2 TIMOTHI 4:10 - NIEMNYAN Naga NT (BSI)

¹⁰ Dimas ma are hahtokkhoh roandông kowah hehnâng nyahrãng hunlahma Nga thînphethien lahma Thisalonika nâng kaeka. Krisen a Galatien nâng lâkatah, ngale Titas dangeka Dalmatia nâng lâkatah.

2 TIMOTHI 4:10 Iomraidhean Croise

MATHIU 12:32

Henma komin Mihnyan Chharãng mechhihjab ako map tâkohmin; rohkomin henma Asâthôanju lelatnâng chhihjab eka erehehnâng map lekohmin, athângheh min, ngale roantang roanjêng komin lekohmin.

MATHIU 26:56

Are chentôpa mõng hehma Joban nyapraang nâng raangtah heh toangtang dângrãngma dangeka.” Erediko dijunte hehma ate phethien lahma huhchhoan wah.

LUK MA RAANGWAH NGINKONGSEN 14:33

Ererãngrãng,” Jisu ma athôanko thôkoh wah, “Chenthu nema ne ngewah heh phangtangma lethinphe kenko, henjô ngadijunte tadangmet.

LUK MA RAANGWAH NGINKONGSEN 16:13

“Henmin tângte waniihaa tajien dangmah; ererãngrãng haa pumma watheko chhihchoh erea, ngale watheko sênchoh erea, ba wathe nginkepkep edanga ngale wathe nginlekep edanga. Nema Joban le ngun waniinii jienroam khoakhem met.”

LUK MA RAANGWAH NGINKONGSEN 17:32

Lot tangnyu pa thonghuntan en!

MOATLEM 13:13

Pol le ate lemru heh Pafos wah Pamfalia diakwah Perga hahnâng jogari ma katwah, enâng Jon Mak phethien lahma Jeroselem nâng ngakkat wah.

MOATLEM 15:38

rohkomin Pol ma Jon Mak johsietchhoan pa senmah ngama thônghun wah, chenrãngma ngako, khebengko Jon Mak thin demnâng lemra laangriri lejohkhoam thangma atenii Pamfalia nâng phethien lahma ngakchhoanwah.

MOATLEM 16:6

Asâthôanju ma Asia diak ngenâng Joban nginkongsen pa lethôthuk dâng phumma thin Phergia le Galatia ngenâng katwah.

MOATLEM 17:1

Pol le Silas nii Amfipolis ngale Apolonia heh dankhoam lahma Thesalonika wah Sanagog nâng katwah.

MOATLEM 17:11

Biria wah mihnyan heh Thesalonika wah mihnyan heh nomemin hungsen rinsen jat dângwah. Thinma Joban nginkongsen ko nyahrãng hung arin kohlahma jetatwah, ngale Pol ma chenni thôkkoh eka ereheh linlin dang ale dangmah a ngama jetrãng rangwo roakweih thinma Joban nyapraang heh weih lahma dângwah.

MOATLEM 17:13

Phumma chenthu Thesalonika wah Jews hehma Pol ma Joban jabkhab pa Biria nângmin phoangthôkoh eka ngama tatphumma, thin enâng kalahma Biria wah mihnyan heh chepsietka lahma jamsietwah.

MOATLEM 18:23

Enâng poatthe tôngthien diko chhoan lahma Galatien le Phergia ngenâng kalahma enângwah putedâlemte hehnâng rîn akhah kalahma thinhung dôngsiet wah.

2 KORINT 2:13

Rohkomin ngama nãngnaa Titas lechohkhe dâng phumma nyahrãng sekmah lekma dângwah. Erohwah ngama enângwah mihnyan hehnâng chhoan ekangjô ngama thôthien kolekma Mesidonia nâng katwah.

2 KORINT 7:6

Rohkomin acheite mihnyan heh hung dôngsiette Joban pumma nitânâng Titas chienkat lahma nihung dôngsietwah.

2 KORINT 8:16

Nima nenâng chenroh chohsok huneka ererãngrãng Joban ma Titas nângmin hun thukdi Joban nâng dangkoh a ngaeki!

2 KORINT 8:23

Titas dangeka, nga demnâng aroamma danglahma nenâng chohsok moatlem johmoatte lemru; ngale ate demwah johka era nãngnaa heh dangeka Asâthem heh mînko kaera, ngale thinma Krista mîndongsiet eka.

2 KORINT 8:6

Ephumma are ahun moatlempa nenâng beng hethôte Titas nâng nima mata tamo atema nenâng chenchohsû hèn ngama chien eki.

GALATIEN 1:2

Anângwah chentô putedâlemte hehmemin nga demnâng roamlahma Galatien wah Asâthem hehnâng salem matkat ehèn:

FILIPIEN 2:21

Ahan hehma mâmâ dede rãng sekmah patrii eka, Jisu Krista moatlem rãngma henjô sekmahmah.

1 TIMOTHI 6:10

Chenrãngma ngako, ngun nâng hun junko rongrup achhih heh hongeka. Khaka hehma ngun nâng nyahrãng hunlahma Joban nângmin putedâlem tumah, ngale thinhung arin hehmin rongrup achhihli heh thonghun lahma chhihjâ eka.

1 TIMOTHI 6:17

Are hahtokkhoh roandông kowah ngun akem ngale chhahkhem ngenâng techhu dângte hehnâng lengamrii rãng thôkoh, ngale thin ngun akem le chhû alû hehnâng nekchen dâlem wakeka, rohkomin nyahrãng chhahme danglahma nãngnâng khuhah nâhah tongrãng chentôpa chohkohte Joban nânglolo chen dâlem wak a.

2 TIMOTHI 1:15

Nangma ajet Asia diakwah chentô mihnyan hehma, ngale Phigelus ngale Hirmogenes hehma Nga thînphe ehang.

2 TIMOTHI 4:16

Khebengko Ngaru henjô rumahthang, Nga dedeba pesietritwah; chentôma Nga phethien lahma chhoanwah. Joban ma erejunko thin khohnâng nekchen chhihchoh eka!

TITAS 1:4

Titas, Ngama nangnâng raangeki, nanga Ngarãngma nãngkhuma aroamma putedâlem eki junko Ngachha linlin rãngrãng kepeki. Nãng Wa Joban ngale nãng Pângte Jisu Krista ma nangnâng mînchenchaan ngale mêmo chenkohho.

FILIMON 1:24

ngale Nga demnâng roammoatte Mak, Aristekas, Dimas, ngale Luk memin matkat eho.

2 PITER 2:15

Are nginmõang phoang hethôte hehma lemtin pa phe lahma lemke nâng khoamwak eka; thinma ngun nâng hunlahma kaamchhih moatte Bior chha Balam damanko junkhoam wakeka