HIBRU 2:10 - NIEMNYAN Naga NT (BSI)

¹⁰ Chentô hôante Joban ngale Joban ma chentôpa aterãng jôba hôanwah. Ngale ere Joban pumma ajahthem mihnyan hehnâng ate mîndông demko johroamthuk rãngma, atema Jisu nâng chêmchohthuk lahma thinkho tâpêsiette rãng hôanwah, ngale ere moatlem moat chaanpa Joban nâng jôba tongeka. Chenrãngma ngako, thin khope lemkhôko Jisu ma senwên eka.

HIBRU 2:10 Iomraidhean Croise

LUK MA RAANGWAH NGINKONGSEN 13:32

Jisu ma thinnâng dânthâng wah, “Wãngletma ere hien ko thôkoh en: ‘Ngama juchhih junlo re ekang ngale thejâ ngale nènep, tungko ngama khoanchet heh mesiet ereang, ngale jârem jâko ngamoatlem heh phangtang etamo ang.’

LUK MA RAANGWAH NGINKONGSEN 2:14

“Rangkhethung choangthôan nâng Joban mîndong thukeka, ngale hahtokkhoh ko hendemnâng ate rinme eka ereheh mêmo chendanga!”

LUK MA RAANGWAH NGINKONGSEN 24:26

Misaia ma ere chêm heh chohlahma atema mîndông chohmin ngama nema lejetwah ne?”

LUK MA RAANGWAH NGINKONGSEN 24:46

ngale thinnâng ngatwah, “Aroh raanglahma tonga: Misaia pa metkep echêm a ngale jârem diko ritwah engakhin a,

JON MA RAANGWAH NGINKONGSEN 11:52

ngale atelolo rãng ledang, Joban nâng putedâlemte mihnyan phoangphan chhoan eka heh wathe mihnyan rãngrãng roamsiet hokrãngma jabwah.

JON MA RAANGWAH NGINKONGSEN 19:30

Jisu ma ere angurti pa joklahma, “Arepa lâthôantah!” ngatwah. Erediko ate khongut lahma ritwah.

MOATLEM 3:15

Roandông khope kohtepa nema ritphetet, rohkomin Joban ma ate ritwah ngakhinsiettah - ngale erepa nima mitma khelihma thôeki.

MOATLEM 5:31

Joban ma ritwah ngakhinsiet lahma, Isrial mihnyan hehnâng hunglit sanpoat kohlahma thinpap heh map kohrãng ngama ate dekchahko lemsênte ngale Pângte rãng dangthuk lahma tongthuk eka.

ROMAN HEHNÂNG POLMA RAANGWAH SITI 11:36

Chenrãngma ngako chentôpa atema hôanwah, ngale chentôpa ate junma hin ajoeka ngale aterãng tuta hin ajoeki. Joban mîn roantang roanjêng adong chendanga! Amen.

ROMAN HEHNÂNG POLMA RAANGWAH SITI 9:23

Ngale Joban ma ate mîndong pa khesok huneka, ere mîndong pa Joban ma ate ngewah mînchen chohte heh khohnâng koheka. Ngale Joban ma ere mîndong pa chohrãngma nãngkhu khoakhem ehi.

1 KORINT 2:7

Ngama phoangthô ekang buthi mongthem pa Joban buthi mongthem, erepa mihnyan nyuchha ma lejet dângwah, rohkomin are hahtokkhoh hôan mama Joban ma erepa nãngkhu mîndông thukrãng rênwah.

1 KORINT 8:6

Joban pa wathelolo jôba, erepa nãngkhu Wa, atea chentôpa têm atiakte, ngale ate junma nãngkhu hin joeki; ngale Teso min wathelolo jôba tonga, erepa Jisu Krista, ate junma jôba chentôpa têm atiekwah, ngale ate junma jôba nãngkhu hin joeki.

2 KORINT 3:18

Erohwah nãngkhu chentôma thhenphang pa letanghep thangma Teso rãngrãng dange; ngale Teso wah phiak eka Ju pumma nãngkhumin ate rãngrãng litsiet lahma jêngdong dongphiak chenphiakthuk hi.

2 KORINT 4:17

Ngale nãngma athâng wah amãnchha sanpoat rãng chemchoh eki pumma, athâng wah chemchoh ko tâthakli ledangdông roantang roanjang rãng khuhah ekep hûkohhi.

2 KORINT 5:18

Are chentôpa Joban ma moeka, nãngkhua ate ran dangtihpa Krista junma ate lemruchha rãng lâlitsietthi, ngale mihhan hehmin ate lemruchha rãng hôanrãng moatlem pa nãngnâng kohehi.

2 KORINT 6:18

Nga a ne Wa rãng edangang, ngale nea echha delachha ngale dihiak chha edangen, arepa adongthôan Teso ma jabeka.”

GALATIEN 3:26

Putedâlem junma Krista demnâng roamletma nekhu phangtang Joban Chharãng dangeken.

IFISIEN 2:7

Atema are moeka pa, ahokmin sanpoat roakweih Jisu Krista junma atema nãngnâng ate mînchenchaan ngale hun achet pa atâthakli ledang dông tonga, ngama khesokrãng moeka.

IFISIEN 3:10

Joban ma thonghun ekapa rangkhethung wah chentô pênte ngale chaan ahang kepte hehma athâng hehwah Asâthem heh junma ate ngewah jatrup buthi mongthem pa chenhea ngama thonghun eka.

KOLOSIEN 3:4

Krista pa ne roandông linlin, ngale chenthu ate mehong tahko, nemin ate demnâng johhong letma ate mîndôngko ejohroam en!

2 TIMOTHI 2:10

ngale are chentô chêmchei pa Ngama Joban ma ren eka mihnyan hehrãng chêm ekang, ngale erepa thin memin Jisu Krista junma koheka khope pa chenmam choh a ngama chêmrii ekang, ngale roantang roanjêng khuhah nâhah edangwak a.

HIBRU 12:2

Nãng mitma Jisu nâng thongthong sûlihma tonge, chenrãngma ngako khebengma danglahma athôan kotuk atema jôba nãng putedâlem pa senthemthem dangthuk ehi. Atea bãngphak khohko rittekrit ran cheiho! Erenoma, Joban ma ate mawah khuhah nâhah thienkoh ekapa thonghun lahma bãngphak khohko rêsê rephe rittekrit pa chenjô dangmah ngama thônghun wah, ngale erohwah atea athângheh Joban tôngthin dekchah ngeko tongeka.

HIBRU 6:20

Melkizidik soam aroakte ma ngatah rãngrãng Jisu nãngrãngma nãngmako roantang roanjêng soam aroakte adongthôan dângrãng wãnglaeka.

HIBRU 7:26

Erohwah Jisu a nãngma lem eki heh chohkohrãng Soam Aroakte Adongthôan. Atea Asâthôan; atenâng chenni achhihmin aho, ngale atenâng papmin aho; atea papi mihnyan heh demwah araangraang dangthuk eka ngale rangkho liennâng tongwãngthuk eka.

HIBRU 7:28

Mosa Niemarang pumma mihnyan chhih hehmin soam aroakte adongrãng tâdâng thukwah; rohkomin Mosa Niemarang diko Joban ma ate Chhapa Soam Aroakte adong dangthuk lahma mihnyan heh demnâng toamsêm pa hôanwah, ngale ate jôba roantang roangjêng rãng nyahrãng asen dangthuk eka.

1 PITER 1:12

Joban ma ere mõng hehnâng thin moatlem pa thindede wokphoatrãng dangmah ngama loatjetthuk eka, rohkomin thinma nekhurãng moatwah, ngale rangkhethung wah chienkat era Asâthôanju chaan junma Nginkongsen phoangthôte mihnyan hehwah nema athângheh chohtat eken ngin heh thinma nekhurãng jabeka. Are heh rangkhethung wah Joban ngintatte hehmemin jet huneka.

1 PITER 5:1

Ngadede min Asâthem heh khhepho phannang danglekma nekhuchhang wah Asâthem heh khhepho phannang hehnâng rosep eka. Ngama Krista ma chêmchoh tahpa khetek, ngale chenthu ate mîndong lahma nãngnâng khesok jâko Ngamin ereko ejohroam ang. Ngama nenâng rosep eka

1 PITER 5:10

Rohkomin nema poatthe chharãng chêmchoh diko, chentô mînchenchaan kohte Joban, ngale Jisu Krista demko roamletma ate mîndongko johroam thukrãng neroote Joban pumma ate dedema nekhu sâsiet lahma rongtêngtêng edangthuk hèn, ngale chaankoh lahma putedâlem senthemthem edangthuk hèn.

LOATKHESOK 4:11

“Ni Teso ngale Ni Joban! Nangma jôba mîndông, toak asân, ngale chaan ahang heh tâchohmin. Chenrãngma ngako, chentôpa Nangma jôba hôanwah, ngale Nanghung junko nangma hin ajo thuk eko ngale roandông koh eko.”

LOATKHESOK 7:9

Arediko Ngama sûtekpa, loangchhang dôngmõang khewah - ere mihnyan heh henmemin lephangleng roakweihtô dângwah! Thin a chentô mihnyan nyuchha jat apat, diak akan, jab ajâ, hehwah dângwah, ngale thin a khetpo pa kep ngale thin dekko pam bãngdek heh semlahma Saakchha tôngthin mathahko cheplahma dângwah.