HIBRU 2:4 - NIEMNYAN Naga NT (BSI)

⁴ Ere demdemko Joban ma thinnâng rongrup patritli ngale bâritli moatlem heh moko lahma ate hung junko thinnâng Asâthôanju hînhô heh kohlahma erepa toangtang ngama khesok eka.

HIBRU 2:4 Iomraidhean Croise

MAK MA RAANGWAH NGINKONGSEN 16:20

Dijunte heh chhoan lahma chentô thenâng Joban nginkongsen pa phoangthô chhoanwah, ngale thin demnâng Teso Juma johmoatwah, ngale thinma patritli moatlem moeka junko thinma phoangthô eka Nginkongsen pa toangtang nginkong ngama putewah.

MAK MA RAANGWAH NGINKONGSEN 6:14

Hirot Lowang ma are nginpa chohtatwah, chenrãngma ngako, Jisu mînpa chentô thenâng chohtatwah. Khaka mihnyan hehma ngatwah, “Jon baptis pa ngakhinwãng era! Erohwah atema are patritli moatlem heh tamoeka.”

JON MA RAANGWAH NGINKONGSEN 15:26

“Achohsokte Ju ekara, atema Wa tâwah kalahma Joban toangtang pa ekhesok kahèn. Ngale atea ngama Wa tâwah nekhu tânâng echienkat râng, ngale atema nenâng ngangin ethôkoh hèn.

JON MA RAANGWAH NGINKONGSEN 4:48

Jisu ma atenâng ngatwah, “Nekhuma patritli le bâritli moatlem heh lekhe kenko henmemin putedâlem met.”

MOATLEM 14:3

Enâng moattat chhoante heh melâng rangwo tôngthienwah, thinma chenni ranjô lechei Teso nginpa phoangthôwah, ngale ate mînchênchaan ngin thôeka pa toangtang ngama jetthuk rãng thinnâng patritli ngale bâritli moatlem heh moatthukwah.

MOATLEM 4:10

nekhu phangtangma jet en, ngale Isrial wah mihnyan heh phangtangma jet en, are mihnyan pa nemako senthemthem senlahma chep ekapa Nazarat wah Jisu Krista mînchaanko sen eka - nema ate rittekwah, rohkomin Joban ma ate ngakhînsiet wah.

MOATLEM 5:32

Nima areheh mitma khelihma thôeki - ngale Joban ma ate nginkepte hehnâng hînhô rãng koheka Asâthôanju memin jeteka.”

IFISIEN 1:5

Joban ma nãnga Jisu Krista junma ate Chha dângthukrãng ama thuma thônghun wah - erepa ate hungma hunlahma moatwah.

IFISIEN 1:9

Joban ma chenni themawa eka erepa moeka, ngale erepa Jisu Krista junma tamo lahma nãngnâng loatjetthuk ehi.

IFISIEN 4:7

Nãngkhu chentôma hînhô choheki, erepa Krista ma them athak lahma hennâng chenroh kohhun eka eroh koheka.

HIBRU 6:4

Chenrãngma ngako, henma thin putedâlem pa thinphe eka, ere mihnyan heh hung chenroh jienngak litthukmin a? Thin a poattheko Joban wenphiak nâng dângwah; ngale thinma rangkhethung wah hînhô pemin lâthat jettah, erediko Asâthôan Jumin lâchohtah;