HIBRU 11:1 - NIEMNYAN Naga NT (BSI)

¹ Putedâlem pa nãngma metkep chohmin ngama dâlem ekiko ngaeki, ngale ere putedâlem pa nãng mitma lekheko metkep echoh e ngama dâlem ekiko ngaeka.

HIBRU 11:1 Iomraidhean Croise

MOATLEM 20:21

Jews le Jews ledangte hehnâng khoakthema nepap moatlem wah jekletma Joban tânâng ngakhûren ngale Teso Jisu nâng putedâlem en ngama thôkotah.

1 KORINT 13:13

Rohkomin are wanrem kowah: Putedâlem, akhâ, ngale hun achet; phumma are wanrem kowah adongthôanpa hun achetmîn pa.

2 KORINT 11:17

Rohkomin athâng heh ngama chenni jab ekanga erepa Teso ma nganâng jabthuk hun ehang heh dangmah; ngadede aroh rângthôrii ekangpa linlinjô aba rãngrãng rângthôrii ekang.

2 KORINT 4:18

Chenrãngma ngako nangma mitma khelinâng ledang mitma lekhenâng hung kohlihma tongeki. Chenpa mitma khe ekia erepa sanpoatthe rãngba khe eki, rohkomin chenpa mitma lekhe a erepa roantang roangjêng rãng.

2 KORINT 5:17

Hen akomin Krista demnâng dangeka atea anyan lâdangtah; apã pa chhoantah, anyan pa lâhûtha.

2 KORINT 5:7

Chenrãngma ngako, nãng roandôngpa putedâlem junma hin ajoeki, mitma kheki junma dangmah.

2 KORINT 9:4

Chenrãngma ngako, Mesidonia wah mihnyan heh nga demnâng johhû lahma nema chohsê heh lekhôanse tongla letma mekhehû hènko, nia chentô rêsêli dângmin a, nerêsê pejã chêmthôli dangmah - chenrãngma ngako ngama nenâng nyahrãng dâlem lahma rângthôwah!

GALATIEN 5:6

Chenrãngma ngako chenthu nãnga Jisu Krista demnâng meroam tihko, khoankhen niem mehôan ekomin, ba lehôanjô medang ekomin erepa chenjô mâmâ dangmah; hun achet demko putedâlem peba lemeka.

TITAS 1:1

Joban haa ngale Jisu Krista moattat chhoante Pol ngewah raangeki. Nga Joban mihnyan heh putedâlem pa rôngsiet erediko nãng rangsoam niem pumma Joban toangtang ngin hethôeka heh thinnâng hethô rãng renlahma chienchhoan ehang,

HIBRU 10:22

Erohwah nãnghung ma achhih thonghunki hehwah sâsietrii ngale nãng phoangpa josâma sâsoan wah rãngrãng danglihma hungsâ ngale senthemthem putedâlem lihma Joban tânâng namhûe.

HIBRU 10:39

Nãnga Joban tâwah ngakchhoan lahma mahritte mihnyan heh dangmih. Erenoma, nãnga Joban nâng putedâlem lihma khopete mihnyan.

HIBRU 11:13

Are mihnyan hehma marii riiko putedâlem lahma tôngwah. Thinma Joban ma toamsem tahpa chohho, rohkomin thinma ataangma khelahma khuhah nâhah dângwah, ngale nima are hahtokkhoh ko mihwun ngale hum ahah hote ngama thindedema loatjabwah.

HIBRU 11:27

Putedâlem junma Lowang rinkhahran lechei thangma Mosa Igip wah loatchhoan wah. Atema mitma lekhe Joban pa khe eka lele danglahma Igip nâng ngakwâng rãng lenyoak dângwah.

HIBRU 11:7

Putedâlem junma Noa ma atenâng Joban ma khedi wah dângwâng ngin thôkotah heh ate mitma lekhejô medang akomin Noa ma putedâlem wah. Atema Joban ngin keplahma Noa ma khôankho hôanwah, ere khôankhoko ate ngale ate humte tangkâ heh pewah. Phumma hahtokkhoh pa chhihsiet rewah, rohkomin, putedâlem junma Noa nâng Joban ma toangtang thôan ngatwah.

HIBRU 2:3

Eroh medang ako, nãngma areto khope dongthôanpa lekep medang eko chenroh jienpemin a? Khebengko are khope pa Teso ma ate dedema bengloatthô kohwah, ngale henhenma ate ngin chohtattah a ereheh memin nãngnâng arepa toangtang ngama khesok ehi.

HIBRU 3:14

Chenrãngma ngako, nãngma khebengwah putedâlemtih rãngrãng athôan kotuk rongtêngtêng medang eko, nãngkhu anga nga Krista demnâng aroamma etadange.

HIBRU 3:6

Rohkomin Joban humko Krista ma Chha danglahma senthemthem putedâlem lahma moeka. Erohwah, nãngma chenni nâng khalihma putedâlem ekia ererãngma nãnghung dongdong, ngale senthemthem putedâlem lihma metong eko nãnga ate hum.

HIBRU 6:12

Nima nekhua ajõ dâng hunmah, rohkomin putedâlem lahma hung tâmôngloatte dangen ngama huneka, ngale eroh moletma Joban ma toamsem tahpa choh en.

2 PITER 1:1

Jisu Krista moattat chhoante ngale ate haa Simon Piter ngewah- Nãng Joban toangtang junma ngale nãng Pângte Jisu Krista junma ni rãngrãng putedâlem sen chohte hehnâng raangeka: