HIBRU 1:3 - NIEMNYAN Naga NT (BSI)

³ Joban mîndong lahma phiak ekapa atenâng chohkhe eki, ngale atea alinlin Joban rãngrãng, ngale ate jabkhab chaan pumma rangkhen pa roieka. Chentô mihnyan nyuchha heh pap rãngma map thâkoh diko, chentô noma achaanthôan Joban dekchah ngeko rangkhethung nâng tongwãng eka.

HIBRU 1:3 Iomraidhean Croise

MATHIU 22:24

Thinma ngatwah, “Hethôte, Mosa ma ngatwah, delawa wathe chha machhama merii ako, atema phethien eka janthoinyu pa ate naa pumma chhachhat rãngma ngakkepmin, phumma ere wanii pumma chhaeka pa rit retahwa chha ngama ngatmin.

MAK MA RAANGWAH NGINKONGSEN 16:19

Teso Jisu thin demnâng jabmîn diko, atea rangkhethung nâng toansietwên lahma Joban dekchahko tôngwãngwah.

JON MA RAANGWAH NGINKONGSEN 1:14

Jabkhab pa mihnyan nyuchharãng litdang kaera, ngale atenâng mînchenchaan, ngale toangtang pa mênchong danglahma nãngdemnâng songkaera. Nãngma ate rânghôngpa kheki, ererânghông pa ate Wa Chha atelolo dângthã rânghông chohlahma khe eki.

JON MA RAANGWAH NGINKONGSEN 1:29

Eredijâko Jon ma Jisu ate tânâng wãng lahma khewah, ngale eko atema ngatwah, “Sû en, hahtokkhoh wah pap hênphete Joban Saak pa anã!

JON MA RAANGWAH NGINKONGSEN 1:4

Jabkhab ko roandông dângwah, ngale roandông pumma mihnyan nyuchha nâng wenphiak kephûkoh era.

MOATLEM 2:33

Atea ritwah ngakhin lahma Joban, ate Wa dekchahko tongwãngtah, ngale Joban ma toamsem tah Asâthôanju pa atema chohtah. Athângwah nema chenni khe eken a, ngale chentat eken a, ereheh atema nãngkhu khohnâng hînhô kohkat ehi.

MOATLEM 7:56

Atema ngatwah, “Sûtan en!” “Ngama rangkhethung pa laanglahma khewên ekang, ngale Mihnyan Chhapa Joban dekchahko cheplahma khewên ekang!”

ROMAN HEHNÂNG POLMA RAANGWAH SITI 1:16

Ngama Nginkongsen ko nyahrãng dâlem ekang; arepa chentô putedâlemte heh pepâng thin Joban chaan, khebengko Jews heh ngale Jews ledangte hehmin.

ROMAN HEHNÂNG POLMA RAANGWAH SITI 8:34

Eroh medang ako ereheh nâng henma athe ngama tângatmin a? Riilahma ngakhintah Jisu Krista pumma Joban dekchahko tonglahma nãngrãngma Joban nâng rosep kohehi!

2 KORINT 4:4

Thinma chenrãngma leputedâlem rewak eka ngako, thinhung arinpa are hahtokkhoh kowah joban chhih pumma rangnyek nâng thien junko leputedâlem rewak eka. Ngale thin a joban chhih pumma linlin Joban rãngrãng dângte Krista mîndông Nginkongsen wen kowah thinkhoh nâng phiakkat ekapa khethuk mah.

KOLOSIEN 3:1

Nea Krista demnâng ritwah lângaksattet, erohwah nehung hehmin rangkhethung wah hehnâng koh en, enâng Krista ate Lowang tôngthinko Joban dekchahko tongeka.

TITAS 2:14

Nãngkhu rongrup achhih ngewah pepângrãng ate roandôngpa ate dedema kohwah, ngale ate rãngma nãngkhua mihnyansâ dangthuk ehi, ngale roantangma moatlemsen moathunte mihnyan rãng hôanehi.

HIBRU 1:13

Joban ma rangwah ate ngintatte wathe nângjô aroh ngaho: “Are Nga dekchah ngeko tongo Ngama nangran heh nang daphâ khenko danek thinrãng mahôan hôankoh kiko.”

HIBRU 10:12

Phumma Krista ma paprãng ditthe lolo ate roandông kohtahpa roantang roangjêng rãng lâletah, ngale erediko atea Joban dekchahko tongwãng eka.

HIBRU 12:2

Nãng mitma Jisu nâng thongthong sûlihma tonge, chenrãngma ngako khebengma danglahma athôan kotuk atema jôba nãng putedâlem pa senthemthem dangthuk ehi. Atea bãngphak khohko rittekrit ran cheiho! Erenoma, Joban ma ate mawah khuhah nâhah thienkoh ekapa thonghun lahma bãngphak khohko rêsê rephe rittekrit pa chenjô dangmah ngama thônghun wah, ngale erohwah atea athângheh Joban tôngthin dekchah ngeko tongeka.

HIBRU 4:14

Erohwah, nãngkhuma thôeki putedâlem ko rongtêngtêng lolihma putedâlem e. Chenrãngma ngako, Joban tâko tongwãng lahma nãngkhurãng Soam aroakte adongthânpa tonga erepa Joban Chha Jisu.

HIBRU 7:27

Atea ahân soam aroakte adong heh rãngrãng dangmah; atema rangwo roakweih khebengko atedede paprãng bengjoap dikoba mihheh rãngma joapsoapkoh dangmah. Atema chenthu atedede roandông kohlahma rekthe joapsoaptah, ere rekthe joapsoap tahpa roantang roangjêng rãng joapsoap eka.

HIBRU 8:1

Nima chentô jabeki nginpa dangeka, nãngrãngma soam aroakte adongthôanpa rangkhethung wah Joban tôngthin dekchah ngeko tongeka.

HIBRU 9:16

Henma komin ate ritdiko ate chhahkhem heh keprãng mihdemnâng kah mekhetmîn ako, ere chhahkhem kepte pumma atenâng kahkhette pa riitah ngama jetmêngmin,

HIBRU 9:26

eroh dângngako, atemin rang ahah hôanthu mejô butbut chêmrii lahma dângmin wah. Phumma, chentô rangkuh sanha hehrangma athôan sanpoat pa namhok phumma, atema roantang roangjêng rãng rekthe lolo kalahma, atedede roandôngpa kohlahma pap heh sâsiet kakoh ehi.

1 PITER 1:21

Ate junma nekhuma ate ritwah ngakhinsiet lahma atenâng mîndongthôan kohte nâng putedâlem eken; ngale erohwah nema Joban nâng putedâlem ngale tok anâ re eken.

1 PITER 3:22

Atea rangkhethung nâng wãngtah, ngale Joban dekchah ngeko tonglahma chentô rangkhethung wah Joban ngintatte heh pêneka, ngale rangkhethung wah thôte jabte, erediko chaan ahang demnâng tôngte heh pêneka.

2 PITER 1:16

Nima nenâng nãng Teso Jisu Krista chaan demnâng ngakkat nginkong thôko tahheh mihnyan nyuchha ma hôanwah ngin thôkoh dangmah. Nidede mitma Jisu Krista mîndông pa khelihma thôkoh eka.

2 PITER 1:17

Chenthu Wa Joban ma ate mîndong thuktah poatko nimin eretheko dângwah. Chentô noma mîndongthôan chohte pumma atenâng aroh ngatwah, “Arepa Echha linlin Ngama atenâng nyahrãng hun ekang, ngale Nga ate demnâng nyahrãng rinme ekang!”

1 JON 1:7

Phumma ate chenroh wenphiak nâng tongeka-ererãngrãng nãngmin wenphiak nâng eroh metong eko wathema wathe demnâng aroamma tongeki, ngale ate Chha Jisu hei pumma nãngpap chentô hehwah lâsâsietthi.

1 JON 3:5

Nema ajet Krista pa pap heh sâsietkoh rãng hongwah, ngale ate nâng pap aho dângwah.

JUD MA RAANGWAH SITI 1:25

ngale nãng Teso Jisu Krista junma wathelolo nãng Pângte Joban pejôba mîndong, erediko adongthôan, achaanthôan, ngale chaan ahang kepte, ama komin, athuheh min, ngale roantang roanjêngma dângmin! Amen.

LOATKHESOK 3:21

Chenroh Ngama phangtang tajien lekma Ewa tôngthin tâko ate kêko tongwãng ekang rãngrãng, henhenma phangtang tajien eka erehehmin Ngama Nga tôngthinko Nga tâko etongthuk ang.

LOATKHESOK 4:11

“Ni Teso ngale Ni Joban! Nangma jôba mîndông, toak asân, ngale chaan ahang heh tâchohmin. Chenrãngma ngako, chentôpa Nangma jôba hôanwah, ngale Nanghung junko nangma hin ajo thuk eko ngale roandông koh eko.”