2 TIMOTHI 3:3 - NIEMNYAN Naga NT (BSI)

³ thinma mihnâng lemînchen, map lekoh, mihchhihthô, mênkhe, ngale nyahrãng cheili edanga; ngale thinma asenli nâng chhihchoh erea;

2 TIMOTHI 3:3 Iomraidhean Croise

MATHIU 10:21

“Phoma naapa eritphethuk a, ngale wama chha hehmin eroh eritphethuk a; chha hehmemin thin nyong awa lelatnâng dãnglahma eritphe thuk a.

MATHIU 4:1

Erediko Juma Jisu lindong lakdong nâng juchhihma hungtôanrãng sietchhoan wah.

LUK MA RAANGWAH NGINKONGSEN 10:16

Jisu ma ate dijunte hehnâng ngatwah, “Henhenma ne ngintat ehèn a, erepa nga ngintat ehang; henhenma ne letangroo dang ehèn a, arepa ngamin tangroo mahhang; ngale henhenma nga letangroo dang ehanga arepa nga chienkatte pemin tangroomah.”

LUK MA RAANGWAH NGINKONGSEN 16:14

Chenthu Farasi hehma erengin heh tatphumma thinma Jisu nâng dûmmek wah, chenrãngma ngako thinma ngun nâng hunwah.

JON MA RAANGWAH NGINKONGSEN 6:70

Jisu ma dânthâng wah, “Ngama nekhu echhi wanii ren eka, rohkomin nekhuwah wathe nâng juchhih etonghèn!”

ROMAN HEHNÂNG POLMA RAANGWAH SITI 1:29

Thin hungnâng chentô chhihli heh mênchong tongeka, mihhen, chhah nyoak, mangdâ; mihnâng phetwan, mihritphe, men ahiet, mih diapchhah, ngale pong apa. Thinma mih chhihthô rewak eka

ROMAN HEHNÂNG POLMA RAANGWAH SITI 1:31

Thin a aba; ngale thinma toamsem eka pemin kepmah, ngale thinma mihnâng mînchen chohsok aho.

1 KORINT 7:5

Nechhe dedema rangsoam sanpoat keprãng sanpoatthe leroamjup thangma taangru tongmênge ngama punthômîn letma ledang kenko, wathema wathe nâng nechhe phoangpa nekkhehmîn en; rohkomin erediko jengrewah tangnyu tangwa roamjup roamtông rãngrãngjô ngakroam jup atong en. Eroh medang enkoba nema hun poatko joaknâng leta jâsietrii etadangen.

1 KORINT 7:9

Rohkomin nema hei angem ma hun ekapa leta jeksiet medang enko, kepmîn re en - hei angem ma hun junko wênrit noma tangsông pa jôba asen.

1 THISALONIKA 4:8

Erohwah, henhenma are hethôeka nginpa dan eka erepa mihnyan ngindân dangmah, nenâng ate Asâthôanju kohte Joban ngin dan eka.

1 TIMOTHI 3:11

Thin tangnyu heh min jatsen dângmin ngale mihmin lechhihthôte dângmin; ngale thin a chentô nâng hungnoap rinnoap ngale toangtangma moatte dângmin.

TITAS 1:8

Atea mihnâng chohsok hunte, erediko chenrepa senlia ereko hunte dângmin. Atedede hung tâmông sietritte, toangtang, Asâ, ngale apun alemko dângte dângmin.

TITAS 2:3

Ererãngrãngjô wiku phannang dihiaknyu hehnângmin thin roandôngko sâpoangpoang sôngtông rãng rîn akhah o. Thinma mih nekchen chhihthô eka, ngale khemjok kânia nekchen dangwak eka. Thinma chenpa asenli a erepa chenphoang hethôwak a,

JEMS 2:6

Rohkomin nema tangchhih hehnâng thãjõ eken! Phumma ne namnek lahma chêmsiette erediko ne sekhamrãng nginpatte heh tânâng nesiethokte heh hen a? Ereheh a techhu heh ledangne!

2 PITER 2:14

Thinma dihiak dela kaamchhih moatrãng loloba phoanglem eka; thinma papkaam moatpa chenthumin jekmah. Ngale thinma diapphhek chhahla mihnyan heh diapphhek chhah lahma lemke nâng senphe eka. Ngale thin chhahnyoak lolo hethôeka. Erohwah thinma Joban wah chêm echohwak a!

2 PITER 2:19

Are nginmõang phoang hethôte mihnyan hehma thin dedejô kaamchhih haa danglahma mihhan hehnâng khope ekoh a ngama toamsem wakeka - chenrãngma ngako nãng chenni moatlem ma jien ehia ere moatlem rãngma nãnga haa lâdangtih.

2 PITER 3:3

Khebeng thôanko nema arepa jet en, athôan rangkuh sanhako mihnyan hehma thindede hung arinma chenni huneka ereheh lolo emowak a. Ngale thinma nenângmin dûmmek jôjêm erehèn

JUD MA RAANGWAH SITI 1:16

Are mihnyan heh roantang mejû joang alîn ngale mihhan heh phoang chhihthôte; ngale thinma thindede hung arinwah achhih heh junko moeka; ngale thinma thindede rângthôrii eka, erediko thinma chenni huneka erepa jienchohrãng thinma mihan hehnâng phoang johchhah eka.

JUD MA RAANGWAH SITI 1:18

Thinma nenâng ngatwah, “Chenthu athôan sanpoat pa mehû theko, nenâng dûmmek jôjêmte mihnyan heh ehonga, ngale ere mihnyan hehma Joban lejet thangma thinhung sisiko edanga.”

LOATKHESOK 13:15

Khedi kowah ngemchhih ko ama wah ngemchhih moangko rekma metlahma hînmet rãng chaan kohwah, ephumma ere moang pumma jab jienjabwah, ngale henhenma atenâng lesoam letôtea ere mihnyan heh phangtang ritphe rewah.

LOATKHESOK 13:17

Hennâng ere mînpa aho dangeka erehehma ariakmin chenjô leta chohriimin, ngale asengmin leta sengmin, ere mînpa dangeka, ngemchhih mînpa dângmin, ba atemîn thiakpa nemboat dângmin.

LOATKHESOK 16:6

Thinma Joban mihnyan ngale Mõng heh hei hôngsietwah, erohwah nenâng ere mihnyan heh hei pa jokthuk eka. Thinma chenni motah a ere thãpa jôba chohwak eka!”

LOATKHESOK 17:6

Ngale dihiaknyu pa Joban mihnyan heh hei ngale Jisu nginkepkep dângte mihnyan ritphetah heh hei pa joklahma hei pumma moklahma khewah. Chenthu Ngama ate kheko, nyahrãng bârit rewah.