2 TIMOTHI 4:1 - NIEMNYAN Naga NT (BSI)

¹ Ahînte mihnyan ngale riichoante heh rênte Joban ngale Jisu Krista mathahko Ngama nangnâng chien eki, chenrãngma ngako atema Lowang danglahma pênrãng kaera

2 TIMOTHI 4:1 Iomraidhean Croise

MATHIU 16:27

Chen-rãngma ngako, Mihnyan Chhapa ate Wa chaan keplahma rangkhethung wah ngintatte heh demnâng ekara, ngale erediko anga nganâng mâmâ moatlem junko atema thã ekoh a.

LUK MA RAANGWAH NGINKONGSEN 19:12

Ephumma atema ngatwah, “Rekthenâng sahhabdong wathe hahtaang diak wanthenâng chhoan lahma atea ere diakko Lowang rãng dângchoanwah, ngale erediko ate humnâng ngakhokrãng themawa wah.

LUK MA RAANGWAH NGINKONGSEN 19:15

“Ere wapa lowang danglahma ngakhok wah. Ngale ate haa hehma chentôru khôanbitah a ngama jetrãng atema haaheh lemlienma khôanroo thukwah.

LUK MA RAANGWAH NGINKONGSEN 23:42

Ngale erediko atema Jisu nâng ngatwah, “Jisu, Nanga chenthu Lowang danglohma katjâko nganângmin thonghunhang!”

MOATLEM 10:42

Ngale atema ninâng nginkongsen pa mihnyan hehnâng phoangthô chhoankoh en ngama chien ehi ngale Joban ma atenâng ahînte ngale aritte heh rênrãng thieneka ngama thôchhoan kohrãng chien ehi.

MOATLEM 17:31

Ade phumma atema renlahma thieneka mihnyan pumma hahtokkhoh pa toangtangma rênrãngma rangwo kahtok lahma thieneka. Are nginpa linlin ngama chentô nâng jetthuk rãng atema ere mihnyan pa ritwah ngakhinthuk lahma khesok eka!”

ROMAN HEHNÂNG POLMA RAANGWAH SITI 2:16

Ngale, Ngama thôekãng Nginkongsen junko, chenthu Jisu Krista junma Joban ma mihnyan hungkhen nâng huhthonghun eka heh rênjâ Rangwo ko eroh dângmin.

KOLOSIEN 3:4

Krista pa ne roandông linlin, ngale chenthu ate mehong tahko, nemin ate demnâng johhong letma ate mîndôngko ejohroam en!

2 THISALONIKA 2:8

Erediko Mihnyan Chhihthôan pa ehonga, rohkomin, chenthu Teso Jisu Krista meka theko ate thunkâ wah rekpumma eritphea, ngale atewah wenphiakdong pumma echhihsiet a.

1 TIMOTHI 5:21

Joban ngale Jisu Krista erediko rangkhethung wah Joban ngintatte Asâthôan heh mathahko Ngama nangnâng thôkoh eki, are rîn akhah eki nginpa nangma keplohma nangma chenjô memo okomin hennângjô thhensok lehôan thangma mo o.

2 TIMOTHI 1:10

Rohkomin are mînchenchaan pa nãng Pângte Jisu Krista kalahma khesok ehi. Atema arit chaanpa mahsiet eka ngale nginkongsen junma chenthumin leriitu roandông loatkhesok ehi.

2 TIMOTHI 2:14

Are nginpa nãng mihnyan hehnâng thõngthô koh, ngale Joban mathahko thinnâng are jabkhab hehrãngma lemênmin rãng thôkoh. Eroh memênmîn eko chenjô asen hongdangwãng mahra, atatte mihnyan heh ba echhihsiet a.

2 TIMOTHI 4:18

Ngale Teso ma Nga chentô achhih hehwah pesiet lahma ate Hahsông rangkhethung wah nâng senthemthem esietwên hang. Atemîn roantang roangjêng rãng chendonga! Amen.

2 TIMOTHI 4:8

Ngale ade phumma Ngarãngma ajienthã khaphok pa thienko lahma tonga, erepa Nga a Joban demnâng toangtang dângdi echoh ang, ngale erepa Teso ma mihnyan heh toangtangma rênjâ rangwo ko Nganâng ekohhang - ngale Nganâng lolo ledang, ate ngakkat pa nyahrãng hunlahma bemlâte chentô nângmin ekoh a.

TITAS 2:13

eroh danglihma nãngma dâlemki rangwosen pa bemlae, ere jâko nãng Joban dongthôan ngale nãng Pângte Jisu Krista rânghong mîndông demnâng ehongkara.

1 PITER 1:7

Nema chêmchoh eken junkoba ne putedâlem pa linlin dangale dangmah a erepa jienjetmin. Achhihjâli kem pemin chhih ale asen a ngama jetrãng wennâng rângthatsõa; erohwah kem nomemin abâmbâm adong ne putedâlem pemin linlin dang ale dangmah a ngama metkep thatsokmin, erohko ne putedâlem pumma chenmam tadôa. Erediko chenthu Jisu Krista hongkat Rangwo ko nema rô, ngale mîndông choangpe echoh en.

1 PITER 4:5

Rohkomin ahînthu mihnyan ngale riichoante mihnyan heh rênte Joban nâng thinmemin thindede moatlem chenroh motah a erepa ekhesok a.

1 PITER 5:4

Ngale chenthu Saaksokte adongthôanpa mehong tahko, nema aphiakthôan khophok echoh en, ngale ere khophok kowah phiak ekapa chenthumin leta mahmin.

2 PITER 1:11

Eroh koba nenâng nãng Teso ngale Pângte jisu Krista roantang roanjêng Hahsông thenâng tâwâng rãng chaan ekohhèn.

2 PITER 1:17

Chenthu Wa Joban ma ate mîndong thuktah poatko nimin eretheko dângwah. Chentô noma mîndongthôan chohte pumma atenâng aroh ngatwah, “Arepa Echha linlin Ngama atenâng nyahrãng hun ekang, ngale Nga ate demnâng nyahrãng rinme ekang!”

1 JON 2:28

Ngachhu Ngachha heh, linlinjô ate demnâng aroamma dangletma tongen, erohkoba chenthu ate meka theko, nãnghung dongdong edange, ngale ate katjâ Rangwo ko atenâng rêsê lihma lehuhtong edange.

LOATKHESOK 1:7

Sûtan en, atea phoamkhoh nâng kaera! Anga ngama ate ekhe e, atenâng pahma suhtah hehmemin ekhea. Hahtokkhoh wah mihnyan nyuchha heh phangtang ate junma asep erewak a. Linlinjô eroh pa edanga!