HIBRU 2:2 - NIEMNYAN Naga NT (BSI)

² Nãngte nãngwa hehnâng rangwah Joban ngintatte hehma thôkotah ngin heh toangtang dângwah, ngale henhen erengin junko ledang ngale erengin pa lekep dangtah a erehehma chêmchoh tah.

HIBRU 2:2 Iomraidhean Croise

MOATLEM 7:53

Nea Joban wah Niemarang heh chohte dângwah, erepa Joban ngintatte hehma chohkoh katwah - rohkomin ereheh nema kepmet!”

GALATIEN 3:19

Eroh medang ako Niemarang pa chenrãngma kohwah a? Erepa mihnyan hehma kaamchhih moeka pa khesokrãng kohwah, ngale erepa Joban ma Abraham chhuchha rãngma toamsem tahpa kat sanpoat tôkorãng kohwah. Ere Niemarang pa rangkhethung wah Joban ngintatte hehma mihnyan nyuchha le Joban tungko ngin mêthôte mihnyan wathe keplahma chohkoh wah.

HIBRU 1:1

Amako Joban ma nãngte nãngwa hehnâng mõng heh junma melengdep ngale meleng lemkhô ngema chohjabwah,

HIBRU 10:28

Henma komin Mosa Niemarang pa lekep medang ako, wanii ba warem mihnyan hâkhi demnâng athe menga tahko lemînchen thangma ritphe rewah.

HIBRU 10:35

Erohwah nehung nekchha en, chenrãngma ngako, erepumma nenâng nyahrãng thãchaan khope pa ekephukoh hèn.

HIBRU 11:26

Atema Igip wah chentô chhahkhem le ngun akem heh noma Misaia rãng chêmchoh peba asen ngama hunwah, chenrãngma ngako, atema khedi wah rangkep pa adong thônghun wah.

HIBRU 11:6

Henmemin putedâlem aho thangma Joban rin leta methukmin, chenrãngma ngako, henhen Joban tânâng hûeka erehehma Joban pa tonga, ngale ate lêmte hehnâng Joban ma thã kohmin ngama putedâlem min.

HIBRU 12:25

Erohwah jetletma dangen, ngale ere hôngjabte ngin letat nekdangen. Henhenma rangkhethung wah Joban ngin are hahtokkhoh ko thôkohte heh nginlekep dangeka ere mihnyan heh henmin leta pemin. Eroh medang ako, nãngma rangkhethung ma hahtokkhoh ko jabkatte ngin lekep medang eko chenroh jienpemin a!

2 PITER 1:19

Erohwah mõng hehma thôtah nginkong hehnâng nima linlin ngama nyahrãng putedâlem eki. Nema min ere nginko hungkoh letma mejetat enko asen edanga, chenrãngma ngako erepa wentit pumma Rangwoma maleplep rangnyek ko phiaktoak rãngrãng, ngale nehung nâng rangkhah wah merit ma phiakkat wah rãngrãng edangen.

JUD MA RAANGWAH SITI 1:5

Chenrãngma ngako, nekhuma areheh phangtang mejô mejet enkomin, Ngama nekhu nâng ngakthôkoh huneka, Teso ma rekthe Isrial mihnyan heh Igip khenwah pêsietwah, rohkomin adiko henhenma leputedâlem dangtah a ere mihnyan heh phangtang ritphe rewah.