HIBRU 2:3 - NIEMNYAN Naga NT (BSI)

³ Eroh medang ako, nãngma areto khope dongthôanpa lekep medang eko chenroh jienpemin a? Khebengko are khope pa Teso ma ate dedema bengloatthô kohwah, ngale henhenma ate ngin chohtattah a ereheh memin nãngnâng arepa toangtang ngama khesok ehi.

HIBRU 2:3 Iomraidhean Croise

MATHIU 23:33

Nea pû! Ngale pû chha jôba! Pap wendôko khâmrit minwah epe e ngama chenroh jienthonghun eken a?

MATHIU 4:17

Ere sanpoat pumma Jisu ma Joban nginkong bengphoang thôwah: “Ne papwah hunglit en, chenrãngma ngako rangkhethung Hahsông pa lânam hûtha!”

MAK MA RAANGWAH NGINKONGSEN 1:14

Jon pa phâtek nâng sekdiko, Galili nâng Jisu kalahma Joban wah Nginkongsen pa phoangthô katwah.

LUK MA RAANGWAH NGINKONGSEN 1:2

Khebâng thuma areheh khelahma Joban nginkongsen pa phoangthôte hehma ninâng thôkohthi ngin heh jôba thinma raangthien eka.

LUK MA RAANGWAH NGINKONGSEN 1:69

Atema ate haa Devit pôali wah, nãngnâng Pângte chaanthôan kohehi,

LUK MA RAANGWAH NGINKONGSEN 24:19

Atema chhienwah, “Erepa chenni dângwah a?” Thinma dânthâng wah, “Nazarat wah Jisu nginpele,” “Are mihnyan pa Joban memin ngale chentô mihnyan hehmemin mõng ngama thônghun wah, ngale chentô ate jab ajâ ngale moat akat heh chaan demnâng dângwah.

JON MA RAANGWAH NGINKONGSEN 15:27

Ngale nememin nga nginpa mihnâng ethôkoh en, chenrãngma ngako nea khebengma nga demnângjû.

MOATLEM 2:22

“Lemruchha Jews heh! are nginpa jetat tan en, Nazarat wah Jisu nâng Joban chaanwin ngama nenâng ate junma Joban ma chentô patritli moatlem ngale bâritli heh molahma khesokthen. Erepa nedede maminjet, chenrãngma ngako, ereheh netâko aretheko dângwah.

MOATLEM 4:12

Khope pa ate junma loloba tâchohmin; Joban ma hahtokkhoh ko hennângjô nãngkho tâpepâng chaan kohmah.”

ROMAN HEHNÂNG POLMA RAANGWAH SITI 11:14

Ngale ngama nga mihnyan hehma phetwanli molekma thinwahmin roanche kho eta pesiet ang ngama thonghun ekang.

ROMAN HEHNÂNG POLMA RAANGWAH SITI 2:3

Rohkomin ngalemruchha heh nema mihnâng athe ngama ngaeken moatlem heh nema moeken! Nema eroh moletma Joban wah chêm lechoh edange ngama thonghun eken a?

1 KORINT 1:21

Chenrãngma ngako, mihnyan heh thin buthi mongthem junma ate leta jetlorãng Joban ma hôaneka. Erenoma, are nima phoangthô eki nginko thinma “aba” ngaeka ko henhenma putedâlem eka ere mihnyan heh kho chenpe a ngama Joban ma ate buthi mongthem junko hôaneka.

1 THISALONIKA 5:3

Chenthu mihnyan hehma, “Chentô pejô mêmo ngale kho lâpetih,” ngama thonghun lahma dângko, lemlienma thinnâng chêmchei ehûa! Erepa lemlienma dihiaknyu naachhat rãng wok hôngchetwah rãngrãng ehong hûa, ngale mihnyan hehmin lepemin.

1 TIMOTHI 1:15

Arepa toangtang ngale senthemthem putedâlem lihma kepthin ngin: Jisu Krista hahtokkhoh ko papi mihnyan heh pepângrãng kaera. Phumma ere khukowah Nga a papi thôan,

TITAS 2:11

Chenrãngma ngako Joban ma ate mînchenchaan pa chentô mihnyan nyuchha heh khope rãng loatsiet eka.

HIBRU 1:1

Amako Joban ma nãngte nãngwa hehnâng mõng heh junma melengdep ngale meleng lemkhô ngema chohjabwah,

HIBRU 1:14

Eroh medang ako, ngintatte heh chennia? Thin a Joban nâng soam atôteju, ngale Joban ma khope chohte mihnyan hehnâng chohsokrãng chienkat era.

HIBRU 1:2

rohkomin athôan sanpoatko atema nãngkhu nâng ate Chha junma chohjab ehi. Ate junma Joban ma rangkhen pa hôanwah, ngale atema athôanko chentôpa chohrãng Joban ma ren eka.

HIBRU 12:25

Erohwah jetletma dangen, ngale ere hôngjabte ngin letat nekdangen. Henhenma rangkhethung wah Joban ngin are hahtokkhoh ko thôkohte heh nginlekep dangeka ere mihnyan heh henmin leta pemin. Eroh medang ako, nãngma rangkhethung ma hahtokkhoh ko jabkatte ngin lekep medang eko chenroh jienpemin a!

HIBRU 4:1

Joban ma jabtah boanjek tôngthin pa nãngma chohrãng athângheh Joban ma nãngnâng toamsem ehi. Erohwah, nãngkhumin jetlihma dange, atema boanjek kohrãng toamsem tahpa henmejô lechoh nekchen dangeken.

HIBRU 4:11

Erohwah, nãngkhumin ere boanjek pa chohtôngrãng latriie, erohkoba nãngte nãngwa hehma leputedâlem junko boanjek lechoh dangtah rãngrãng nãngkhu wathejô nekchen dangeki.

HIBRU 5:9

Chenthu atea chentô noma asenthôan dângthuk phumma, ate ngin kepte chentô mihnyan hehnâng atema roantang roanjêng khope pa koheka,

HIBRU 9:28

Ererãngrãng ajahthem mihnyan heh pap sâsiet kohrãng Krista ma atedede roandôngpa kohlahma ritwah. Phumma ate ademin rekthe engak kara, rohkomin erepa pap sâsietrãng dangmah, rohkomin ate bemlâte mihnyan heh papwah pêsietrãng engak kara.

1 JON 1:1

Nima nenâng rangbeng hahbeng thuwah roandông Jabkhab junma thôkoh rãng raangeka. Nãngma ere Jabkhab junma chohtattih, ngale nãngma erepa nãngdede mitma chohkhetih; nãngma erepa khetih, ngale nãngdek memin ereko sahlotih.

JUD MA RAANGWAH SITI 1:17

Ngalemruchha heh, rohkomin, amako nenâng nãng Teso Jisu Krista moattat chhoante hehma chenni thôkohthen a ereheh thonghuntan en.

LOATKHESOK 7:10

Thinma chaanmõang rakwah: “Nãng Khope pa tôngthin kowah tôngte nãng Joban ngale Saakchha ngewah kaera!”