2 TIMOTHI 4:8 - NIEMNYAN Naga NT (BSI)

⁸ Ngale ade phumma Ngarãngma ajienthã khaphok pa thienko lahma tonga, erepa Nga a Joban demnâng toangtang dângdi echoh ang, ngale erepa Teso ma mihnyan heh toangtangma rênjâ rangwo ko Nganâng ekohhang - ngale Nganâng lolo ledang, ate ngakkat pa nyahrãng hunlahma bemlâte chentô nângmin ekoh a.

2 TIMOTHI 4:8 Iomraidhean Croise

MATHIU 24:36

“Ere rangwo le sanpoat pa chenthu hokmin a erepa henmemin jetmah - rangkhethung wah Joban ngintatte hehmemin jetmah, ngale Chha memin jetmah; Wama loloba jet a.

MATHIU 7:22

Chenthu metloatjâ rangwo mehû theko, ajahthem mihnyan ma nganâng aroh enga hang, Teso, Teso, nangmînko nima Joban ngin phoangthôtih, ngale nangmînko nima juchhihmin junlotih, patritli moatlemmin motih!

LUK MA RAANGWAH NGINKONGSEN 10:12

Ngama nenâng linlin thôkoh eka, khope rênjâ rangwo ko Joban ma ere sumhahko mînchen noma Sodom nângba mînchen pa ajah ekhesok a!!

ROMAN HEHNÂNG POLMA RAANGWAH SITI 2:5

Rohkomin nehung pa nyahrãng hungcheh, erohwah nema Joban rinkhah ngale toangtangma ren Rangwo hongkat jâko nema chohmin nechêm pa jêngjah jahsiet reken.

ROMAN HEHNÂNG POLMA RAANGWAH SITI 8:23

Phumma are chêm nungma bemla ekapa Joban ma tem atiektah hehma lolo bemla dangmah; nãngkhumin Joban ma ate Jupa nãngnâng khebeng thôan hînhô rãng kohehi ereheh memin nãngdede hungkhen ko chêmlihma nãngmin Joban ma ate Chharãng hôanpa bemlaeki, ngale nãngphoang phangtang pesiet pa bemeki.

1 KORINT 2:9

Rohkomin, Joban nyapraangma ngaeka, “Chenpa henmemin mathat chohkhe ngale chohtat a, ngale chenpa henmemin mathat thonghunli pa edanga, erepa Joban ma atenâng hunte hehrãngma khoakhem eka.”

1 KORINT 3:13

Ngale moatlempa henma chenroh moeka erepa chenthu Krista ma loatkhesokjâ rangwo pa mehû theko ekhe e. Chenrãngma ngako, erejâ rangwo ko anga nga moatlempa wenma thatkham lahma eloatsiet katra; phumma erewen pumma thatkhâm junko alinlin ale amõanga erepa ekhesok a.

1 KORINT 9:25

Chentô khien akho lôamte hehma chhihjâli khophok pa tâchoh rãng khienloam niemarang pa senthemthem rângkep a; rohkomin nãnga roantang roanjêngma lechhihjâli khophok pa tâchoh rãng moeki.

2 KORINT 5:2

Ngale athângheh, ere rangkhethung wah kaera humpa nãngkhoh nâng pohkat kolahmele ngama nyahrãng huneki;

FILIPIEN 3:11

eroh medang angkoba Ngamin ritwah engakhin ang ngama dâlem ekang.

KOLOSIEN 1:5

Chenthu toangtang nginkong, Nginkongsen pa netânâng khebengrãng benghûtha poatko, ere Nginkongsen pumma koheka dâlem nginpa nema chohtattet. Erohwah, nema erengin khohko dâlem eken, ngale hun achhâmîn eken, erepa nekhurãng rangkhethung nâng senthemthem thienkoh ehèn.

1 THISALONIKA 1:10

ngale nema ate Chha rangkhethung wah ngakkat bemla eken heh thô rewak eka - ate Chhapa Jisu, Joban ma ritwah ngakhînsiet wah, ngale Jisu ma nãngkhu ahokmin Joban rinkhah kowah pesiet ehi.

1 THISALONIKA 5:4

Rohkomin lemruchha heh, nekhua rangnyek khennâng dangmet, ngale erejâ Rangwo pumma ahuhte hokwah rãngrãng hûlahma nekchen patrii thuk ehèn.

2 THISALONIKA 2:8

Erediko Mihnyan Chhihthôan pa ehonga, rohkomin, chenthu Teso Jisu Krista meka theko ate thunkâ wah rekpumma eritphea, ngale atewah wenphiakdong pumma echhihsiet a.

1 TIMOTHI 6:19

Eroh memo akoba thinma khediwah thin roandông rãng lesekmah tuli eta khôanthien wak a. Ngale erohkoba thinma alinlin toangtang roandôngpa eta choh a.

2 TIMOTHI 1:10

Rohkomin are mînchenchaan pa nãng Pângte Jisu Krista kalahma khesok ehi. Atema arit chaanpa mahsiet eka ngale nginkongsen junma chenthumin leriitu roandông loatkhesok ehi.

2 TIMOTHI 1:12

ngale erejun kowah Ngama are chêmchei heh choh ekang. Rohkomin Nga athâng hehmin hung dongdong tongekang, chenrãngma ngako, Ngama hennâng tok anaa ekanga erepa Ngama jet ang, ngale atema Nganâng chenni sûare thuk ehanga erepa atema ere Rangwojâ pa mahûhûko senthemthem eta thien a ngama putedâlem ekang.

2 TIMOTHI 1:18

Teso ma ate ngakkatjâ Rangwo ko Onisiforus nâng chenmînchen a! Ngale atema Ngarãng Ifisus nâng chentô mokoh thanga ereheh nangmemin senthemthem jet o.

2 TIMOTHI 2:5

Ngale toatchhoanmînte pumma toatchhoanmîn niemarang junko lechhoan kako atema thã lechohmin.

2 TIMOTHI 4:1

Ahînte mihnyan ngale riichoante heh rênte Joban ngale Jisu Krista mathahko Ngama nangnâng chien eki, chenrãngma ngako atema Lowang danglahma pênrãng kaera

TITAS 2:13

eroh danglihma nãngma dâlemki rangwosen pa bemlae, ere jâko nãng Joban dongthôan ngale nãng Pângte Jisu Krista rânghong mîndông demnâng ehongkara.

HIBRU 12:11

Chenthu nãngnâng phheksiet nâsiet mehôan hiko, ere sanpoat pa nãngrãngma khuhahthin ledang hungkeli dangeka. Eroh komin khediko, henhennâng phheksiet nâsiet hôan lahma punsiet eka erehehma mêmo ngale toangtang roandôngpa choh eka.

HIBRU 9:28

Ererãngrãng ajahthem mihnyan heh pap sâsiet kohrãng Krista ma atedede roandôngpa kohlahma ritwah. Phumma ate ademin rekthe engak kara, rohkomin erepa pap sâsietrãng dangmah, rohkomin ate bemlâte mihnyan heh papwah pêsietrãng engak kara.

JEMS 1:12

Henpa chêmchei chohpoat komin putedâlem nâng asen danglahma tongeka ereheh a rangkepte mihnyan, chenrãngma ngako, chenthu thinma chêmchoh ekapa metadô tahko, Joban ma atenâng hun achette mihnyan hehnâng kohrãng toamsem tah roandôngpa thinma echoh a.

1 PITER 1:4

ngale erohwah Joban ma ate mihnyan hehnâng kohrãng rangkhethung nâng thientah heh nãngma chohrãng thonghun eki, ereheh rangkhethung nâng asânmin lesãnjâmin, ngale chhihmin lechhihmin, erediko chenthujô lejien rãjâli thenâng thienkoh ehèn.

1 PITER 5:4

Ngale chenthu Saaksokte adongthôanpa mehong tahko, nema aphiakthôan khophok echoh en, ngale ere khophok kowah phiak ekapa chenthumin leta mahmin.

LOATKHESOK 1:7

Sûtan en, atea phoamkhoh nâng kaera! Anga ngama ate ekhe e, atenâng pahma suhtah hehmemin ekhea. Hahtokkhoh wah mihnyan nyuchha heh phangtang ate junma asep erewak a. Linlinjô eroh pa edanga!

LOATKHESOK 19:11

Erediko Ngama rangkhethung pa laang lahma khewênwah, ngale ereko Mok po dângwah. Mok po khohko chhangte pa Putedâlemsen ngale Toangtang dângwah; atema toangtangko ren eka ngale toangtangko ranloatmîn eka.

LOATKHESOK 2:10

Nema chenni chêmcheijô mechoh enkomin nekchei en. Tattan en! Juchhih ma nekhuwah wawathe pa phâtek nâng khhek lahma hung ethaktoan hèn, ngale phumma ne chêm pa jâechhi rãngba eta lekchêm en. Nea lânrii rohjô mechêm enkomin, Nganâng senthemthem putedâlemha, ngale erohkoba Ngama nenâng ajien thãpa roandông ekoh a.

LOATKHESOK 22:20

Anga nganâng are ngin thôkohte pumma ngaeka, “Linlin! Nga sitsiak lâkaerâng!” Amen. Karoo Teso Jisu!

LOATKHESOK 4:10

roaknii wanbelii khhepho phannang heh tôngthin kowah tôngte mathahko khupjup wah, ngale roantang roangjêng rãng ahînma tôngte ko soamtô wah. Thinma thin khophok heh tôngthin mathahko putphe lahma aroh ngatwah,

LOATKHESOK 4:4

Ere tôngthin tumlitko ahan tôngthinmin roaknii wanbelii dângwah, ere tôngthin heh khohko roaknii wanbelii khhepho phannang heh khetpo keplahma thinkhoko kem khophok phok lahma tongeka.