HIBRU 1:1 - NIEMNYAN Naga NT (BSI)

¹ Amako Joban ma nãngte nãngwa hehnâng mõng heh junma melengdep ngale meleng lemkhô ngema chohjabwah,

HIBRU 1:1 Iomraidhean Croise

LUK MA RAANGWAH NGINKONGSEN 1:55

Atema Abraham nâng mînchen khesok rãng thônghun wah ngale ate pôali chentô nângmin roantang roangjêng rãng mînchen khesok rãng thonghun eka!”

LUK MA RAANGWAH NGINKONGSEN 1:72

Atema nãngte nãngwa hehnâng mînchentek ngama ngaeka ngale atema asâma toamsem tahpa thonghun eka.

LUK MA RAANGWAH NGINKONGSEN 24:27

Ngale Jisu ma Joban nyapraang nâng ate junma chentô raangtah heh thôkoh wah, Mosa ma raangwah titab pumma danglahma chentô mõng hehma raangtah hehmin thôkoh wah.

LUK MA RAANGWAH NGINKONGSEN 24:44

Erediko atema thinnâng ngatwah, “Ngama are ngin heh nga nedemnâng dângthuko thôkotah: Mosa Niemarang nâng, ngale chentô mõngama, erediko Rangsoam titab nâng ngajunma raangtah heh phangtang linlin dângwângmin ngama.”

JON MA RAANGWAH NGINKONGSEN 16:13

Ephumma chenthu toangtang Ju pa meka theko, atema Joban toangtang pa ekhesokkat hèn, ngale atema nemin toangtang lemnâng esenhèn. Atema atedede hungwah lehong jabmin, rohkomin atema chenni chohtat eka erepa ethôa, ngale khediko chenni dângmin a erehehmin ethôkoh hèn.

JON MA RAANGWAH NGINKONGSEN 7:22

Mosa ma nenâng delachha heh khoankhen niemhôanrãng chienwah (Erepa Mosa ma ledang nete newa hehma hôngmoatwah), ngale erohwah nema delachha heh Pientông jâko khoankhen niemhôan eken.

JON MA RAANGWAH NGINKONGSEN 9:29

Nima ajet Mosa demnâng Joban jabmîn rewah; phumma are mihnyan pa chenwah hûera erepa nima ajetjô lemjetmih!”

MOATLEM 13:32

Ngale nima nenâng nginkongsen pa thôhû koheka: Joban ma nãngte nãngwa hehnâng chenni moatkoh rãng toamsem tah a erepa thin pôali Jisu pa ngakhinsiet lahma athângheh atema nãngrãng mokoh ehi. Rangsoamsê titab khedi kowah ko aroh raangeka, ‘Nanga nga Chha; thejâ nga nang Wa lâdangtek.’

MOATLEM 2:30

Atea mõng dângwah, ngale Joban ma atenâng chenni toamsem tah a erepa atema ajet dângwah: Joban ma Devit chhuchha hehwah Devit dangtah rãngrãng wathe Lowang rãng hôanmin ngama toamsêm wah.

MOATLEM 28:23

Ephumma thinma Pol demnâng rangwo kahtok hôanwah, ngale ere rangwo jâko Pol tongeka theko jahmõang mihnyan hokwah. Rangkhah khowah rangnyek kotuk Pol ma thinnâng Joban Hahsông nginkongpa thôkoh wah, ngale atema Mosa Niemarang ngale Mõng hehma raangwah Joban ngin hehwah thakthô lahma mihnyan hehnâng Jisu junma thôkoh wah.

MOATLEM 3:21

Joban ma khema thuma ate mõng asâ heh junma loatjabtah rãngrãng, chentôpa anyan litdâng sanpoat pa mahû hûko ate rangkhethung nâng etonga.

HIBRU 11:18

Joban ma atenâng ngatwah, “Ngama nangnâng chhuchha kohrãng toamsemtih heh Isak junma echoh o.”

HIBRU 11:2

Tewa rôanpã wah mihnyan hehnâng thinwah putedâlem junko Joban ma sênchohwah.

HIBRU 12:25

Erohwah jetletma dangen, ngale ere hôngjabte ngin letat nekdangen. Henhenma rangkhethung wah Joban ngin are hahtokkhoh ko thôkohte heh nginlekep dangeka ere mihnyan heh henmin leta pemin. Eroh medang ako, nãngma rangkhethung ma hahtokkhoh ko jabkatte ngin lekep medang eko chenroh jienpemin a!

HIBRU 2:2

Nãngte nãngwa hehnâng rangwah Joban ngintatte hehma thôkotah ngin heh toangtang dângwah, ngale henhen erengin junko ledang ngale erengin pa lekep dangtah a erehehma chêmchoh tah.

HIBRU 2:3

Eroh medang ako, nãngma areto khope dongthôanpa lekep medang eko chenroh jienpemin a? Khebengko are khope pa Teso ma ate dedema bengloatthô kohwah, ngale henhenma ate ngin chohtattah a ereheh memin nãngnâng arepa toangtang ngama khesok ehi.

HIBRU 3:5

Joban humnâng Mosa haa rãngrãng danglahma putedâlem nâng asen danglahma moatwah, ngale Joban ma khediko jabthin ngin heh atema thôwah.

HIBRU 4:8

Joban ma toamsem tah boanjek pa Josua ma mihnyan hehnâng kohchhoan dângnomako, Joban ma adiko rangwo ahan rãngma lethe jabtumin wah.

HIBRU 5:5

Ererãngrãng Krista memin atedede Soam aroakte adongthôan rãng dângwah dangmah. Erenoma Joban ma atenâng ngatwah, “Nanga Nga Chha; thejâ phumma Nga nang Wa lâdangtek.”

HIBRU 9:19

Khebengko, Mosa ma mihnyan hehnâng Niemarang kowah chentô Hôkum raangtah heh thôkoh wah. Erediko atema mân le kien hei heh jodemnâng sak lahma, Niemarang titab ngale mihnyan chentô nâng hisop bãngchhong ngale khetruchek keplahma hekwah.