FILIPIEN 1:6 - NIEMNYAN Naga NT (BSI)

⁶ Ngale Joban ma are moatlemsen nekhu demnâng bengmo ekapa Jisu Krista ngakkatjâ rangwo tôkotuk emothuk hèn ngama putedâlem ekang.

FILIPIEN 1:6 Iomraidhean Croise

JON MA RAANGWAH NGINKONGSEN 6:29

Jisu ma thinnâng dânthâng wah, “Joban ma hen chienkattha ereko chen putedâlem a ngama hun ehèn.”

MOATLEM 11:18

Chenthu thinma are nginpa tatphumma, chhiakmîn pa jeklahma Joban nâng rôwakwah, “Eroh medang ako Jews ledangte hehnângmin Joban ma hunglitthuk lahma roandông koheka!”

MOATLEM 16:14

Thinkhuchhang wah ni nginkepte pa Thiatira hahwah Lidia dângwah, atea khetchek sengte dângwah. Atea Joban linlin nâng soam atôte dângwah, ngale Pol ma thôeka nginpa jetatrãng ate hung Teso ma laangkohwah.

1 KORINT 1:8

Atema athôanjâ tôkotuk rongtêngtêng edangthuk hèn, ere junkowah, nãng Teso Jisu Krista loathôngkat Rangwo jâko chenni nângjô lethe edangen.

2 KORINT 1:15

Nekhuma rang raknii chenkep en ngama thonghun lekma khebengko nekhu tânâng chohmîn hûrâng ngama nyahrãng themawa wah.

2 KORINT 2:3

Erohwah jôba ngama ere sitipa nenâng raang wah - Ngahung sênthukte mihnyan hehma ngahung nekchen chhihthuk ehang ngama hunlekma netânâng leka thangma tongekang. Chenrãngma ngako, ngama ajet chenthu nga khu mehah angko, nemin khuhah eken.

2 KORINT 7:16

Nga nyahrãng khuhah nâhah dangekang chenrãngma ngako Ngama nekhu nâng nyahrãng ladâlem tah!

2 KORINT 9:4

Chenrãngma ngako, Mesidonia wah mihnyan heh nga demnâng johhû lahma nema chohsê heh lekhôanse tongla letma mekhehû hènko, nia chentô rêsêli dângmin a, nerêsê pejã chêmthôli dangmah - chenrãngma ngako ngama nenâng nyahrãng dâlem lahma rângthôwah!

GALATIEN 5:10

Rohkomin ngama nenâng athâng hehmin dâlem eka. Nãngkhu roandôngpa Teso demnâng roamlihma dângjunko ngama dâlem ekang, mihhan mejô nenâng lihân ngin methôhû kohhèn komin nema thin nginko putedâlem met, ngale henjô medang akomin nekhu moksiette heh Joban ma echêmthuk a.

IFISIEN 4:12

Atema are moeka pa Joban nâng putedâlemte mihnyan chentô hehma Kristan moatlem molahma Krista phoangpa rôngsietrãng mothuk eka.

FILIPIEN 1:10

Erohkoba nekhuma chenpa asen a erepa ejienren en. Eroh koba chentô angek atek hehwah sâletma Krista ngakkat jâko chhih ngatthin aho edangen.

FILIPIEN 1:29

Chenrãngma ngako, nekhu nâng Krista nâng soamtô thuk ehènpa, Krista nâng putedâlem lolo dangmah, ate rãngma chêmchei min chohmin.

FILIPIEN 2:12

Lemruchha heh, erohwah, Nga nekhu demnâng dângpoatko roantangma nema Nga nginkepkep dangeken rãngrãng, Nga nekhu demwah ataangnâng dângpoat komin nema Nga nginkepkep dângpa alemli thôan. Ne khope moatlempa Joban ran tiichei letma mo en,

FILIPIEN 2:13

chenrãngma ngako, nekhennâng Joban ma roantangma mo ehèn, ngale ate nginkepkep dangletma ate rinmeli moatlem chenmo en ngama Joban ma chohsû ehèn.

FILIPIEN 2:16

nema thinnâng roandông khope choh nginkongpa chohkoh eken. Nema eroh memo enko, nejunma Krista ngakkatjâ rangwo ko Nga eta rângthôrii ang, chenrãngma ngako, erepumma Ngama latrii lekma motek heh mahto nâng dangmah ngama ekhesok a.

KOLOSIEN 2:12

Chenrãngma ngako chenthu nema baptijem kepko, nea Krista demnâng johrit re eken, ngale baptijem kepko Krista ritwah ngaksatsiette Joban chaanko nema putedâlemdi nemin Krista demnâng johngaksat eken.

1 THISALONIKA 1:3

Chenrãngma ngako nima nãng Wa Joban nâng rangsoamko, nekhuma putedâlem junko moeken heh, ngale nema hun achetmîn junko chaanrii letma moeken heh, ngale nema nãng Teso Jisu Krista nâng putedâlem letma tok anaa eken heh rângchhemhun e.

2 THISALONIKA 1:11

Erohwah nima nerãng roantangma rangsoam koheka. Ngale Joban ma chenroh sôngrãng rothen a, eroh chenmam jiensong thukhèn ngama rosep eki. Ngale ne putedâlem junma moatlemsen moathun ekenpa ate chaanma chenmam tamo thukhèn.

2 THISALONIKA 3:4

Ngale nima nenâng chenroh hethôtah a erohjô moeken ngama Teso mînko dâlem eka, ngale erohjô emo en ngama nenâng dâlem eka.

FILIMON 1:21

Ngama putedâlem ekang, Ngama are sitipa nangnâng raang junko, Ngama chenrãngma rosep ekia erepa emo o - ngale Ngama ajet linlin Ngama chenrãngma rosep ekia ere nomemin nangma ajah emo o.

HIBRU 10:35

Erohwah nehung nekchha en, chenrãngma ngako, erepumma nenâng nyahrãng thãchaan khope pa ekephukoh hèn.

HIBRU 12:2

Nãng mitma Jisu nâng thongthong sûlihma tonge, chenrãngma ngako khebengma danglahma athôan kotuk atema jôba nãng putedâlem pa senthemthem dangthuk ehi. Atea bãngphak khohko rittekrit ran cheiho! Erenoma, Joban ma ate mawah khuhah nâhah thienkoh ekapa thonghun lahma bãngphak khohko rêsê rephe rittekrit pa chenjô dangmah ngama thônghun wah, ngale erohwah atea athângheh Joban tôngthin dekchah ngeko tongeka.

1 PITER 5:10

Rohkomin nema poatthe chharãng chêmchoh diko, chentô mînchenchaan kohte Joban, ngale Jisu Krista demko roamletma ate mîndongko johroam thukrãng neroote Joban pumma ate dedema nekhu sâsiet lahma rongtêngtêng edangthuk hèn, ngale chaankoh lahma putedâlem senthemthem edangthuk hèn.

2 PITER 3:10

Rohkomin Teso ngakkatjâ Rangwo pa ahuhte hokwah rãngrãng ehûra. Erejâ Rangwo ko rangkho pemin nyahrãng linlahma emahjâa, ngale rangkho wah chentô heh wenma etthôan jemkham a, ngale hahtokkhoh demko hah khohwah chentô hehmin echhihjâa