HIBRU 2:9 - NIEMNYAN Naga NT (BSI)

⁹ Rohkomin nãngma Jisu a poatthe chharãng rangwah Joban ngintatte heh noma arin hôan lahma kheki, erohwah, Joban mînchenchaan junko atea anga ngarãng riieka. Ngale ate chêmrii lahma ritdi nãngma athângheh ate khoko ate choangpe ngale rânghong mînpoan pa khophok rãngrãng phokko lahma kheki.

HIBRU 2:9 Iomraidhean Croise

MATHIU 16:28

Ngale ngama nenâng linlin thôkoh eka, Mihnyan Chhapa Lowang danglahma kat lekhe thangma ako leriite mihnyan tongen.”

MATHIU 6:28

“Ngale khet akhurãng chenrãngma sekmah eken a? Sûtan en, wunwah chongpô heh chenroh dongeka: Thinma moatlemmin momah, ngale khet akhumin hôanmah.

MAK MA RAANGWAH NGINKONGSEN 9:1

Ngale eredikomin atema ngatwah, “Ngama nenâng linlin thôkoh eka, aretheko chepte khuthe Joban Hahsông pa chaan demnâng kalahma makhe kheko leriite tongen.”

LUK MA RAANGWAH NGINKONGSEN 9:27

Ngale ngama nenâng linlin thôkoh eka, Joban Hahsông thepa lechohkhe thangma ako leriite mihnyan khuthe tongen.”

JON MA RAANGWAH NGINKONGSEN 1:29

Eredijâko Jon ma Jisu ate tânâng wãng lahma khewah, ngale eko atema ngatwah, “Sû en, hahtokkhoh wah pap hênphete Joban Saak pa anã!

JON MA RAANGWAH NGINKONGSEN 10:17

“Wama nganâng hun ehang, chenrãngma ngako ngama nga roandôngpa koh ekang. Ngama ade ditthe ngakchohrãng nga roandôngpa koh ekang.

JON MA RAANGWAH NGINKONGSEN 12:32

Chenthu nga are hahtokkhoh kowah metoansietwên thangko, Ngama chentôpa ngatânâng sietwêmin.”

JON MA RAANGWAH NGINKONGSEN 3:16

Joban ma are hahtokkhoh ko nyahrãng hunlahma ate Chha wathelolo pemin koheka, erohwah henhenma atenâng putedâlem eka ereheh leriimin rohkomin thinma roantang roanjêng roandông echoh a.

JON MA RAANGWAH NGINKONGSEN 8:51

Ngama nenâng toangtang thôkoh eka: Henhenma nga nginkep eka ereheh chenthumin leriimin.”

JON MA RAANGWAH NGINKONGSEN 8:52

Thinma Jisu nâng ngatwah, “Athângheh nima linlin lâjettih nangnâng juchhih lâluptho! Abraham min riitah, ngale mõng hehmin riitah, rohkomin athângheh nangma nganâng henhenma putedâlem ehanga ereheh leriimin ngaeko.

MOATLEM 2:33

Atea ritwah ngakhin lahma Joban, ate Wa dekchahko tongwãngtah, ngale Joban ma toamsem tah Asâthôanju pa atema chohtah. Athângwah nema chenni khe eken a, ngale chentat eken a, ereheh atema nãngkhu khohnâng hînhô kohkat ehi.

MOATLEM 3:13

Abraham Joban, Isak Joban, ngale Jakob Joban, nãngte nãngwa heh Joban ma ate Haa Jisu mîndongthuk eka. Rohkomin nema thôte jabte hehnâng ate ritphe thuktet, ngale Pilat ma ate laangphê hunwah akomin nema Pilat tâko nima ate hunmih ngatet.

ROMAN HEHNÂNG POLMA RAANGWAH SITI 5:18

Erohwah wathe pap junma chentô mihnyan nyuchha ma chêmchoh eki rãngrãng, wathema toangtang moatdi Joban ma chentô mihnyan nyuchha heh toangtang dangthuk eka, ngale roandông koh eka.

ROMAN HEHNÂNG POLMA RAANGWAH SITI 5:8

Rohkomin Joban ma nãngnâng chentô hun ehia erepa khesok ehi - erepa nãnga papi dângwah rohkomin Krista nãngrãngma ritwah!

ROMAN HEHNÂNG POLMA RAANGWAH SITI 8:3

Mihnyan hei angem pumma Niemarang pa boansiet lahma Niemarang pumma letamo dâng phumma, Joban ma moeka. Joban ma ate Chhapa mihnyan hei angem phoang rãngrãng litdangthuk lahma, hahtokkhoh wah pap heh repherãng chienkat era.

ROMAN HEHNÂNG POLMA RAANGWAH SITI 8:32

Linlin Joban ma atedede Chhapa tumin lebâ thangma nãngkhu anga ngarãng kohwah! Atema nãngnâng ate Chhapa koh ehi - lihân heh jãtanga atema nãngnâng phangtang lekoh minne?

2 KORINT 5:15

Atea anga nga rãngma ritwah, erohwah ahînte hehmin henjô mâmâ dede rãngma lehinmin, rohkomin thinrãngma hen riilahma ngakhintah a ere rãng loloba hînmin.

2 KORINT 5:21

Krista nâng pap aho dângwah, rohkomin Joban ma atea nãng pap demko johroam thukeka, erepa nãngmin ate demnâng johroam lihma Joban toangtang pa tachoh eki.

GALATIEN 4:4

Rohkomin chenthu sanpoatsen pa hokphumma Joban ma ate Chha chienkat era. Atea dihiaknyu ma chha lahma Jews heh Niemarang khenko sôngtông katwah,

1 TIMOTHI 2:6

ate dedema ate roandôngpa chentô mihnyan nyuchha heh pap thãpê thumkohrãng koheka. Erepa Joban ma chentô mihnyan nyuchha heh khopesiet hunlahma sanpoat pa thâng phumma chienkat era,

HIBRU 1:9

Nangma chenpa toangtanga ereko hun eko, ngale chenpa achhih a ereko chinnya eko. Erohwah Joban, nang Joban ma ren eho ngale dongsiet lahma khuhahthuk ehopa nang demkowah hehnâng koheka nomemin abâmbâm dong koh eho.”

HIBRU 10:5

Erohwah, chenthu Krista are hahtokkhoh ko katrãng ngatko, atema Joban nâng ngatwah: “Nangma soam aroak le joapsoap pa hunmoh, rohkomin nangma Ngarãng phoangpa khoakhemkoh ehang.

HIBRU 11:5

Putedâlem junma Inok lerii thangma dângwah. Ngale atea Joban tânâng tôansietwên lahma henmemin ate chohkheho, chenrãngma ngako, atea Joban ma rangkhethung nâng tôansietwên wah. Joban nyapraangma ngaeka, Inok rangkhethung nâng tôansietwên mako, atema Joban rinmê thukwah.

HIBRU 12:2

Nãng mitma Jisu nâng thongthong sûlihma tonge, chenrãngma ngako khebengma danglahma athôan kotuk atema jôba nãng putedâlem pa senthemthem dangthuk ehi. Atea bãngphak khohko rittekrit ran cheiho! Erenoma, Joban ma ate mawah khuhah nâhah thienkoh ekapa thonghun lahma bãngphak khohko rêsê rephe rittekrit pa chenjô dangmah ngama thônghun wah, ngale erohwah atea athângheh Joban tôngthin dekchah ngeko tongeka.

HIBRU 2:7

Nangma thin a rangwah Joban ngintatte heh nomemin poatthe chharãng arin hôan eko; rohkomin nangma thinmîn dongsiet lohma khoakhem ekopa khophok rãngrãng phokthuk wakeko,

HIBRU 7:25

Ngale erohwah henhen ate junma Joban tânâng hûeka ereheh atema athâng hehmin ngale roantangma eta pesiet a, chenrãngma ngako atema Joban nâng thinrãngma roatsep kohrãng roantang roangjêng rãng hin eka.

HIBRU 8:3

Chentô soam aroakte adong heh Joban nâng chhahkoh ngale ngem ngah ma joapsoap thukeka, ngale erohwah nãngrãngma soam aroakte adongthôan pummemin chenni akomin kohmin.

1 PITER 1:21

Ate junma nekhuma ate ritwah ngakhinsiet lahma atenâng mîndongthôan kohte nâng putedâlem eken; ngale erohwah nema Joban nâng putedâlem ngale tok anâ re eken.

1 JON 2:2

Ngale Krista junma jôba nãngpap heh mapkoh ehi, ngale nãngkhu pap heh lolo mapkoh dangmah, chentô mihnyan heh pap mapkoh eka.

LOATKHESOK 19:12

Ate mitpa wentheli rãngrãng dângwah, ngale atema ate khoko khaphok heh jahmõang phokwah. Ate khohko mînraang lahma dângwah, rohkomin ere mînraang ekapa henmemin jetmah, atema lolo jetwah.

LOATKHESOK 5:9

Thinma sê nyan sêwakwah: “Nangma jôba nyapraangten pa tâtôanmin ngale nangma jôba ate pangmiem ekapa jânlohma talaango. Chenrãngma ngako nanga ritphe rewah, ngale nangma roandông kohlohma riilohma Joban rãngma chentô jat apat, jab ajâ, diak akan, ngale chentô mihnyan nyuchha heh riakkoh wah.