HIBRU 13:1 - NIEMNYAN Naga NT (BSI)

¹ Kristan pho anaa rãngrãng wathema wathe nâng hun achhâmîn letma tongen.

HIBRU 13:1 Iomraidhean Croise

JON MA RAANGWAH NGINKONGSEN 15:17

Erohwah ngama arepa nenâng chieneka: wathema wathe nâng hunmîn en.

MOATLEM 2:1

Pentikos rangwojâ hokko, chentô putedâlemte heh phangtang thethenâng roamkhôan wah.

MOATLEM 4:32

Putedâlemte heh hung arin nâng wanthe danglahma tôngwah. Henmemin ate chhahkhem pa ngathiak ngama ngatte aho dângwah, thinthiak chentô tonga, ereheh anga ngama aroam roamma kepwah.

GALATIEN 5:13

Ngalemruchha heh, nekhu rãngma dangeka, nekhua Joban ma hungsiko tongrãng rooehèn. Rohkomin, nehungsiko dangeken junma, ne hei angem phoangma chenni huneka erejunko nekdangen. Erenoma, hun achhâmin letma wathema wathe nâng chohsûmîn en.

GALATIEN 5:22

Rohkomin Joban Juma hun achetmîn, khuhah nâhah, mêmo, hungmôngma tadô, mînchen, asenli, ngale putedâlem,

GALATIEN 5:6

Chenrãngma ngako chenthu nãnga Jisu Krista demnâng meroam tihko, khoankhen niem mehôan ekomin, ba lehôanjô medang ekomin erepa chenjô mâmâ dangmah; hun achet demko putedâlem peba lemeka.

IFISIEN 4:3

Ju junma nekhu mêmo pumma roamkhhek ehèn rãngrãng, roantangma jutjut jaangjaang dangletma tongen.

IFISIEN 5:2

Ne roandôngko hun achhâmin letma songtongen, chenroh Krista ma nãngnâng hunlahma ate roandôngpa Joban rinmeli tum amengli heh rângkoh arãngrãng ate roangdong pa nãngrãngma kohwah, ererãngrãng nekhumin hun achhâmin en.

2 THISALONIKA 1:3

Lemruchha heh, nekhurãng nima Joban nâng sanpoat roakweih dangkoh a ngaeki. Nima are dangkoh a ngaeki pa angat khônâng ngaeki, chenrãngma ngako, ne putedâlem pa nyahrãng dongeka, ngale nekhuma wathema wathe nâng hun achetmîn pemin nyahrãng dongeka.

HIBRU 10:24

Erohwah wathema wathe nâng thonghunmîn e, ngale wathema wathe nâng chohsûmîn re e, erediko hun achet khesokmîn lihma asenli moe.

1 PITER 1:22

Ade phumma nema toangtang nginkepkep dangletma nedede lâsâ sietriitet ngale putedâlemte mihnyan ahan hehnângmin nyahrãng hung arin kohletma lâhuntet, nekhu hung arin phangtang khenwah wathema wathe nâng hun achhâmîn en.

1 PITER 2:17

Anga nga demnâng asen tuta dangen, putedâlemte ahan hehnângmin hun achhâ en, Joban dongthuk en, ngale Chofa rancheichei dangen.

1 PITER 3:8

Athôanko dangeka: Nekhu anga nga hungthe rinthe ngale mãnthe tuta thonghun en; wathema wathe nâng hun achhâmin en, mînchenmîn re en, ngale wathema wathe demnâng numnene dangen.

1 PITER 4:8

Chentô nomemin adongpa, wathema wathe nâng nyahrãng hun achhâmin en, chenrãngma ngako hun achetmîn pumma jahmõang pap heh mumsiet eka.

2 PITER 1:7

nema Joban jetleko Kristan rãngrãng mînchenmîn en; ngale Kristan rãngrãng mînchenmîn leko hun achetmîn re en.

1 JON 3:23

Atema chien ehipa, nãngma ate Chha Jisu Krista nâng putedâlem, ngale wathema wathe nâng hun achetmîn rãng chien ehi, ngale Krista memin eroh jôba chien ehi.

1 JON 4:20

Nãngma Joban nâng huneki ngalihma, nãngpho anaa hehnâng memitchek eko, nãnga mothô. Chenrãngma ngako, nãngma mitma khe mihnyan hehnâng lehun medang eko, mitma lekhe Joban nângjã chenthujô jienhunmih.

LOATKHESOK 2:4

Rohkomin ererãngma Ngama nenâng senchohmah: Nema Nganâng khebeng thuko huntha rãngrãng athângheh eretô hunmahha.