2 TIMOTHI 4:16 - NIEMNYAN Naga NT (BSI)

¹⁶ Khebengko Ngaru henjô rumahthang, Nga dedeba pesietritwah; chentôma Nga phethien lahma chhoanwah. Joban ma erejunko thin khohnâng nekchen chhihchoh eka!

2 TIMOTHI 4:16 Iomraidhean Croise

MAK MA RAANGWAH NGINKONGSEN 14:50

Erediko dijunte heh phangtang huhchhoan lahma atelolo phethien wah.

LUK MA RAANGWAH NGINKONGSEN 12:11

“Chenthu thinma Sanagog nâng ba Govono tânâng, ba diak akan pênte heh tânâng nginthôngphâ rãng mesiet hûhenko, nema chenroh dânthâng min a, ngale chenli dânthâng min a ngama neksekmah en.

JON MA RAANGWAH NGINKONGSEN 16:32

Nekhu phangtang phânchhoan sanpoat pa ehûra, ngale erepa lâhûtha, nekhu anga nga mâmâ humnâng phanchhoan letma ngalolo ephe thienha. Rohkomin nga a linlinko ngalolo dangmek, chenrãngma ngako Ewa nga demnâng tonghang.

MOATLEM 22:1

“Ngalemru Jews heh, ngama nenâng ngajunma thôkoh ekapa jetat tanha!”

MOATLEM 25:16

Phumma ngama thinnâng thôkotek, ni Roman jatma atenâng sekhamte heh demnâng chen junko sekham eka ererãngma atedede chohjabmîn lahma ate khope ngin lejabthuk thangma mihhan deknâng kohlihma sekhamthuk niem aho.

MOATLEM 7:60

Atema dakuhtho lahma khupjup lahma chaanmõang rakwah, “Teso! thinma are pap moeka pa thin khohnâng nekchatthuk!” Atema aroh jablahma ritwah.

1 KORINT 13:5

Hun achet pa mihpoakliak dangmah, chhahnyoak min dangmah, erediko rinkhahla min dangmah; erediko hun achet pumma chhih akhahli heh hungnâng lekthienmah;

1 KORINT 9:3

Chenthu mihnyan hehma nganâng chhihthôko, ngama aroh rângdanthang ang:

2 KORINT 7:11

Sûtan en, Joban ma huneka junko nehung chhihdi Joban ma chenni moeka: ere junko ne nyahrãng sâthâng huneken, ngale papwah nyahrãng sârit huneken! rinmin khah eken, acheimin re eken, nyahrãng hungkoh letma moathun eken, ngale kaamchhih moatte hehnâng phheksiet nâsiet hôanmin huneken! nema are chento moeken pa achhihmoat dangmih ngama jetthuk ehèn.

FILIPIEN 1:17

Khaka hehma Krista nginkongsen ko senthemthem hungkoh lahma phoangthô dangmah, thinmînsên pa lolo thonghun lahma phoangthô eka; thinma Nga phâtek nâng tôngpoatko ajah chêmthuk e ngama thonghun eka.

FILIPIEN 1:7

Ngama roantangma nekhu ngahung nâng thônghunjû! ngale Ngama nekhu aroh thonghun ekapa thônghunli lemnâng jôba thonghun eka. Chenrãngma ngako nga athângheh phâtek khennâng tôngpoat komin, ngale nginkongsen pa rôngsietrãng phoangthô poat komin Joban ma nganâng kohthang mînchenchaan ko nekhu johroam eha.

2 TIMOTHI 1:15

Nangma ajet Asia diakwah chentô mihnyan hehma, ngale Phigelus ngale Hirmogenes hehma Nga thînphe ehang.

2 TIMOTHI 4:10

Dimas ma are hahtokkhoh roandông kowah hehnâng nyahrãng hunlahma Nga thînphethien lahma Thisalonika nâng kaeka. Krisen a Galatien nâng lâkatah, ngale Titas dangeka Dalmatia nâng lâkatah.

2 TIMOTHI 4:15

Nangmin atema nekchen chêmsiet ehoma atewah jetlohma dango, chenrãngma ngako atea nãngma thôeki nginkong heh lelatnâng nyahrãng cheili dangeka.

1 PITER 3:15

Rohkomin nehung nerin nâng Krista jôba Teso ngama thienletma atenâng toak asân en. Ngale ne hungkhen wah nema dâlem eken junma henma akomin nenâng methongpha hènko ereheh nâng danthângrãng sanpoat roakweih bemkep tongen,