FILIPIEN 4:3 - NIEMNYAN Naga NT (BSI)

³ Ngale Nga demnâng toangtangma roammoatte, nangnâng min are dihiaknyu hehnâng mamchohsûo ngama rosep eki; chenrãngma ngako, thinmemin Ngademko nginkongsen pa johphoangthô thang, thin demko Klement min dângwah, ngale Ngademko roammoatte ahan hehmin dangwah, thinmîn hehmin ahîn titabko raanglahma tonga.

FILIPIEN 4:3 Iomraidhean Croise

LUK MA RAANGWAH NGINKONGSEN 10:20

Rohkomin juchhih hehma ne ngin kepdi nekroan en; erenoma ne mînpa rangkhethung nâng raangdiba roanrii en.”

ROMAN HEHNÂNG POLMA RAANGWAH SITI 12:1

Erohwah, ngalemruchha heh, Joban ma nãngkhu nâng mînchendong tôngjunko Ngama nenâng rosep eka: Ne roandôngpa nededema Joban moatlem nâng ahîn jebjebma koh en, ate moatlem moatrãng lolo chendanga ngale ate rinmeli chendanga. Eroh kohletma soam roak eken pejôba toangtangma soam roak eken.

ROMAN HEHNÂNG POLMA RAANGWAH SITI 16:12

Teso moatlem moatte Trifenna ngale Trifosa nii nângmin salem matkat erang, ngale Teso rãngma ajahthem moatlem moatte ngama nyahrãng ahun lemruchha Parsis nângmin matkat erang.

ROMAN HEHNÂNG POLMA RAANGWAH SITI 16:9

Nãng demnâng Krista moatlem johmoatte Urbanas nângmin salem matkat erang, ngale ngalemruchha Steka nângmin matkat erang.

FILIPIEN 1:12

Ngalemruchha heh, Ngama nekhu nâng jetthuk huneka, nganâng chenni dangthanga erepumma linlinjô nginkongsen pa jahsiet eka.

FILIPIEN 1:16

Ere mihnyan hehma thinma hunlahma phoangthô eka, chenrãngma ngako, Joban ma Nganâng nginkongsen pepâng moatlem mothuk ehang ngama thinma ajet.

FILIPIEN 1:27

Ngale ade dangeka, chentô noma alemli thôan pa, nekhu roandôngpa Krista nginkongsen ma chenroh huneka ererãngrãng dangen, erohkoba Nga nekhu tânâng lehûrâng komin, ba mehûrâng komin, ngama nekhu hung jutletma mãntheko rongtêngtêng putedâlem eken, erediko aroamma nginkongsen rãngma roamlatrii eken ngama etat ang.

FILIPIEN 1:5

chenrãngma ngako, nekhuma khebeng rangwo jâma chohsutha wah athâng hehmin ngama nginkongsen pa phoangthô kohko nema chohsû eha.

FILIPIEN 1:7

Ngama roantangma nekhu ngahung nâng thônghunjû! ngale Ngama nekhu aroh thonghun ekapa thônghunli lemnâng jôba thonghun eka. Chenrãngma ngako nga athângheh phâtek khennâng tôngpoat komin, ngale nginkongsen pa rôngsietrãng phoangthô poat komin Joban ma nganâng kohthang mînchenchaan ko nekhu johroam eha.

FILIPIEN 4:2

Iuodia ngale Sentiki, Ngama nechhe nâng Teso mînko nya anaa rãngrãng thonghunmîn letma mamsenmîn en ngama rosep eka.

KOLOSIEN 1:7

Nema Joban mînchenchaan pa nãngma nyahrãng ahun nãng lemru Krista haa, ngale nãngrãngma nyahrãng hungkoh lahma Krista moatlem moatte Ipafras ngewah chohhe eken.

LOATKHESOK 13:8

Hahtokkhoh wah sôngte chentô mihnyan hehma atenâng esoam a, rohkomin rang ahah hôan mama henhen mînpa ahîn titab nâng raangthientah a, ngale henhen pa ritphe retah Saakchha rãng dângtea erehehma loloba lesoam edanga.

LOATKHESOK 17:8

Ngemchhih pa poattheko ahîn dângwah, rohkomin ade phumma ahîn dangtumah; erepa chenthujô lethôanthin hahkenlu kowah loatwâng lâthângtah, ngale atea amahjâ erea. Hahtokkhoh wah sôngte mihnyan henhen mînpa rang ahah hôan mama ahîn titab nâng leraangthien dangtah a ere mihnyan hehma ngemchhih pa khelahma bârit erea. Arepa poattheko ahîn dângwah; phumma athângheh ahîn dangtumah, rohkomin erepa ngakhong eka.

LOATKHESOK 20:12

Ngale Ngama riichoante heh adong arin khoakthema phangtang tôngthin mathahko cheplahma khewah. Eko titab heh lakwah, ngale erediko titab ahan hehmin lakwah, ahîn titab pa lakwah. Riichoante mihnyan heh thinma chenroh molahma titab nâng raangthientah a erejunko rênwah.

LOATKHESOK 20:15

Henhen mînpa ahîn titab nâng leraangthien dangeka ere mihnyan heh wennâng phekatwah.

LOATKHESOK 21:27

Roh-komin ere hahdaangko ngek atek chenjô leta hûmin, ba rêsêli kaamchhih moatte ngale mothô khoanglep thôte hehmin leta hûmin. Henhen mînpa Saakchha ngewah ahîn titabko raangeka ere mihnyan heh loloba ere hahdaangko tâhokmin.

LOATKHESOK 3:5

Hen-henma tajien eka ereheh aroh khetpo chohkep min, ngale Ngama thinmînpa ahîn titab kowah lere phemin. Ngale Ngama Ewa ngale rangkhethung wah ate ngintatte heh mathahko nea Nga dijunte ngama enga ang.