FILIPIEN 3:3 - NIEMNYAN Naga NT (BSI)

³ Linlin khoankhen niem hôante pa thin dangmah, nimaba hôaneki, chenrãngma ngako, nima Joban nâng ate Ju junma soamtô eki, ngale Jisu Krista demnâng roamlihma niroandôngko khuhah nâhah danglihma tongeki. Nima rangkhoh khoannâng khenlihma niemhôan ko putedâlem mih.

FILIPIEN 3:3 Iomraidhean Croise

ROMAN HEHNÂNG POLMA RAANGWAH SITI 1:9

Joban ma ajet, ngama toangtang jabekang - are Joban ko Ngama ate Chha Nginkongsen pa phoangthô lekma ngahung phangtang koh lekma soamtô ekang. Joban ma ajet ngama

ROMAN HEHNÂNG POLMA RAANGWAH SITI 15:17

Erohwah, Jisu Krista demnâng roam lekma, Ngama Joban moatlem moekang pa rângthô ekang.

ROMAN HEHNÂNG POLMA RAANGWAH SITI 7:6

Ade phumma, nãnga Niemarang kowah lâpe chhoantih, ngale nãng phâtek nâng khhek wah rãngrãng khhekthienthi niemarang pãko lâriitih. Ade phumma nãngma dekma raangwah niamarang apã pa lekeptûmin, Ju ngewah niemarang nyan pa keplihma ba Joban nâng soamtô min.

ROMAN HEHNÂNG POLMA RAANGWAH SITI 8:15

Chenrãngma ngako Joban ma nenâng koh ehèn Juma ne haarãng kepmahhèn ngale cheisiet mahhèn; erenoma Ju pumma nea Joban Chharãng dangthuk ehèn, ngale Ju chaanko nãngma Joban nâng, “Wa! Ewa!” ngama taroo eki.

ROMAN HEHNÂNG POLMA RAANGWAH SITI 8:39

rangkho ngewah memin, ngale hahkhenwah memin - Joban ma tem atiektah hehmemin chenni mejô nãng Teso Jisu Krista junma Joban ma nãngnâng hun ehi kowah taphansiet mahhi.

ROMAN HEHNÂNG POLMA RAANGWAH SITI 9:6

Joban ma toamsem tahpa thetah ngat dangmek; chenrãngma ngako chentô Isrial mihnyan heh phangtang Joban mihnyan dangmah.

2 KORINT 11:18

Rohkomin ajahthem mihnyan hehma mihnyan nyuchha hei angem moatlempa rângthôeka, erohwah ngamin rângthôrii ekang.

GALATIEN 5:25

Ju pumma nãngnâng roandông kohehi; erohwah atema jôba nãng roangdông pa pênmin.

GALATIEN 6:16

Henhenma thin roandôngko are niemarang heh junko songeka, ereheh demnâng mêmo ngale Joban mînchen chentonga - thin demnâng min ngale chentô Joban putedâlemte heh demnâng min chentonga!

IFISIEN 6:18

Are chentôpa rangsoam nungma mo en, ngale Joban wah chohsokrãng tha en. Juma chenroh chien ehèn a eroh sanpoat roakweih rangsoam en. Erejunko jetlet mejû dangen ngale rangsoam letmejû tongen; roantangma chentô Joban nâng putedâlemte mihnyan hehrãng rangsoam koh en.

FILIPIEN 1:1

Pol ngale Timothi Jisu Krista haa ngewah — Filipien wah Jisu Krista demnâng roamlahma chentô Joban nâng putedâlemte mihnyan heh, ngale Asâthem heh khhepho phannang erediko Asâthem hehnâng chohsokte hehnâng raangeka:

FILIPIEN 3:12

Ngama thonghun ekang theko lâhû wãngtek, ba Joban ma huneka rãngrãng lâdangtek ngama thonghunmek. Rohkomin eretheko hokwângrãng latrii ekang, chenrãngma ngako, Nga Krista ma aterãng lâkepthang.

FILIPIEN 3:14

Erohwah Ngama thonghun ekang thepa chohrãng tintin chhoanwãng ekang, erepa Jisu Krista junma Joban ma rangkho wah roandông chohrãng rooehang.

KOLOSIEN 2:11

Krista demnâng aroamma nemin khoankhen niem lâhôantet, erepa mihnyan nyuchha dekma hôaneka khoankhen niem pa dangmah, erepa Krista ma hôaneka khoankhen niem, erejunko sekkowah papmoat chaan wah pesiet ehèn.

JUD MA RAANGWAH SITI 1:20

Rohkomin ngalemruchha heh nema ne putedâlem khohko ne roandôngpa rongtêngtêng hôan en. Ngale Asâthôanju chaan kepletma rangsoam en,