2 TIMOTHI 3:8 - NIEMNYAN Naga NT (BSI)

⁸ Janis le Jambris nii Mosa lelatnâng dangtah rãngrãng, are mihnyan hehmin toangtang lelatnâng dangwak eka - are mihnyan heh kheri ma senthemthem momah, ngale thin a putedâlem nângmin achhih.

2 TIMOTHI 3:8 Iomraidhean Croise

MOATLEM 15:24

Nima chohtat eki, nikhu tâwah mihnyan khuthe hûlahma nenâng nyahrãng hungke thuk lahma chêmthuk ehèn ngama; rohkomin nima thinnâng aroh moatrãng chienmih.

ROMAN HEHNÂNG POLMA RAANGWAH SITI 1:28

Chenrãngma ngako, ere mihnyan hehma Joban toangtang nginpa thinhung nâng thien hunmah, atema ere mihnyan hehnâng achhihli thonghun thuk eka, erohwah thinma chenpa lemolia erepa moeka.

ROMAN HEHNÂNG POLMA RAANGWAH SITI 16:18

Chenrãngma ngako arerãngrãng moatte hehma nãng Teso Krista nâng soamtô dangmah, thinwok phoatrãng loloba moeka. Thinma jabkhabsen jab le thuntu pumma nokba toangtang heh diapchhah eka.

IFISIEN 4:14

Ere diphumma ba nãngmin letachha heh rãngrãng ledangtu edange, ngale jowaak ma phophe katwah rãngrãng, erediko pông ma phoangmet phewah rãngrãng nãngmin mihphôang diapchhahte mihnyan hehnâng lephoang diapchhahrii edange, ere mihnyan hehma thinhungnâng buthi chhih heh keplahma mihnyan han heh lemke nâng senchhoan eka.

1 TIMOTHI 1:19

ngale nang putedâlem senthemthem dango ngale hung arin sâpoangpoang dango. Khuka hehma thinhung arin sâpoangpoang ledang thangma molahma thin putedâlem heh chhihsiet eka.

1 TIMOTHI 4:2

Arerãngrãng ngin heh mihdiap phhekchhahte mihnyan hehma hethôeka, ngale thinhung pa jankham ma ritsoatwah rãngrãng riitah.

1 TIMOTHI 6:5

ngale kheri chhih erediko thinnâng toangtang pa aho dâng phumma roantangma achhiakmînli heh lolo hongsiet wakeka. Thinma rangsoam niem keppa techhu dângli ngama thonghun eka.

2 TIMOTHI 4:15

Nangmin atema nekchen chêmsiet ehoma atewah jetlohma dango, chenrãngma ngako atea nãngma thôeki nginkong heh lelatnâng nyahrãng cheili dangeka.

TITAS 1:10

Chenrãngma ngako jahmõang mihnyan, Judiejem wah litdangtah heh Joban jabkhab lelatnâng danglahma, hota ngin thôlahma mihheh diapchhah eka.

TITAS 1:16

Ere hehma thin a Joban jette mihnyan ngama ngarii wakeka, rohkomin thin moatlem junko thinma Joban ngin kepmah. Thin a nyahrãng chinnyali ngale ngin lekepte, chenni moatlemsen moat akat rãngjô senmah.

2 PITER 2:14

Thinma dihiak dela kaamchhih moatrãng loloba phoanglem eka; thinma papkaam moatpa chenthumin jekmah. Ngale thinma diapphhek chhahla mihnyan heh diapphhek chhah lahma lemke nâng senphe eka. Ngale thin chhahnyoak lolo hethôeka. Erohwah thinma Joban wah chêm echohwak a!

1 JON 2:18

Ngachhu Ngachha heh, athôan sanpoat pa lânam hûtha! Nenâng Krista Ran ehûra ngama thôkotah; ngale athângheh mejô Krista ran ajahthem lâhongtah, ngale erohwah nãngma athôan sanpoat pa lânamtha ngama jeteka.

1 JON 4:1

Ngalemruchha heh, ninâng Ju tonghi ngatte chentô nâng nekputedâlem en, rohkomin thin ngewah Jupa Joban wah dangale dangmah a ngama thaksokre en. Chenrãngma ngako mõngmõang heh chentô thenâng jahmõang lâphan chhoantah.

LOATKHESOK 2:20

Rohkomin arepa Ngama nekhu nâng senchohmah: Nekhuma dihiaknyu Jizibil ma ate dedema Joban nginmatte ngariieka ngin kep eken. Atema hethô lahma Ngahaa hehnâng dihiak dela tungko kaamchhih mothuk re eka ngale moangachaang nâng joapsoap wah phhekchhah heh chhahthuk re eka.

LOATKHESOK 2:6

Rohkomin nema arepa senchohli moeken: Nema Nikolaitan hehma moeka hehnâng, Ngama chentô chhihchoh ekanga eretô chhihchoh eken.