, eko chentô tungko châthe roaknii dângwah, ngale Piter nginthôrãng tôanchepwah.

ROMAN HEHNÂNG POLMA RAANGWAH SITI 11:17

Humnâng khiet apân eka Oliv bãngkowah bãngphak phakjâchhoan eka, phumma phakjâ chhoan re ekako wunwah Oliv bãngphak kowah choatkhhek hûeka. Ne Jews ledangte heh ere wunwah Oliv bãng rãngrãng, ngale ade phumma nema Jews heh demnâng roamletma Joban wah khope pa choh eken.

ROMAN HEHNÂNG POLMA RAANGWAH SITI 15:27

Erepa thindedema thônghun wah; rohkomin, linlinjô thinma metkep chohsokmin jôba. Chenrãngma ngako, Jews hehma chohthin ju khope pa Jews ledangte hehmemin choh eka, erohwah, Jews ledangte hehmemin thinma Joban wah chhahkhem wanlem ngenâng rangkep eka hehwah Jews hehnângmin chohsokmin.

ROMAN HEHNÂNG POLMA RAANGWAH SITI 15:8

Chenrãngma ngako, ngama nenâng thôkoh eka, Krista ma ate roandôngpa haa rãngrãng danglahma Jews heh khoakhêmrãng katwah, erepa Joban ma thin te awa heh demnâng toamsem tah pa linlin lâdang katha ngama khesokrãng moatwah,

ROMAN HEHNÂNG POLMA RAANGWAH SITI 9:24

Chenrãngma ngako nãnga atema roowah mihnyan, phumma arepa Jews hehwah lolo roo dangmahhi, Jews ledangte heh wahmin rooeka.

1 KORINT 1:2

Korint hahwah Joban nâng putedâlemte Asâthem heh, ngale Chentô Joban nâng Asâma putedâlem rãng rooeka heh, erediko Jisu Krista demnâng roamlahma Joban rãng dangeka heh, ngale therupwah mihnyan nâng Teso Jisu Krista nâng soam atôte hehnâng raangeka. Jisu Krista pa thinrãng memin ngale nãngrãng memin Teso:

1 KORINT 10:17

Chenrãngma ngako bankên pa wanthe dangeka rãngrãng, nãngkhumin ajahjô medang ekomin, phoangtherãng lâdangtih, chenrãngma ngako nãngkhu anga ngama bankên wanthe kowah roamphhek eki.

1 KORINT 9:23

Are chentôpa ngama nginkongsen rãngma moekang, ngale ere nginkongsen demko rang chenjoh kep ang ngama moekang.

2 KORINT 1:7

Erohwah nima nenâng nyahrãng dâlem eka; ngale nima ajet nekhu nidemnâng chenroh johchêm ehia ererãngrãng, nikhu lechêm thangma tôngko nekhumin ejohtonghi.

2 KORINT 9:13

Ngale nema are achohsok moatlem moeken junko, erediko nema Krista nginkongsen pa senthemthem kepletma thôeken junko, ngale nea chhahme dangletma thin demnâng ngale anga nga demnâng phenphen sensen kep eken juko ajahthem mihnyan hehma Joban nâng dangkoh a engawak a.

IFISIEN 3:6

Apatritli nginpa dangeka, nginkongsen junma Jews ledangte hehmin Jews heh demnâng roamlahma Joban wah rang johkepmin; thinmin phoangthe kowah tuta jôba, ngale Jisu Krista junma Joban ma toamsem tahko thinmin johroam eka.

IFISIEN 4:1

Erohwah, Ngama nenâng rosep eka - Ngama Teso nâng soam atôdi Nga phâtek nâng khhekthien ehang: Joban ma nea chenroh sôngtôngrãng rooehèn a eroh songtongen.

IFISIEN 4:4

Phoangmin wanthe ngale Jumin wanthe dangeka rãngrãng, Joban ma nekhumin dâlem wantheko lolo jôba rooehèn.

FILIPIEN 3:14

Erohwah Ngama thonghun ekang thepa chohrãng tintin chhoanwãng ekang, erepa Jisu Krista junma Joban ma rangkho wah roandông chohrãng rooehang.

KOLOSIEN 1:22

Rohkomin ade phumma, ate Chhama roandông kohlahma ritjunma, Joban ma nekhumin ate tânâng Sâpoangpoang, khinbaangbaang, ngale chenjô lethe thangma siethokrãng nea ate lemruchha rãng hôan ehèn.

KOLOSIEN 3:12

Nea Joban mihnyan; atema nenâng hun ehèn ngale ate dedema ate mihnyan dângrãng ren ehèn. Erohwah, khetkep rãngrãng, mînchenmîn, hun achetmîn, numnene, noapnene, ngale hungmông rinmông dangletma tongen.

1 THISALONIKA 2:12

Nima nehung dongsiet eka, ngale senthuk eka, ngale neroandôngko Joban rinmeli dangletma songtongen ngama rosep eka, chenrãngma ngako, Joban ma ate Hahsông theko ate mîndôngko johroamrãng nekhu nâng rooehèn.

1 THISALONIKA 5:27

Ngama Teso chaanjunko are sitipa chentô putedâlemte mihnyan hehnâng weihkoh en ngama rosep eka.

2 THISALONIKA 1:11

Erohwah nima nerãng roantangma rangsoam koheka. Ngale Joban ma chenroh sôngrãng rothen a, eroh chenmam jiensong thukhèn ngama rosep eki. Ngale ne putedâlem junma moatlemsen moathun ekenpa ate chaanma chenmam tamo thukhèn.

2 THISALONIKA 2:14

Joban ma nekhu rooehèn pa nima nenâng Nginkongsen thôkoh eka junma rooehèn; atema nekhu rooehèn pa nãng Teso Jisu Krista demnâng mîn johdongrãng rooehèn.

1 TIMOTHI 6:12

Putedâlem ngenâng toatchhoan mînwah rãngrãng senthemthem dango, ngale nangdede rãngma roantang roanjêng roandông khope pa choh o; chenrãngma ngako nangma ajahthem mihnyan heh mathahko nang putedâlem pa rongtêngtêng putedâlem lohma khesokdi Joban ma are roantang roanjêng roandông khope pa chohrãngma rooeho.

1 TIMOTHI 6:2

Kristan tângtewa haa dângte heh mâmâ tângtewa nginlekep ledangmin, chenrãngma ngako thinmin thinpho anaa jôba. Erenoma, thinnâng ajahba sênkhoakhêm min, chenrãngma ngako, thinma mokoh eka hehmin putedâlemte ngale thinma hun achhâ wakeka. Are ngin heh nema metkep hethô en ngale phoangthôkoh en.

2 TIMOTHI 1:9

Atema nãngkhu pepâng lahma atedede mihnyan dângrãng rooehi, erepa nangma moatlemsen moatjunma dangmah, ate dedema hunlahma ate mînchenchaan junko pepâng ehi. Rangle Hahtokkhoh hôan mama are mînchenchaan pa atema Jisu Krista junma nãngnâng kohehi.

2 TIMOTHI 2:7

Ngama chenni jabekanga erepa thonghun o, chenrãngma ngako, erepa nangnâng Teso ma phangtang ejetthukho.

HIBRU 10:19

Ngalemruchha heh, erohwah, Jisu ritjunma nãngmin Nyahrang Asâthôan Theko lesoang thangma tawãnge.

HIBRU 10:21

Erohwah nãngrãngma Soam Aroakte adongthôan pumma Joban humpa pêneka.

HIBRU 10:23

Ngale nãngma thôeki dâlem ko rongtêngtêng putedâlem e, chenrãngma ngako, Joban toamsêm pa Joban ma emoa ngama putedâlem eki.

HIBRU 13:22

Ngalemruchha heh, Ngama nehung dôngthukrãng rîn akhah ngin thôkoh ekako nehung môngsiet letma mamjettat en ngama rosep eka; chenrãngma ngako Ngama nenâng are sitiraang ekapa nyahrãng alo nyong dangmah.

HIBRU 2:11

Atema chentô mihnyan nyuchha heh thinpap wah sâsiet eka, ngale ate erediko henhen atema sâsiettah a ere chentô hehrãng Wa pa mãnthe. Erohwah Jisu ma thinnâng Ngapho anaa ngama roorãng rêsêmah.

HIBRU 2:17

Erohwah, Joban nâng soamtô lemkhôko thinma nyahrãng putedâlemli ngale thinnâng nyahrãng mînchênte Soam aroakte dongthôan dângrãngma rongrup ngenâng atea ate mihnyan heh rãngrãng dangeka, ngale ere junko mihnyan nyuchha heh pappa mapkoh eka.

HIBRU 3:12

Ngalemruchha heh, jetletma dangen, ahîn Joban tâwah lânngak chhoanroh hen hungmin nekchhih en ngale eretô leputedâlem nekdangen.

HIBRU 3:14

Chenrãngma ngako, nãngma khebengwah putedâlemtih rãngrãng athôan kotuk rongtêngtêng medang eko, nãngkhu anga nga Krista demnâng aroamma etadange.

HIBRU 6:20

Melkizidik soam aroakte ma ngatah rãngrãng Jisu nãngrãngma nãngmako roantang roanjêng soam aroakte adongthôan dângrãng wãnglaeka.

HIBRU 7:26

Erohwah Jisu a nãngma lem eki heh chohkohrãng Soam Aroakte Adongthôan. Atea Asâthôan; atenâng chenni achhihmin aho, ngale atenâng papmin aho; atea papi mihnyan heh demwah araangraang dangthuk eka ngale rangkho liennâng tongwãngthuk eka.

HIBRU 7:28

Mosa Niemarang pumma mihnyan chhih hehmin soam aroakte adongrãng tâdâng thukwah; rohkomin Mosa Niemarang diko Joban ma ate Chhapa Soam Aroakte adong dangthuk lahma mihnyan heh demnâng toamsêm pa hôanwah, ngale ate jôba roantang roangjêng rãng nyahrãng asen dangthuk eka.

HIBRU 9:11

Rohkomin Krista pa athâng hehwah nãngwah asenli hehrãng soam aroakte adongthôan danglahma lâkatha. Atema soam aroak eka rangsoam thepa adong ngale abâmbâm asen; erepa mihnyan dekma hôanwah rangsoam the dangmah, ngale erepa are hahtokkhoh rãngmin dangmah.

HIBRU 9:15

Ere junkowah Krista ma toamsêm nyan pa hongsiet eka, erohwah henhen Joban ma rooeka, erehehma Joban ma toamsem tah roantang roanjêng rangpa ekepwak a. Arepa aroh tadanga, chenrãngma ngako, amawah toamsem tah junko mihnyan hehma kaamchhih molahma pap dangtah kowah Krista riilahma pesiet eka.

1 PITER 2:9

Rohkomin nekhua arênwah mihnyan nyuchha, ngale Lowang rãngrãng soam aroakte, Asâthôan mihnyan nyuchha, Joban mihnyan linlin, ngale Joban ma patritli moeka heh phoangthô kohrãng ren ehèn, ngale atema rangnyek khenwah atedede patritli wenphiak ko loatsietkat ehèn.

1 PITER 3:5

Chenrãngma ngako, ama thuwah dihiaknyu hehma thin tangwa nginngin ko danglahma thinma Joban nâng putedâlem lahma thindede phang sênsietrit wah.

1 PITER 5:1

Ngadede min Asâthem heh khhepho phannang danglekma nekhuchhang wah Asâthem heh khhepho phannang hehnâng rosep eka. Ngama Krista ma chêmchoh tahpa khetek, ngale chenthu ate mîndong lahma nãngnâng khesok jâko Ngamin ereko ejohroam ang. Ngama nenâng rosep eka

1 PITER 5:10

Rohkomin nema poatthe chharãng chêmchoh diko, chentô mînchenchaan kohte Joban, ngale Jisu Krista demko roamletma ate mîndongko johroam thukrãng neroote Joban pumma ate dedema nekhu sâsiet lahma rongtêngtêng edangthuk hèn, ngale chaankoh lahma putedâlem senthemthem edangthuk hèn.

1 JON 1:3

Nima chenni khetih a, ngale tattih a ereheh nenâng thôkoh eka, erohkoba nemin nidemnâng Wa Joban ngale ate Chha Jisu Krista demko aroamma ejoh danghi.

JUD MA RAANGWAH SITI 1:1

Jisu Krista haa, ngale Jems pho Jud ngewah- Joban ma rooeka mihnyan, ngale Joban Wama hun achhâ lahma songtong eka mihnyan, erediko Jisu Krista ma pepâng lahma thieneka mihnyan hehnâng raangeka:

LOATKHESOK 17:14

Thin Saakchha demnâng eloatmîn a; rohkomin Saakchha pumma atema aren reka mihnyan, ngale senthemthem putedâlem lahma ate dijunte mihnyan heh demnâng roamlahma thinma ejien a, chenrãngma ngako, atea teso hehwahmin Teso dongthôan, ngale lowang hehwah min Lowang dongthôan.”

LOATKHESOK 18:20

Rangkhethung wah heh ate mahjâ pa kheletma khuhah nâhah dangen! Joban mihnyan heh ngale moattat chhoante erediko mõngheh khuhah nâhah dangen! Chenrãngma ngako atema nenâng chêmsietdi Joban ma atenâng chêmsiettah!