HIBRU 1:2 - NIEMNYAN Naga NT (BSI)

² rohkomin athôan sanpoatko atema nãngkhu nâng ate Chha junma chohjab ehi. Ate junma Joban ma rangkhen pa hôanwah, ngale atema athôanko chentôpa chohrãng Joban ma ren eka.

HIBRU 1:2 Iomraidhean Croise

MATHIU 13:39

ngale hinken wênkohte ranpa joak ajo heh. Chhah pômûn pa rangle hahkho thôan sanpoat pa, ngale chhah munchoan khênte heh Joban ngintatte heh.

MATHIU 17:5

Ate jabmîn thuko, thinkhoko phoam phiakjaja bukhok wah, ngale phoam kowah jabkhab hongjab lahma ngatwah, “Arepa nga Chha linlin, ngama Atenâng nyahrãng hun ekang, ngale nga ate demnâng nyahrãng rinme ekang-ate ngin tat en!”

MATHIU 21:38

Phumma ate chhapa khelahma erekowah moatte heh thindede tungko thômîn wah, ‘Tângte chhapa lâkatha, chepen, nãngma ate chhapa ritphe lihma are angurthongpa nãngrãng kep e!’

MATHIU 26:63

Rohkomin Jisu kihchepchep tôngwah. Eredikomin soam aroakte adong pumma atenâng ngatwah, “Ahinte Joban mînko toamsem lekma nangnâng ngaeki: Ninâng thôkohhi, nanga Joban Chha Misaia ne.”

MATHIU 28:18

Jisu thintâko hehka lahma thinnâng ngatwah, “Nganâng Rangkhethung le hahtokkhoh kowah chentô Chaanpa lâkoh thang.

MATHIU 3:17

Ngale rangkhethung wah jabkhab hongjab katwah, “Arepa ngachha, ngama Atenâng nyahrãng hun ekang, Ate demnâng nga nyahrãng rinme ekang.”

MAK MA RAANGWAH NGINKONGSEN 1:1

Arepa Joban Chha, Jisu Krista Nginkongsen.

MAK MA RAANGWAH NGINKONGSEN 12:6

Tângte pumma nyahrãng hunlahma thieneka ate chha wathelolo peba machienkat dângwah. Khedithôan ko aroamrãng mothuktah heh tânâng ate chhapa chienkatwah. Atema ngatwah, ‘Ngama thonghun ekang, thin ngachha ran metkep echeiwak a.’

MAK MA RAANGWAH NGINKONGSEN 12:7

Phumma aroamrãng motah hehma thindede tungko jabmînwah, ‘Arepa tângte chhapa. Chepen atemin ritphe e, ephumma ate thiak aman heh nãngrãng edanga!’

JON MA RAANGWAH NGINKONGSEN 1:10

Jabkhab pa hahtokkhoh ko dângwah, ngale ate junma Joban ma hahtokkhoh hôanwah, rohkomin hahtokkhoh ma ate jetlomah.

JON MA RAANGWAH NGINKONGSEN 1:14

Jabkhab pa mihnyan nyuchharãng litdang kaera, ngale atenâng mînchenchaan, ngale toangtang pa mênchong danglahma nãngdemnâng songkaera. Nãngma ate rânghôngpa kheki, ererânghông pa ate Wa Chha atelolo dângthã rânghông chohlahma khe eki.

JON MA RAANGWAH NGINKONGSEN 1:3

Joban ma chentôpa jabkhab junma hôanwah; ate aho thangma lithemin hôanho.

JON MA RAANGWAH NGINKONGSEN 13:3

Wama nganâng chaan kohlahma chentôpa ngakhennâng lâdang thuktah ngama Jisu ma jetwah; ngale atea Joban tâwah katwah ngale Joban tânâng ngakwângmin ngamemin jetwah.

JON MA RAANGWAH NGINKONGSEN 13:32

Ngale ate junma Joban mîndong lahma mekhetihko, Joban memin ate junma Mihnyan Chha mîndongthuk lahma ekhe e, ngale erepa atema lemlienma edongthuk a.

JON MA RAANGWAH NGINKONGSEN 15:15

Ngama nenâng haa ngama rootumah, chenrãngma ngako thin tângtewa pumma chenni moeka erepa haa hehma jetmah. Erohwah, ngama nenâng lemruchha ngama rooeka, chenrãngma ngako ngama Ewa wah chentô chohtat ekanga ereheh phangtang nenâng thôkoh eka.

JON MA RAANGWAH NGINKONGSEN 16:15

Ewa ngenâng chentô tongtong apa phangtang ngarãng; erohwah ngama ngaekang, ngama Junâng chennikoh ekanga erepa atema thalahma nenâng ethôkoh hèn.

JON MA RAANGWAH NGINKONGSEN 17:2

Chenrãngma ngako, nangma atenâng chentô mihnyan nyuchha khohko chaankoh eko, ngale nangma atenâng kohtoh hehnâng atema roantang roanjêng lethôan roandông koh eka.

JON MA RAANGWAH NGINKONGSEN 3:16

Joban ma are hahtokkhoh ko nyahrãng hunlahma ate Chha wathelolo pemin koheka, erohwah henhenma atenâng putedâlem eka ereheh leriimin rohkomin thinma roantang roanjêng roandông echoh a.

JON MA RAANGWAH NGINKONGSEN 3:25

Jon dijunte khuthe Jews heh demnâng niemarang junko seksâsoan rãngma chhiakmîn wah.

JON MA RAANGWAH NGINKONGSEN 5:26

Chenroh Wa ngewah roandongchoh ekia ererãngrãng, atema ate Chhapa roandông kohterãng hôaneka.

JON MA RAANGWAH NGINKONGSEN 5:27

Ngale atema Chha nâng achhih asen rênrãng chaankoh eka, chenrãngma ngako atea Mihnyan Chha.

JON MA RAANGWAH NGINKONGSEN 9:29

Nima ajet Mosa demnâng Joban jabmîn rewah; phumma are mihnyan pa chenwah hûera erepa nima ajetjô lemjetmih!”

MOATLEM 10:36

Atema Isrial mihnyan hehnâng ngin matchhoantah pa nemajet en, erepa Jisu Krista junma mêmo Nginkongsen phoangthô chhoanwah, atea chentôrãng Teso.

MOATLEM 2:17

Joban ma ngaeka: ‘Athôan rangwo ko ngama aroh emo ang, Ngama Nga Jupa chentô khohnâng ekoh ang. Nechhu nechha hehma ngangin pa ephoang thôa; Roandông janchhô paangmih hehma thânkhe ere en, ngale teka wiku nekhuma metmãngnâng emãngen.

ROMAN HEHNÂNG POLMA RAANGWAH SITI 1:4

roh-komin atea Asâthôanju junma, ritwah ngakhinsiet lahma Joban Chha ngama khesokwah.

ROMAN HEHNÂNG POLMA RAANGWAH SITI 8:17

Nãnga ate Chha dâng phumma, Joban ma ate Chha hehrãng thienkotah rangpa nãngma kepmin, ngale Joban ma aterãng chenni thienkotah a ereheh nãngma Krista demnâng ejohchoh e; chenrãngma ngako nãng Krista demnâng mejohchêm eko, ate mîndông komin ejohroam e.

1 KORINT 2:7

Ngama phoangthô ekang buthi mongthem pa Joban buthi mongthem, erepa mihnyan nyuchha ma lejet dângwah, rohkomin are hahtokkhoh hôan mama Joban ma erepa nãngkhu mîndông thukrãng rênwah.

1 KORINT 8:6

Joban pa wathelolo jôba, erepa nãngkhu Wa, atea chentôpa têm atiakte, ngale ate junma nãngkhu hin joeki; ngale Teso min wathelolo jôba tonga, erepa Jisu Krista, ate junma jôba chentôpa têm atiekwah, ngale ate junma jôba nãngkhu hin joeki.

GALATIEN 4:4

Rohkomin chenthu sanpoatsen pa hokphumma Joban ma ate Chha chienkat era. Atea dihiaknyu ma chha lahma Jews heh Niemarang khenko sôngtông katwah,

IFISIEN 1:10

Ere themawa ekapa Joban ma sanpoat methang tahko emoa, erepa rangkhethung ngale hahtokkhoh wah atema tem atiak tahheh Krista khhepho khenko phangtang aroamma eroapsiet hûa.

IFISIEN 3:9

ngale Joban ma patritli themawa ekapa chenroh dângmin a ngama chentô mihnyan nyuchha hehnâng khesokrãng mothuk ehang. Chentô têm atiakte Joban pumma atema patritli themawa ekapa amawah lienchhoantah roan hehnâng lekhesok thangma huhthienwah,

HIBRU 1:5

Chenrãngma ngako Joban ma ate ngintatte hehnâng hennângjô aroh ngamah, “Nanga Nga Chha; thejâ phumma Nga nang Wa lâdangtek.” Roh akole Joban ma rangwah Joban ngintatte hennâng thatngatah a, “Nga ate Wa edangang, ngale atea Nga Chha dângmin.”

HIBRU 1:8

Rohkomin Joban ma Chha rãngma aroh ngatwah: “O Joban, nang Hahsông pa roantang roanjêng rãngma etonga! Nangma nang mihnyan heh khoko toangtangma pên eko.

HIBRU 11:3

Nãngma Putedâlem junko are hahtokkhoh pa Joban Jabkhab ma hôanwah ngama jeteka, erohwah nãng mitma chenni khe ekia ere chhahkhem heh mitma lejien khethinwah hôanwah.

HIBRU 2:3

Eroh medang ako, nãngma areto khope dongthôanpa lekep medang eko chenroh jienpemin a? Khebengko are khope pa Teso ma ate dedema bengloatthô kohwah, ngale henhenma ate ngin chohtattah a ereheh memin nãngnâng arepa toangtang ngama khesok ehi.

HIBRU 3:6

Rohkomin Joban humko Krista ma Chha danglahma senthemthem putedâlem lahma moeka. Erohwah, nãngma chenni nâng khalihma putedâlem ekia ererãngma nãnghung dongdong, ngale senthemthem putedâlem lihma metong eko nãnga ate hum.

HIBRU 4:14

Erohwah, nãngkhuma thôeki putedâlem ko rongtêngtêng lolihma putedâlem e. Chenrãngma ngako, Joban tâko tongwãng lahma nãngkhurãng Soam aroakte adongthânpa tonga erepa Joban Chha Jisu.

HIBRU 5:8

Phumma atea Joban Chhajô medang akomin, atema chêm junko Joban nginkepkep dângpa hewah.

HIBRU 7:28

Mosa Niemarang pumma mihnyan chhih hehmin soam aroakte adongrãng tâdâng thukwah; rohkomin Mosa Niemarang diko Joban ma ate Chhapa Soam Aroakte adong dangthuk lahma mihnyan heh demnâng toamsêm pa hôanwah, ngale ate jôba roantang roangjêng rãng nyahrãng asen dangthuk eka.

HIBRU 7:3

Melkizidik nyong awa, ngale ate te awi heh nginkong chenmin aho; ate chhat ngale rit nginkong hehmin aho. Atea Joban Chha rãngrãng; ngale atea roantang roangjêng rãng soam aroakte.

HIBRU 9:26

eroh dângngako, atemin rang ahah hôanthu mejô butbut chêmrii lahma dângmin wah. Phumma, chentô rangkuh sanha hehrangma athôan sanpoat pa namhok phumma, atema roantang roangjêng rãng rekthe lolo kalahma, atedede roandôngpa kohlahma pap heh sâsiet kakoh ehi.

1 PITER 1:20

Atea Joban ma rang ahah hôan mama rênwah, ngale are athôan sanpoatko nekhurãng sênrãngma hongeka.

2 PITER 3:3

Khebeng thôanko nema arepa jet en, athôan rangkuh sanhako mihnyan hehma thindede hung arinma chenni huneka ereheh lolo emowak a. Ngale thinma nenângmin dûmmek jôjêm erehèn

JUD MA RAANGWAH SITI 1:18

Thinma nenâng ngatwah, “Chenthu athôan sanpoat pa mehû theko, nenâng dûmmek jôjêmte mihnyan heh ehonga, ngale ere mihnyan hehma Joban lejet thangma thinhung sisiko edanga.”