2 TIMOTHI 4:5 - NIEMNYAN Naga NT (BSI)

⁵ Rohkomin nanga chentô sanpoat roakweih jetrii lohma tongo; chêmchei hehmin tadôo, ngale Nginkongsen phoangthô moatlem mo o, ngale nang moatlem chentô nâng Joban haa rãngrãng danglohma mo o.

2 TIMOTHI 4:5 Iomraidhean Croise

MATHIU 25:16

Hahjat bangâ kohtah haapa lemlienma chhoan lahma ahan hahjat bangâ ngun chohbi wah.

MAK MA RAANGWAH NGINKONGSEN 13:34

Erepa mihnyan wathema ate humpa haa hehnâng phethien kolahma, ngale haa hehnâng mâmâ moatlem phenthienkoh, erediko kâsek bemteko senthemthem bemrãng thôthienkoh relahma ate humwah hahtaang nâng tongchhoanwah rãngrãng dângmin.

MAK MA RAANGWAH NGINKONGSEN 13:37

Ngama nenâng chenni ngaeka, erepa chentô nâng ngaekang: Chep achã letma bembemjû tongen!”

LUK MA RAANGWAH NGINKONGSEN 12:37

Chenthu tângtewa pa ngakhokko lejuplek thangma bemtongla lahma khehû eka haaheh chentô khuhah dângmin a! Ngama nenâng thôkoh eka, tângtewa pumma ate khetpa putphe lahma, ate haaheh tongthuk lahma, thinnâng enget a.

MOATLEM 21:8

Eredijâko Polimais hahwah chhoan lihma Kasaria hahnâng hokwah. Phumma nia erehah kowah Ivengelist Filip humko tôngwah, Filip pa Jeroselem nâng chohsokte rãng waengit mihnyan rentah kowah wathe dângwah.

ROMAN HEHNÂNG POLMA RAANGWAH SITI 15:19

patritli ngale bâritli, erediko Joban Juchaan junma moatwah. Ngale Jeroselem wah Ilirikum nâng lanhuroh khoamka lekma Krista Nginkongsen pa senthemthem phoangthôtek.

IFISIEN 4:11

Ngale “mihnyan nyuchha hehnâng hînhô pa atema koheka”; atema wawathe pa moattat chhoante dangthuk eka, wawathe pa mõng dangthuk eka, wawathe pa Ivangilist dangthuk eka, ngale wawathe pa Pastor erediko ahethôte rãng dangthuk eka.

IFISIEN 4:12

Atema are moeka pa Joban nâng putedâlemte mihnyan chentô hehma Kristan moatlem molahma Krista phoangpa rôngsietrãng mothuk eka.

KOLOSIEN 1:25

Ngale Joban ma Nga Asâthem heh haarãng dangthuk ehang, ngale atema are moatlempa nekhurãng chensen a ngama mothuk ehang. Are moatlempa ate nginkongsen pa lolo phoangthô moatlem.

KOLOSIEN 4:17

Ngale Arkipas nâng, “Teso moatlem mothuk thopa senthemthem lângmo onga, ngama thôkoh en.”

1 THISALONIKA 5:6

Erohwah, nãnga mihnyan ahan heh rãngrãng lejuplek min; nãngkhua lejuplek thangma met hin dângmin.

1 TIMOTHI 4:12

Henmejô nangnâng leputedâlem nekchen dangeho, chenrãngma ngako nanga paangmihthu, rohkomin putedâlemte mihnyan hehnâng nangma, jab ajâ, jat apat, hun achet, putedâlem, ngale sâpoangpoang danglohma khesok o.

1 TIMOTHI 4:15

Ere moatlem heh nangma hungkoh lohma mo o, erohkoba anga ngama nangma moatlemsen moeko pa ekhea.

2 TIMOTHI 1:8

Erohwah, nãng Teso hâkhi dângrãng nekrêsê; ngale Krista rãngma phâtek nâng khhekritte Nganâng min nekrêsê hang. Erenoma, Nginkongsen rãngma chêmriiroh reo, eroh tâchêmrit rãng Joban ma nangnâng chaankoh eho.

2 TIMOTHI 2:10

ngale are chentô chêmchei pa Ngama Joban ma ren eka mihnyan hehrãng chêm ekang, ngale erepa thin memin Jisu Krista junma koheka khope pa chenmam choh a ngama chêmrii ekang, ngale roantang roanjêng khuhah nâhah edangwak a.

2 TIMOTHI 2:3

Jisu Krista nginkepkep sipâhi sen rãngrãng danglohma nangmin chêmriio.

2 TIMOTHI 4:17

Rohkomin Teso Nga damnâng johtong lahma Nganâng chaan kohwah, erohwah Jews ledangte hehma chohtatrãng Ngama nginkongsen pa senthemthem taphoang thôtek; ngale Nga ritphe nemwahmin pesietthang.

HIBRU 13:17

Ne khhepho phannang heh nginkep en ngale thinma chien ehèn junko dangen. Thinma leboantong thangma ne Ju amoang heh sûare ehèn, chenrãngma ngako, thinmemin thin moatlem thãpa Joban nâng khesokmin. Nema thin ngin mekep enko, thinma thin moatlem pa khuhah nâhah emowak a; eroh ledang kako, thinma hungkeke emoa, ngale nenângmin chenthujô leta chohsûmin.

1 PITER 1:13

Erohwah, nehung nerin ma moatrãng chepen. Ngale jetletma tongen, erediko Jisu Krista hôngkat jâko nema Joban mînchenchaan chohminko senthemthem dâlem letma tongen.

LOATKHESOK 3:2

Erohwah sat en, ngale linlinjô phangtang mahrit mako nenâng chenni tonghèn a ereheh rõngsiet en. Chenrãngma ngako, nema chenni moeken a ereheh Joban rãng mapun moeken ngama khe eka.