2 TIMOTHI 3:2 - NIEMNYAN Naga NT (BSI)

² Mihnyan heh chhahnyoak, chhahkheh, ngam apoarit, ngale mâmâ dede rãnglolo thonghun lahma edanga; thin a mihdûmmek, nyong awa nginlekep, dangkoh a ngat lejet, ngale Joban ran lechei edanga;

2 TIMOTHI 3:2 Iomraidhean Croise

MATHIU 15:6

Ephumma thinma thinnyong awa ngin keptumah. Eroh nema Joban nginpa chhihsiet letma nededema thôeken junko songtong eken.

LUK MA RAANGWAH NGINKONGSEN 12:15

Ngale erediko Jisu ma mihnyan heh phangtang nâng thôkoh wah, “Jetletma dangen, ngale chhahnyoak nekdangen; chenrãngma ngako nea chentô chhu alujô medang enkomin, ne roandôngpa nema kep alo eken chhahkhem wanlem junko hîn ajô dangmet.”

LUK MA RAANGWAH NGINKONGSEN 16:14

Chenthu Farasi hehma erengin heh tatphumma thinma Jisu nâng dûmmek wah, chenrãngma ngako thinma ngun nâng hunwah.

LUK MA RAANGWAH NGINKONGSEN 6:35

Eroh dangmah! Neran hehnâng hun en ngale thinrãng kaamsen mokoh en; ngakchohrãng ledâlem thangma nêmthuk en. Eroh koba nema rangdong ekepen, ngale nea nyahrãng achoangthôan wah Joban chha eta dangen. Chenrãngma ngako atea dangkoh a ngama lengate heh demnâng min asen ngale mihnyan chhih heh demnâng min asen.

MOATLEM 5:36

Nema thonghun ekenle, melâng rangpâ manâng Thiudas pa ngamin wanthe adong ngama hongtah, phumma châbelii mihnyan rãng ate demnâng johdangtah. Phumma chenthu ate ritphe diko, ate dijunte heh phangtang phoangphan chhoan lahma ate ngin pemin mahjâtah.

ROMAN HEHNÂNG POLMA RAANGWAH SITI 11:18

Erohwah, nema phakjâ re eka bãngphak rãngrãng heh khohko nekngamrii en. Ne chenroh jienngamritmin a? Nea bãngphak rãngrãng ba; bãngphak pumma bãngrinko chohsûmah - bãngrin pumma ba bãngphakko chohsûeka.

2 KORINT 5:15

Atea anga nga rãngma ritwah, erohwah ahînte hehmin henjô mâmâ dede rãngma lehinmin, rohkomin thinrãngma hen riilahma ngakhintah a ere rãng loloba hînmin.

FILIPIEN 2:21

Ahan hehma mâmâ dede rãng sekmah patrii eka, Jisu Krista moatlem rãngma henjô sekmahmah.

KOLOSIEN 3:5

Erohwah nema nehung khenwah chentô achhih heh ritphe en, dihiak dela kaamchhih moat, lihân kaamchhih heh, dihiak nâng phetwân, hungnâng achhih thônghun, ngale chhahnyoak (Chhahnyoak pa moangachaang nâng soamtô nâng ngaeka).

2 THISALONIKA 2:4

Atema chentô joban ngale soamtô rewak eka heh lelatnâng danglahma atedede thin khohko dongrii lahma etonga. Atea Joban Rangsoamhum khennângmin tonghu lahma Joban ngama engariia.

1 TIMOTHI 1:20

Thinkhuchhang kowah heh dangeka, Himinaus ngale Alexender, phumma Ngama thin a joak ajo deknâng kohlekma chêmsietwak ekang; erejunko thinma Joban thãsê pa ejek a.

1 TIMOTHI 1:9

Rohkomin arepa thônghunmin, Niemarang pa mihnyansen hehrãng hôan dangmah, Niemarang junko ledangte mihnyan, ngoan aliak, Joban lejette, ngale papi mihnyan, Joban Niemarang junko ledangte, Joban Ju ahote, mâmâ nyong awa ritphete, ngale mihphoang ritphete,

1 TIMOTHI 3:3

atea khemmok chempa ngale pong apa ledangmin, rohkomin numnene ngale mêmo mihnyan dângmin; ngale atea ngun nâng nyahrãng hunte ledangmin;

1 TIMOTHI 6:10

Chenrãngma ngako, ngun nâng hun junko rongrup achhih heh hongeka. Khaka hehma ngun nâng nyahrãng hunlahma Joban nângmin putedâlem tumah, ngale thinhung arin hehmin rongrup achhihli heh thonghun lahma chhihjâ eka.

1 TIMOTHI 6:4

erehehma chenmin lejet thangma ngam apoarit loloba rewak eka. Ngale atea Joban jabkhab junma chhiakmîn lahma mênmîn loloba thonghun lahma tongwak eka, ngale erejunko mihnâng mitchek, chhiakmîn, mihnâng dûmmek, ngale achhih ngenâng phoangkhâ,

2 TIMOTHI 3:4

thinma mihheh phoang chensãng, hen roakmin leweih, ngale ngam apoarit erewak a; thinma Joban nâng hun noma khuhah nâhah dângko lolo ehunwak a;

JEMS 2:8

Joban nyapraang wah choheki Joban Hahsông Niemarang pa mekep enko nema kaampunli moeken, ereko aroh raangeka, “Ne humtok humkhung wah mihnyan hehnâng nedede hunrii eken rãngrãng hun en.”

JEMS 4:16

Rohkomin athângheh nea ngam apoarit reken, ngale rângthôrit re eken; Are chentô rângthôrii eken heh phangtang athe.

JEMS 4:6

Rohkomin Joban ma nãngnâng ate mînchenchaan koh ehipa ere nomemin achaan. Joban nyapraangma ngaeka, “Joban ma ngam apoate mihnyan hehnâng hunmah, rohkomin numnene dângte mihnyan hehnâng ate mînchenchaan koheka.”

1 PITER 5:5

Ererãngrãng leta lechhih hehmin ne khhepho phannang heh khenko thin nginkepkep dangen. Ngale wathema wathe nâng jienchohsok mînrãng nekhu anga nga numnene tuta dangen; chenrãngma ngako Joban nyapraangma ngaeka, “Joban ma ngam apoate mihnyan hehnâng hunmah, rohkomin numnene dangte mihnyan hehnângba senchoh eka.”

2 PITER 2:10

ajahthôan pa Joban nginlekep thangma thin hei angem phoang pumma phetwân lahma huneka rãngrãng moatte heh echêmthuk a. Are nginmõang hethôte heh hungdong rindong ngale nyahrãng angam, ngale thinma rangkhethung wah hehnângmin achhih ngatrãng cheimah; erenoma thinma rangkhethung wah hehnâng jõjêm re eka.

2 PITER 2:12

Are nginmõang phoang hethôte mihnyan heh wunngem lolihma rângritphe e rãngrãng, thin hungnâng chenjô lechhem hun thangma thinma lejet dangeka lelatnâng chhih jabwak eka; thin a wunwah ngem heh lolihma rângritphe e rãngrãng ritphemin,

2 PITER 2:18

Thinma sekhota ngin heh jablahma ngam apoarii wakeka, ngale kaamchhih molahma sôngtôngte mihnyan heh chhangwah pechhoanrãng phungte mihnyan heh thin hei angem phoang pumma kaamchhih moeka hehnâng mãnriithuk eka.

2 PITER 2:3

Ne ngewah ngun akem heh jienkeprãng nenâng thin dedema hôanwah nginmõang heh thôkoh ehèn. Rohkomin Joban ma thinnâng chenthu thuma achhih ngama ngalahma thieneka, ngale thin Chhihsiette pa ajupmin lejup tongeka!

JUD MA RAANGWAH SITI 1:16

Are mihnyan heh roantang mejû joang alîn ngale mihhan heh phoang chhihthôte; ngale thinma thindede hung arinwah achhih heh junko moeka; ngale thinma thindede rângthôrii eka, erediko thinma chenni huneka erepa jienchohrãng thinma mihan hehnâng phoang johchhah eka.

LOATKHESOK 13:1

Erediko Ngama ngemchhih pa josi wah loatwãng lahma khewah. Ere ngemchhih ko rong kaechhi ngale kho phangengit dângwah; ate rong chentô nâng khophokwin dângwah, ngale ate kho chentô nâng Joban nâng dûmmek lahma mînraangwin dângwah

LOATKHESOK 16:11

ngale thinma thinnâng nyahrãng chet ngale mâ achâ junko rangkhethung wah tôngte Joban nâng têm athoak wah. Rohkomin thin moatlem chhih hehwah hung ngaklit mah.

LOATKHESOK 16:21

Miendong pajâ rewah, mien wanthe pajô toak bangâ lih rangkho wah mihnyan heh khohnâng jâkatwah, ngale mihnyan hehma miendong jâkatdi Joban nâng tem athoak rewah, chenrãngma ngako ere mienjâ ekapa nyahrãng cheili dângwah.

LOATKHESOK 16:9

Thinnâng san pa nyahrãng chaanhong lahma nyahrãng chaansah phumma thinma are sanchaan hongeka pa tâjeksiette Joban nâng tem athoak rewah. Rohkomin thinma papwah hungngaklit lahma Joban dong ngale ate chaanpa rângthô wakmah.