2 TIMOTHI 3:6 - NIEMNYAN Naga NT (BSI)

⁶ Arerãngrãng mihnyan hehwah wanwanthe pa mihhan heh humnâng chhoan lahma dihiaknyu thinpap hênlih pa hèn lahma tôngte, ngale chentô achhihli hehnâng phetwân lahma tôngte dihiaknyupe heh ephoang chhihsiet wak a,

2 TIMOTHI 3:6 Iomraidhean Croise

MATHIU 11:28

“Henhen hênlih henletma boanrii eken a, ngatânâng wãngrên, ngama boanjek tongthuk a.

MATHIU 23:13

“Niemarang hethôte ngale Farasi heh nekhu rãngma chentô chhih dângmin a! Nea ahuhkhoanglep! Nema mihnyan hehrãngma rangkhethung Hahsông lempa tangsekkoh eken, ngale nededemin ereko wãngmet, erediko eretheko wânghunte hehmin nema wãngthukmet!

MATHIU 4:24

Ate nginpa Siria diak phangtangma chohtat wah, ephumma mihnyan hehma jatrup khoanchette, khunte: juchhih lupte mihnyan heh, wobuh, kôasôte heh - ate tânâng siethû kolahma atema mesietwah.

MAK MA RAANGWAH NGINKONGSEN 4:19

Phumma mâmâ roandông rãng sekmah patrit, techhu dânghun, ngale lihân jatrup hungwah phôangthônghun pumma Joban nginpa tanghep eka, phumma thinma chhahri hongri mah.

1 KORINT 12:2

Nema ajet chenthu nema Joban lejet dangtet poatko, nema roandông ahote moangachaang hehnâng soamtô letma Joban tâwah lemke nâng taangchhoan letma dângwah.

1 TIMOTHI 5:6

Rohkomin hen janthoinyu ma ate roandôngko khuhah nâhah ngit aloam nânglolo huneka, ere janthoinyu pa ahînthu mejô lâriitah.

1 TIMOTHI 6:9

Rohkomin henhen techhu dânghun eka, ereheh achhih ngenâng jâriieka, ngale benâng mânritwah rãngrãng hung arin nâng rongrup achhihli heh thonghun eka pumma jâsiet lahma chhihsiet eka.

TITAS 1:11

Ere thinma ledangli nginmõang phoangthô eka heh jeksiet remin, chenrãngma ngako, thinma ledangli nginmõang heh hethô lahma chentô humte tangkâ heh hungke thukwak eka, ngale erepa rêsêli thôan, thinma ngunbi rãnglolo moeka.

TITAS 3:3

Chenrãngma ngako nãngkhumin poattheko aba, nginlekep, ngale athe dângwah. Ngale nãng hungma rongrup achhih ngale hei angem nâng rinmehun pumma haarãng kepwah. Nãngkhu roandôngpa mihnâng mitchek phetwân lihma dângwah; mihma nãngnâng chhihchoh ngale nãngma thinnâng chhihchoh relihma dângwah.

2 PITER 2:18

Thinma sekhota ngin heh jablahma ngam apoarii wakeka, ngale kaamchhih molahma sôngtôngte mihnyan heh chhangwah pechhoanrãng phungte mihnyan heh thin hei angem phoang pumma kaamchhih moeka hehnâng mãnriithuk eka.

2 PITER 3:17

Ngalemruchha heh, rohkomin, nema are nginpa lâjettet. Erohwah jetletma tongen, erohkoba niemarang junko ledangte mihnyan chhih hehnâng lechhihsietrii etadangen, ngale ne khope chohthin the kowah lejârii edangen.

JUD MA RAANGWAH SITI 1:16

Are mihnyan heh roantang mejû joang alîn ngale mihhan heh phoang chhihthôte; ngale thinma thindede hung arinwah achhih heh junko moeka; ngale thinma thindede rângthôrii eka, erediko thinma chenni huneka erepa jienchohrãng thinma mihan hehnâng phoang johchhah eka.

JUD MA RAANGWAH SITI 1:18

Thinma nenâng ngatwah, “Chenthu athôan sanpoat pa mehû theko, nenâng dûmmek jôjêmte mihnyan heh ehonga, ngale ere mihnyan hehma Joban lejet thangma thinhung sisiko edanga.”

JUD MA RAANGWAH SITI 1:4

Chenrãngma ngako nãngma lejet tungko nãngkhu mongnâng Joban lejette mihnyan huhluphû lahma tonga, ere mihnyan hehma Joban ngewah mînchenchaan pa thintungko dihiak dela kaamchhih moatrãng chhihsiet eka, ngale thinma nãngnâng Hethôte ngale Teso wathe lolo Jisu Krista nginmin dakwak eka. Chenthu thuma Joban nyapraangma are mihnyan chhih heh mahrit nginpa thôwah.