FILIPIEN 4:4 - NIEMNYAN Naga NT (BSI)

⁴ Teso demnâng aroamma dangletma roantangma khuhah nâhahjû dangen. Ngama erepa ademin thethôkoh eka: khuhah nâhah dangen!

FILIPIEN 4:4 Iomraidhean Croise

MATHIU 5:12

Khuhah nâhah dangen, chenrãngma ngako rangkhethung nâng nerãngma nyahrãng hînhô dong thienko lahma tonga. Erohjôba nemawah Mõng dangtah hehmin chêmthuk wah.

MOATLEM 16:25

Rangpen mongtangko Pol le Silas niima rangsoam nungma Joban nâng rangsoamsê selahma dângwah, ngale thindemwah khhekritte ahan hehma atenii nâng jetat lahma dângwah.

MOATLEM 5:41

Moattat chhoante heh ngoang awang heh tâwah khuhah nâhah chhoan wah, chenrãngma ngako, Joban ma thin a Jisu rãngma rêsê tathangte rãng rêndi khuhah wah.

ROMAN HEHNÂNG POLMA RAANGWAH SITI 12:12

Nema dâlem eken pumma khuhah nâhah chendangthuk hèn, chêmpoat komin hungmôngsiet letma tongen, ngale sanpoat roakweih rangsoam letma tongen.

2 KORINT 6:10

Ngale nia chentô hung mechhih ekomin, roantangma khuhah nâhah tongeki; ngale nia tangchhih medang ekomin, nima jahmõang mihnyan techhurãng hôan eki; ninâng chenjô aho rãngrãng medang ekomin, nima linlin rongruppa cheiki.

GALATIEN 1:8

Rohkomin nimejô medang ekomin, ba rangkhethung wah Joban ngintatte heh mejô medang akomin, nima nenâng thôkotah Nginkongsen noma ahan methôhû kohhènko, ereheh chenthumin lemutthin pap wendô nâng chenkhamrii kawak a!

FILIPIEN 2:18

Ererãngrãngjô, nekhumin rinroan en, ngale Nga demnâng johroanha.

FILIPIEN 3:1

Ngalemruchha heh, athôanko, Teso demnâng roamletma khuhah nâhah dangen. Ngama khemako nenâng raangtah ngin heh ademin nekhu nâng wîenthe depraangrãng nga jõriimek, chenrãngma ngako Ngama eroh methe depraang ako erepa nekhu rãngma asen edanga.

1 PITER 4:13

Erenoma nema Krista demnâng atema chêmchoh tahko johchêm ekang ngama thonghun letma rinroan en, erohkoba chenthu Krista mîndong lahma hôngkat jâko nemin nyahrãng khuhah nâhah edangen.